Dokʉ̈ Jâan 2:6 - Mbëtï Ndjapä: TÄFO MADƗ̈

⁶ Akrə ndə̂ tche tô rə̂ pä anyë kä balë la Ndjapä, äwäpä kə̂ sə ndə̂ yê wa batə̂ andə̂ Jezü Krîsiti.

Dokʉ̈ Jâan 2:6 Iomraidhean Croise

Matiyə̈ 11:29

Nyë zä kʉ̂ngbô ndə̂ mê ndə̂ âlûâbô lû-î, kə̂ gbotə̂ köbo sə̈ mê ndə̂kə̂ pa më nyisə̂ rə sə̈ nyê! Bëte më wâbo tə̂ akrə ndə̂ mê mbo gbôgbô tə̂ azü-a, kə̈ pûâbo ndjë gbölö tchô-a. Nyê gboadje tchô ndə̂kə̂ yatə̂ nyê tâ.

Jâan 13:15

Më nyïsə̂ nə̈ sə̈ nyê käko, ndə̂kə̂ pa nyë mbo ndjë rə̂ käko, batə̂ rə̂ ndə̂ më mbô rə̂ tə̂ nyê.

Jâan 15:10

Âdə nyê âbata andïɛ̈ ndə̂ mê, nyê səadje kpô lə̂kə̂ nyində̂ ngâ ndə̂ më nyîndə̂ nyê la rə̂ lâme. Batə̂ rə̂ ndə̂ më bâta andïɛ̈ ndə̂ Bha mê ânyë kə̈ sə̂ kpô lə̂kə̂ nyində̂ ngâ ndə̂ tche nyîndə̂ nyê la rə̂ lâme.

Dokʉ̈ Körɛ̂nte 11:1

Nyë mbö rə batə̂ mê, batə̂ rə̂ ndə̂ mëmê ndjë gbɛ̂ më mbô rə batə̂ Krîsiti.

Ëfêze 5:2

Nyë sə̈ lakə̂ nyində̂ angâ nyê, batə̂ rə̂ ndə̂ Krîsiti nyîndə̂ azə̂ ânyë kə̈ zâtə̂ yê la tə̂ yê la ngela sə̈ Ndjapä bëte azə̂, batə̂ ngâ gia ndə̂ a zô tchë pâ gbalâka sə̈ Ndjapä ndə̂ tchâfo yê fô djîrə̂ ânyë kə̈ fû tə̂ su yê.

Dokʉ̈ Pîêre 2:21

Dëkë rə ndə̂ Ndjapä ê nyê bëte rə̂ kä lâme, bëte Krîsiti la tə̂ yê wün ndjë yûkü tə̂ pö ndə̂ nyê, ânyë kə̈ nyîsə̂ köbo nə̈ sə̈ nyê ndə̂kə̂ pa nyë nə lə̂ manə̈ ngbâ yê.

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.

Dokʉ̈ Jâan 2:4

Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 3:6

Akrə ndə̂ tche wâ balë la Krîsiti, tche mbôâbô ngbongbo rə-a. Akrə ndə̂ tche ndə̂po lakə̂ mbo ngbongbo rə, dëkë tche wûn-âbo sə̂ Krîsiti-a, kə̈ wûn-âbo ndjë tchë balë-a.

Dokʉ̈ Jâan 4:17

Âdə kə̂ nyində̂ ngâ âdaka gbɛ̂ lə̂ azə̂, käko lo kə̂ wa ngbanga, su azə̂ wadje gii-ï. Azə̂ səadje käko, bëte kə̂ sə ndə̂ azə̂ bêche âtə kʉ̈tə̂ yê la andə̂ Jezü Krîsiti.