Dokʉ̈ Jâan 2:29 - Mbëtï Ndjapä: TÄFO MADƗ̈

²⁹ Âdə nyë âwunsə̂ nə̈ pä Krîsiti wä djîrə̂, äwäpä nyë wunsə̂ nə̈ pä akrə ndə̂ tche mbô djîrə̂ rə, dëkë tche də̈ bechë ndə̂ Ndjapä.

Dokʉ̈ Jâan 2:29 Iomraidhean Croise

Jâan 1:13

Andjë wâbo tə̂ abechë ndə̂ Ndjapä lə̂ köbosə̂ nə̈ ndə̂ anyï zɨ bechë-a, âdə̂âbo ndjë lə̂ köbosə̂ nə̈ ndə̂ su akrə nyîndə̂ nə̈-a, praâbalë Ndjapä kä ndə̂ âzɨ̂ andjê.

Jâan 7:18

Akrə ndə̂ tche tô pö ndə̂ yê la tə̂ yê, tche pü köbo ndə̂kə̂ pa azü lusə̂ yê. Praâbalë akrə ndə̂ tche nyîndə̂ nə̈ pä azü lusə̂ akrə ndə̂ tche wân tchë, tche tö lëge pö, ânyë mbə̈lï wâbo lə̂ yê-a.

Abadjângele 10:35

Âdə ngâ akrə âkpe wa Ndjapä, ânyë kə̈ wâtə̂ djîrə̂ akrə, âdəndjë rə̂ ndə̂ tche də̂ akrə ndə̂ ngâ gö ngbî, tche dâka tchâtchu Ndjapä nə̂.

Abadjângele 22:14

Tche tô rə̂ sə̈ mê päkëdə̂: ‹Ndjapä ndə̂ araâta azə̂ zä mö ngbî ndə̂kə̂ pa mo wunsə̂ rə ndə̂ tche nyîndə̂ nə̈, mo wun Jezü, ndə̂ tche wâtə̂ gbokôngô djîrə̂ akrə, ânyë kə̂ dje ndjë pö ndə̂ tche to rə̂ sə̈ mö la mama yê.

Abadjângele 3:14

Nyë kösə̂ akrə ndə̂ tche wâ ngbî bëte Ndjapä, kə̈ wätə̂ djîrə̂ akrə, ânyë kə̈ yûkû nə̈ sə̈ Pïlâte ndə̂kə̂ pa tche ji ngâ earə̂ kə̂ won azü.

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Aheborö 7:2

La tchêngbâ nə̈ Abrahâmo kʉ̂ dîme ndə̂ arə gbɛ̂ ndə̂ tche kʉ̂ rə̂ lə̂ kʉ̈ʉ̈ sə̈ tchë. Dokʉ̈ rə̈ yê wü pä Mëlëkïsëdêke, ndə̂ ânyîndə̂ kə̂ to rə̂ päkëdə̂: «Djîrə̂ gbïɛ̈». Bïchuû rə̈ yê nə̈ wü pä Gbïɛ̈ lə̂ gö ndə̂ Sälême, ndə̂ ânyîndə̂ kə̂ to rə̂ päkëdə̂: «Gbïɛ̈ ndə̂ zɨtɨ su».

Aheborö 7:26

Gbölö earə̂ kə̂ wa ngela sə̈ Ndjapä ndə̂ tche wâ ndə̂kə̂ mbo rə̂ la azə̂ kä lâme. Tche wä ngbî ânyë kə̈ dâka gbɛ̂, pö balë wâbo lə̂ küma yê-a, tche mbôâbo ngbongbo rə balë-a, kə̈ krʉ̂ tchə̂lə̂ tə̂ yê la a-earə̂ ngbongbo rə, Ndjapä zâ tchë bhâ lafô pâ arə gbɛ̂.

Jâke 1:18

Tchetchë la tə̂ yê, tche zä tchîsûwu sə̈ azə̂ lə̂ köbosə̂ pö ndə̂ yê ndə̂ âwâtə̂ lëge pö, ndə̂kə̂ pa azə̈ watə̂ adokʉ̈ arə gbɛ̂ ndə̂ tche mbô rə̂.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Pîêre 1:3

Azə̈ vöga Ndjapä, Bha Gbölö Gbïɛ̈ ndə̂ azə̂ Jezü Krîsiti! Lə̂ köbosə̂ gbölö dâkâ ndə̂ yê, tche mbö rə̂ ndə̂kə̂ pa a ka zɨ̂ azə̂ tə̂ täfo nə̈, lə̂ köbosə̂ nə̈ ndə̂ Krîsiti jô lə̂ kuzü. Käko azə̈ zä su azə̂ pâ rə ndə̂ âwâbô wâ ndə̂kə̂ tchu.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Bïchuû Pîêre 1:4

Lə̂ köbosə̂ arə nə̈ lâme kä ndə̂ Ndjapä kʉ̂ atchôtchô arə ndə̂ gbölö ngîrî sə̈ azə̂ ndə̂ tche zâ bâlâ tə̂ pö ndə̂nə̈ alême. Käko ndə̂ nyê âsə̈ gbo rə̂, âmbo rə̂ pä nyë kpe tə̂ köbo agʉ arə tchêbêche âtə ndə̂ ândɨ azü. Käko kä ndə̂, kə̂ sə ndə̂ nyê kʉtə̂ yê la andə̂ Ndjapä.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Dokʉ̈ Jâan 3:7

Abechë ndə̂ mê, ngâ akrə balë yüäbô köbo nyê yû-î. Akrə ndə̂ tche mbô djîrə̂ rə, dëkë tche wätə̂ djîrə̂ akrə batə̂ Jezü ndə̂ tche wâ djîrə̂.

Dokʉ̈ Jâan 4:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä azə̈ nyində̂ angâ azə̂ lə̂ gbâtə̂ azə̂, bëte kə̂ nyində̂ ngâ tö bhândə̂ Ndjapä. Akrə ndə̂ tche nyîndə̂ ngâ yê, tche də̈ bechë ndə̂ Ndjapä, bëte tche wûnsə̂ Ndjapä nə̂.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.

Dokʉ̈ Jâan 5:4

Bëte azü gbɛ̂ ndə̂ andjë wâtə̂ abechë ndə̂ Ndjapä, andjë rö tchêbêche âtə la gbôgbô. Köbo ndə̂kə̂ ropâ tchêbêche âtə la gbôgbô də̈ kə̂ za su sə̈ Ndjapä.

Vötaâ Jâan 1:11

Ngâ mê ndə̂ më nyîndə̂ zə̈ tə̂ gbölösə̂nə̈, amö zabô tchêngbâ ngbongbo rə zâ-ê, praâbalë amö za tchêngbâ tchôtchô rə. Akrə ndə̂ tche mbô tchôtchô rə, dëkë tche də̈ akrə ndə̂ Ndjapä. Akrə ndə̂ tche mbô ngbongbo rə, dëkë tche wûn-âbo sə̂ Ndjapä-a.