Dokʉ̈ Jâan 2:3 - Mbëtï Ndjapä: TÄFO MADƗ̈

³ Âdə azə̂ âmbo rə gundə̂sə̂ andïɛ̈ ndə̂ Ndjapä, tchâme, azə̈ wunsə̂ nə̈ pä azə̈ wûnsə̂ Ndjapä nə̂.

Dokʉ̈ Jâan 2:3 Iomraidhean Croise

Lûke 6:46

«Bëte giamâ kä ndə̂ nyê e mê ‹Gbölö Gbïɛ̈, Gbölö Gbïɛ̈›, ânyë kə̈ mbôâbô rə mbô gundə̂sə̂ apö ndə̂ më tô rə̂ sə̈ nyê-ê?

Jâan 14:15

«Âdə nyê ânyində̂ mê, kə̂ batadje andïɛ̈ ndə̂ mê.

Jâan 15:10

Âdə nyê âbata andïɛ̈ ndə̂ mê, nyê səadje kpô lə̂kə̂ nyində̂ ngâ ndə̂ më nyîndə̂ nyê la rə̂ lâme. Batə̂ rə̂ ndə̂ më bâta andïɛ̈ ndə̂ Bha mê ânyë kə̈ sə̂ kpô lə̂kə̂ nyində̂ ngâ ndə̂ tche nyîndə̂ nyê la rə̂ lâme.

Jâan 15:14

Âdə nyê âmbo rə gundə̂sə̂ kə̂ zama ndə̂ mê, nyë wätə̂ araagü mê.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Aheborö 5:9

Ndə̂ Jezü kâ akua ndə̂ yê gbɛ̂, tche mbôtə̂ yê tə̂ akrə ndə̂ tche za kə̂ tcha lə̂ kuzü ndə̂ logbɛ̂ sə̈ azü gbɛ̂ ndə̂ andjë djê ma yê.

Dokʉ̈ Jâan 2:13

Nyënyê ndə̂ arabha, më mbö mbëtï âtə sə̈ nyê bëte nyë wûnsə̂ tchanə̈ ndə̂ tche wâ tâ lə̂ kêsâ nə̈ lâme nə̂. Nyënyê ndə̂ abechë-ɛ̈köchë la abechë-ɛ̈chë, më mbö mbëtï âtə sə̈ nyê bëte nyë rôpâ Ngbongbo akrə nə̂.

Dokʉ̈ Jâan 3:14

Azə̈ wûnsə̂ nə̈ nə̂ pä azə̈ rô lə̂ kuzü nə̂, ânyë kə̈ wâ la tchîsûwu, bëte rə̂ ndə̂ azə̈ nyîndə̂ angâ azə̂. Akrə ndə̂ tche nyîâbô nyîndə̂ ngâ yê, dëkë gbô tchë kä lə̂ kuzü.

Dokʉ̈ Jâan 3:19

Käko kä ndə̂ azə̈ wun-adje sə̂nə̈ pä azə̈ də̈ azü ndə̂ lëge pö, ânyë su azə̂ wadje gii tchâtchu Ndjapä.

Dokʉ̈ Jâan 3:6

Akrə ndə̂ tche wâ balë la Krîsiti, tche mbôâbô ngbongbo rə-a. Akrə ndə̂ tche ndə̂po lakə̂ mbo ngbongbo rə, dëkë tche wûn-âbo sə̂ Krîsiti-a, kə̈ wûn-âbo ndjë tchë balë-a.

Dokʉ̈ Jâan 4:13

Rə ndə̂ azə̈ wunsə̂ nə̈ pä azə̈ kädje balë la Ndjapä, ânyë tche kä ndjë lə̂ azə̂ wä kâkë: Tche zä Yingö ndə̂ yê sə̈ azə̂.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Dokʉ̈ Jâan 5:2

Rə ndə̂ azə̈ wunsə̂ nə̈ pä azə̈ nyïndə̂ abechë ndə̂ Ndjapä wä kâkë: Äwäpä azə̈ nyində̂ Ndjapä lakə̂ mbo rə gundə̂sə̂ andïɛ̈ ndə̂ yê.

Dokʉ̈ Jâan 5:3

Bëte kə̂ nyində̂ Ndjapä wä ndə̂kə̂ pa azə̈ mbo rə gundə̂sə̂ andïɛ̈ ndə̂ yê. Andïɛ̈ ndə̂ yê nə̈ lâme lûâbo-a.

Apökälîbïchi 12:17

Gbölö mêrâ mbô gia ndə̂ tche wâ batə̂ mbölëngä lâme tə̂ ɛ̈chë nə̈, ânyë tche ê ndə̂kə̂ mbo kʉ̈ʉ̈ la adɨ̂ azü pâ mawo ndə̂ yê, andjanə̈ ndə̂ andjë kpê wa andïɛ̈ ndə̂ Ndjapä, ânyë kə̈ wâtə̂ azü ndə̂ andjë wûnsə̂ pö pâ Jezü, ânyë kə̈ mû rə̂.

Apökälîbïchi 14:12

Lo nə̈ tâ tâ nə̂ ndə̂kə̂ pa azü ndə̂ Ndjapä rʉatə̂ su andjê, andjanə̈ ndə̂ andjë bâta ndïɛ̈ ndə̂ Ndjapä ânyë kə̈ zâ su andjê sə̈ Jezü.

Apökälîbïchi 22:14

Mômô kä tə̂ azü ndə̂ andjë djûtu alə̂ba ndə̂ andjê, ânyë a zâ köbo sə̈ andjê ndə̂kə̂ zɨ alêlê yö ndə̂ âza tchîsûwu sə̈ azü, ndjë ndə̂kə̂ li lə̂ amanda gö nə̈.