Dokʉ̈ Jâan 2:5 - Mbëtï Ndjapä: TÄFO MADƗ̈

⁵ Praâbalë akrə ndə̂ tche bâta pö ndə̂ yê, dëkë tche nyïndə̂ Ndjapä tə̂ lëge nə̈ gbɛ̂. Tchâme, azə̈ wunsə̂ nə̈ pä azə̈ wâ nə̂ balë la Ndjapä.

Dokʉ̈ Jâan 2:5 Iomraidhean Croise

Lûke 11:28

Jezü tô rə̂ ndə̂nə̈ sə̈ tchë päkëdə̂: «Mômô nə̈ wätə̂ azü ndə̂ andjë djê pö Ndjapä, ânyë kə̈ mbô rə gundə̂sə̂ nə̈!»

Jâan 14:21

Akrə ndə̂ tche nyîndə̂ mê, tche də̈ akrə ndə̂ tchê bata andïɛ̈ ndə̂ mê, ânyë kə̂ mbo rə gundə̂sə̂ nə̈. Bha mê nyiadje ndə̂ akrə ndə̂ tche nyîndə̂ mê. Mëmê ndjë gbɛ̂ mê nyiadje ndə̂ yê, kə̂ madje tə̂ mê sə̈ tchë.»

Jâan 14:23

Jezü tô rə̂ sə̈ tchë päkëdə̂: «Âdə ngâ akrə ânyində̂ mê, tchê mboadje rə gundə̂sə̂ pö ndə̂ mê. Bha mê ndjë gbɛ̂ nyiadje ndə̂ yê, mëmê la Bha mê, ârâ eadje ndə̂kə̂ sə bhândə̂ yê.

Jâan 15:5

Më wätə̂ da yö vînye, nyë wätə̂ amatö nə̈. Akrə ndə̂ tche wâ balë la mê, ânyë më wâ balë la tchë, tchê leadje alêlê nə̈ tə̂ gbölösə̂nə̈, bëte âdə nyë âsə tə̂ mê bhâchï, nyê mboabô ngâ rə balë tee-a.

Jâan 6:56

Akrə ndə̂ tche zɨ̂ mbë mê ânyë kə̈ ndjô jï mê, akrə nə̈ lâme kä balë la mê ânyë më kä ndjë balë la tchë.

Rômo 8:1

Angaâtə, azü ndə̂ andjë wâ balë la Jezü Krîsiti, ngâ pö balë kä wâ bata lə̂ küma andjê-a.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Bïchuû Körɛ̂nte 5:17

Âdə ngâ akrə âwa balë la Krîsiti, tche wâ nə̂ tə̂ täfo akrə. Abəndɨ rə rô nə̂, täfo rə kä âkə̈ wâ tâ.

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Jâke 2:22

Mo wün rə̂ tchâme pä kə̂ za su Abrahâmo sə̈ Ndjapä wä balë la kua nə̈, ânyë su yê ndə̂ tche zâ rə̂ sə̈ Ndjapä däka gbɛ̂ lə̂ köbosə̂ kua ndə̂ tche mbô rə̂.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 4:17

Âdə kə̂ nyində̂ ngâ âdaka gbɛ̂ lə̂ azə̂, käko lo kə̂ wa ngbanga, su azə̂ wadje gii-ï. Azə̂ səadje käko, bëte kə̂ sə ndə̂ azə̂ bêche âtə kʉ̈tə̂ yê la andə̂ Jezü Krîsiti.

Dokʉ̈ Jâan 4:18

Wawa wâbo lə̂kə̂ nyində̂ ngâ-a. Kə̂ nyində̂ ngâ ndə̂ âdâka gbɛ̂ grö wawa. Wawa wûnsə̂ nə̈ nə̂ pä ngbanga kä lakə̂ krʉ bëte anyê. Käko akrə ndə̂ tche kpê wa nə̈, dëkë tche wûn-âbo sə̂kə̂ nyində̂ ngâ ndə̂ âdâka gbɛ̂ nə̂-a.

Dokʉ̈ Jâan 5:2

Rə ndə̂ azə̈ wunsə̂ nə̈ pä azə̈ nyïndə̂ abechë ndə̂ Ndjapä wä kâkë: Äwäpä azə̈ nyində̂ Ndjapä lakə̂ mbo rə gundə̂sə̂ andïɛ̈ ndə̂ yê.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.

Bïchuû Jâan 1:6

Kə̂ nyində̂ ngâ wä ndə̂kə̂ pa akrə sə gundə̂sə̂ ndïɛ̈ ndə̂ Ndjapä. Äwätə̂ ngâ ndïɛ̈ ndə̂ nyë djê pö ndə̂nə̈ lə̂ kêsâ nə̈. Äwäpä nyë sə lə̂ köbosə̂ kə̂ nyində̂ ngâ.

Apökälîbïchi 12:17

Gbölö mêrâ mbô gia ndə̂ tche wâ batə̂ mbölëngä lâme tə̂ ɛ̈chë nə̈, ânyë tche ê ndə̂kə̂ mbo kʉ̈ʉ̈ la adɨ̂ azü pâ mawo ndə̂ yê, andjanə̈ ndə̂ andjë kpê wa andïɛ̈ ndə̂ Ndjapä, ânyë kə̈ wâtə̂ azü ndə̂ andjë wûnsə̂ pö pâ Jezü, ânyë kə̈ mû rə̂.

Apökälîbïchi 14:12

Lo nə̈ tâ tâ nə̂ ndə̂kə̂ pa azü ndə̂ Ndjapä rʉatə̂ su andjê, andjanə̈ ndə̂ andjë bâta ndïɛ̈ ndə̂ Ndjapä ânyë kə̈ zâ su andjê sə̈ Jezü.