Dokʉ̈ Jâan 2:26 - Mbëtï Ndjapä: TÄFO MADƗ̈

²⁶ Mbëtï ndə̂ më mbô rə̂ sə̈ nyê âtə, më mbö rə̂ tə̂ pö ndə̂ azü ndə̂ andjë mbo rə̂ pä köbo yu tə̂ nyê.

Dokʉ̈ Jâan 2:26 Iomraidhean Croise

Mâreke 13:22

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa ânəadje, kə̂ mbo asɨ̂nyî rə la arə ndə̂ âropâ küma azü, ndə̂kə̂ bolo azü. Âdə köbo âwa, andjê bolo ndjë azü ndə̂ Ndjapä dɨ̂ andjê.

Kölôse 2:18

Âwâbo pä nyë gbotə̂ köbo sə̈ azü ndə̂ andjë mbötə̂ andjê lə̂ la azü batə̂ akpîɛ̂kpîɛ̂ azü ânyë kə̂ voga aânje lâme-a. Andjë wäbô ngbanga wâ lə̂ küma nyê-ê. Andjë zä su andjê tə̂ angâ arə ndə̂ andjë wûn rə̂ batə̂ lü. Kə̂ wunsə̂ rə ndə̂ andjê wä batə̂ mbämbä kə̂ za küma azü, âmbô rə̂ pä andjë wüntə̂ andjê gbölö kə̈ rô azü gbɛ̂.

Kölôse 2:8

La nyê gbö-ê, ânyë ngâ akrə boloabô nyê bôlo la apö ndə̂ küma ndə̂ âwa lanə̈, ndə̂ âwâtə̂ andə̂ azü-î! Apö lâme də̈ ambämbä pö ndə̂kə̂ mbo rə ndə̂ azü la angbongbo atchozö ndə̂ andjë wâ la gbôgbô pâ cho âtə, praâbalë âtôâbo dəndə̂ Krîsiti balë-a.

Dokʉ̈ Timotë 4:1

Kpɨ̂ki Yingö tö rə̂ kraâ päkëdə̂: Lə̂ adɨ̂ alö âtə, angâ azü âgboadje tə̂ köbo su andjê ndə̂ andjë zâ rə̂ sə̈ Krîsiti, kə̂ zadje tə̂ andjê sə̈ ayingö ndə̂ âbolo azü, lakə̂ nyisə̂ rə ndə̂ âtô bhândə̂ angbongbo atchozö.

Bïchuû Timotë 3:13

Andə̂ angbongbo azü la andjanə̈ ndə̂ andjë bôlo angâ andjê, andjê eadje la ngbongbo rə ndə̂ andjê atə̂ tchâtchu nə̈. Andjê boloadje azü ânyë kə̂ bolo ndjë tə̂ andjê.

Dokʉ̈ Jâan 3:7

Abechë ndə̂ mê, ngâ akrə balë yüäbô köbo nyê yû-î. Akrə ndə̂ tche mbô djîrə̂ rə, dëkë tche wätə̂ djîrə̂ akrə batə̂ Jezü ndə̂ tche wâ djîrə̂.

Bïchuû Jâan 1:7

A-earə̂ yepa zâ tchêpâ cho nə̂ gbɛ̂: Andjë kösə̂ nə̈ pä Jezü Krîsiti nə̂âbo atə̂ bêche âtə batə̂ lëge akrə-a. Akrə ndə̂ tche tô pö käko, dëkë tche wätə̂ earə̂ yepa, kə̈ wâ ndjë tə̂ earə̂ kə̂ kosə̂ Krîsiti.