Dokʉ̈ Jâan 2:27 - Mbëtï Ndjapä: TÄFO MADƗ̈

²⁷ Âdə andə̂ nye nə̈, Kpɨ̂ki Yingö ndə̂ Krîsiti zâ rə̂ sə̈ nyê lâme kä lə̂ su nyê. Äkä wâbo ndə̂kə̂ pa ngâ akrə kä ndə̂ ânyisə̂ rə sə̈ nyê-a, praâbalë Kpɨ̂ki Yingö ndə̂ yê lâme kä ndə̂ ânyisə̂ arə gbɛ̂ sə̈ nyê. Tche nyîâbo sə̂ yepa-a, praâbalë tche nyïsə̂ lëge pö. Bëte rə̂ kä ndə̂, äwäpä nyë wa balë la Krîsiti batə̂ rə̂ ndə̂ Kpɨ̂ki Yingö nyîsə̂ nə̈ sə̈ nyê.

Dokʉ̈ Jâan 2:27 Iomraidhean Croise

Matiyə̈ 13:11

Tche tô rə̂ ndə̂nə̈ sə̈ andjê päkëdə̂: «Andə̂ nye nə̈, Ndjapä zä rə̂ sə̈ nyê ndə̂kə̂ wunsə̂ alëge pö ndə̂ Gbölö gö-gbïɛ̈ ndə̂ tchêlafô ndə̂ âwâ wü. Andə̂ andjë nə̈, Ndjapä zâbo rə̂ sə̈ andjê ndə̂kə̂ wunsə̂ nə̈-a.

Jâan 14:16

Mê yuadje Bha mê ndə̂kə̂ pa tche za ngâ akrə ngbî, tche za könô sə̈ nyê ânyë kə̂ sə ndrotə̂ nyê pïï etə̂.

Jâan 14:17

Tche wätə̂ Yingö ndə̂ tche to lëge pö, ânyë azü tchêbêche wâbo ndə̂kə̂ gamba pö ndə̂ yê-a, bëte andjë wûn-âbo tchë-a, ânyë kə̈ wûn-âbo sə̂ yê-a. Praâbalë nyënyê ndə̂ nye nə̈, nyë wûnsə̂ yê nə̂, bëte tche kä ndrotə̂ nyê ânyë tche kä lə̂ nyê.

Jâan 14:26

Praâbalë earə̂ kə̂ za könô sə̈ nyê, ndə̂ tche də̂ Kpɨ̂ki Yingö ndə̂ Bha wan-adje tchë la rə̈ mê, tchê nyiadje sə̂ arə gbɛ̂ sə̈ nyê, ânyë kə̂ mboadje rə̂ pä arə gbɛ̂ ndə̂ më nyîsə̂ nə̈ alême sə̈ nyê sə̂nə̈ te lə̂ nyê.

Jâan 16:13

Âdə Yingö ndə̂ lëge pö nə̈ âwutu, tchê nyiadje sə̂ alëge pö gbɛ̂ sə̈ nyê. Bëte tchê nyiabô sə̂ pö ngbâ su yê tee-a, praâbalë tche ânyisə̂ apö gbɛ̂ ndə̂ tche djê rə̂, kə̂ toadje ndjë pö ndə̂ arə gbɛ̂ ndə̂ âwâ ndə̂kə̂ wutu sə̈ nyê.

Jâan 4:14

Praâbalë akrə ndə̂ tche ndjô ngû ndə̂ mê zadje rə̂ sə̈ tchë, gʉ ngû âkä nyu bata tchë tee-a. Ngû ndə̂ mê zadje rə̂ sə̈ tchë wadje lə̂ yê batə̂ küma ngû, ndə̂ tchîsûwu ndə̂ logbɛ̂ logbɛ̂ wutu lə̂nə̈.»

Jâan 6:45

A-earə̂ ndə̂ma Ndjapä mbö rə̂ lə̂ mbëtï päkëdə̂: ‹Ndjapä ânyiadje sə̂ rə sə̈ azü gbɛ̂.› Akrə balë balë gbɛ̂ ndə̂ tche djê Bha mê ânyë kə̈ gâmba apö ndə̂ tche nyîsə̂ nə̈ sə̈ tchë, tchê nəadje pu mê.

Dokʉ̈ Körɛ̂nte 2:12

Âdə andə̂ azə̈ nə̈, azə̈ gbôâbo yingö ndə̂ tchêbêche âtə-a, praâbalë azə̈ gbö Yingö ndə̂ âtô bhândə̂ Ndjapä, ndə̂ âmbô rə̂ pä azə̈ wunsə̂ atchôtchô arə ndə̂ Ndjapä kʉ rə̂ sə̈ azü lə̂ köbosə̂ tchôtchô su yê.

Dokʉ̈ Körɛ̂nte 2:13

Käko ârâ tôâbo pö lə̂ köbosə̂ küma azü ndə̂ âwa lanə̈ pâ cho âtə-a, praâbalë ârâ tö rə̂ lə̂ köbosə̂ nə̈ ndə̂ Kpɨ̂ki Yingö nyîsə̂ nə̈ sə̈ ârâ. Ädə̈ käko ânyë ârâ nyisə̂ rə ndə̂ Kpɨ̂ki Yingö la apö ndə̂ âtô bhândə̂ Yingö lâme.

Bïchuû Körɛ̂nte 1:21

Ndjapä kä ndə̂ âmbô rə̂ pä mëmê la nyê gbɛ̂, azə̈ kpokpo tə̂ azə̂ lə̂kə̂ wa balë la Krîsiti, ânyë kə̈ kʉ̂ azə̂ ngbî bëte tchë.

Ëfêze 4:21

Âdə tchetchë tə̂ lëge nə̈ kä ndə̂ nyë djê pö ndə̂ yê, âdə pö pâ yê kä ndə̂ a nyîsə̂ nə̈ sə̈ nyê gundə̂sə̂ lëge pö ndə̂ âwâ lə̂ Jezü:

Kölôse 2:6

Ndə̂ nyë nyîndə̂ nə̈ pä Jezü Krîsiti wa Gbölö Gbïɛ̈ ndə̂ nyê lâme, äwäpä nyë mbo rə batə̂ azü ndə̂ andjë wâ balë la tchë.

Dokʉ̈ Tësälönîke 2:13

Bëte rə̂ kä ndə̂ ârâ ndjë gbɛ̂ ârâ zä ayîabâ sə̈ Ndjapä logbɛ̂ bëte sə̂nə̈ ndə̂ ârâ mû pö Ndjapä sə̈ nyê alême, nyë djê rə̂, ânyë kə̈ gbô rə̂ batə̂ lëge pö ndə̂ Ndjapä, âdə̂âbo batə̂ pö ndə̂ akrə-a. Praâbalë pö nə̈ tö bhândə̂ Ndjapä ânyë kə̈ mbô kua lə̂ su nyê, nyënyê ndə̂ nyë zâ su nyê sə̈ Krîsiti.

Dokʉ̈ Tësälönîke 4:9

Pâ pö ndə̂kə̂ nyində̂ angâ nyê lə̂ gbâtə̂ nyê lə̂ Krîsiti, âwâbo ndə̂kə̂ pa a ka mbô mbëtï sə̈ nyê pânə̈-a, bëte Ndjapä nyîsə̂ köbo ndə̂kə̂ nyində̂ angâ nyê lə̂ gbâtə̂ nyê sə̈ nyê la tə̂ nyê nə̂.

Dokʉ̈ Timotë 2:7

Bëte rə̂ kä ndə̂ Ndjapä zâ mê ndə̂kə̂ pa më mu pö ndə̂ yê, kə̂ watə̂ badjângele. Më wä ndjë tə̂ earə̂ kə̂ nyisə̂ rə sə̈ azü ndə̂ andjë wâbô wâtə̂ ajuîfu, ndə̂kə̂ pa andjë za su andjê sə̈ Krîsiti, kə̂ wunsə̂ lëge pö. Pö ndə̂ më tô rə̂ lâme wätə̂ lëge pö, më môâbo yepa-a.

Dokʉ̈ Pîêre 1:23

Pö Ndjapä kâ zɨ̂ nyê tə̂ täfo nə̈ nə̂. Pö Ndjapä nə̈ lâme wâbo batə̂ ngâ ndjî rəgʉ ndə̂ âtchûtchü-a, praâbalë äwä la tchîsûwu, kə̂ tchûâbo-a, äwä pïï etə̂.

Dokʉ̈ Jâan 2:28

Angaâtə abechë ndə̂ mê, äwäpä nyë wa balë la Krîsiti ndə̂kə̂ pa lo nə̈ ndə̂ tche kangbâ yê, su azə̂ wa gii-ï, ganô mboabô azə̂ mbô ndə̂kə̂ gi azə̂ tʉ̂rʉ tə̂ yê tə̂ lo kə̂ ka ndə̂ yê.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Bïchuû Jâan 1:2

Më nyïndə̂ nyê, bëte lëge pö kä lə̂ azə̂, ânyë lëge pö nə̈ wadje lə̂ azə̂ tə̂ logbɛ̂.