Dokʉ̈ Jâan 2:4 - Mbëtï Ndjapä: TÄFO MADƗ̈

⁴ Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 2:4 Iomraidhean Croise

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Tîte 1:10

Angâ angbängbä azü kä tâ ndə̂ andjë kôsə̂ kə̂ dje ma, andjë dɨ̈ awünwün apö lakə̂ bôlo azü. A gbö azü nə̈ lâme tə̂ gbogbôsə̂nə̈ lə̂ gbâtə̂ ajuîfu ndə̂ andjë zâ su andjê sə̈ Krîsiti.

Tîte 1:16

Andjë tö rə̂ la ma andjê pä, anyë wûnsə̂ Ndjapä nə̂, dëkë kua ndə̂ andjê nyïsə̂ nə̈ pä andjë vûsə̂ yê nə̂. Ngbongbo rə ndə̂ andjê rö masə̂nə̈, azü ndə̂ andjë kôsə̂ Ndjapä, andjë wâbo ndjë ndə̂kə̂ mbo tchôtchô rə balë-a.

Dokʉ̈ Jâan 1:10

Âdə azə̂ âto rə̂ pä azə̈ mbôâbo ngbongbo rə, dëkë azə̈ mbö rə̂ pä Ndjapä watə̂ earə̂ yepa, pö ndə̂ yê wâbo lə̂ su azə̂-a.

Dokʉ̈ Jâan 1:6

Âdə azə̈ âto rə̂ pä azə̈ wä balë la tchë, ânyë gbô azə̂ ndə̂po lakə̂ nə lə̂ bübü tchô, dëkë azə̈ mô yepa nə̂. Azə̈ mbôâbo rə gundə̂sə̂ lëge pö-a.

Dokʉ̈ Jâan 1:8

Âdə azə̂ âto rə̂ pä ngbongbo rə wâbo lə̂ azə̂-a, dëkë azə̈ bölotə̂ azə̂ la tə̂ azə̂, lëge pö wâbo lə̂ azə̂-a.

Dokʉ̈ Jâan 2:3

Âdə azə̂ âmbo rə gundə̂sə̂ andïɛ̈ ndə̂ Ndjapä, tchâme, azə̈ wunsə̂ nə̈ pä azə̈ wûnsə̂ Ndjapä nə̂.

Dokʉ̈ Jâan 2:9

Akrə ndə̂ tche tô rə̂ pä anyë kä lə̂ ngbänga, ânyë kə̈ kôsə̂ ngâ yê, dëkë gbô tchë kä po lə̂ bübü tchô.

Dokʉ̈ Jâan 3:6

Akrə ndə̂ tche wâ balë la Krîsiti, tche mbôâbô ngbongbo rə-a. Akrə ndə̂ tche ndə̂po lakə̂ mbo ngbongbo rə, dëkë tche wûn-âbo sə̂ Krîsiti-a, kə̈ wûn-âbo ndjë tchë balë-a.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.