Dokʉ̈ Jâan 2:25 - Mbëtï Ndjapä: TÄFO MADƗ̈

²⁵ Bâlâ ndə̂ Krîsiti za rə̂ tə̂ azə̂ də̈ tchîsûwu ndə̂ logbɛ̂ logbɛ̂.

Dokʉ̈ Jâan 2:25 Iomraidhean Croise

Lûke 18:30

tchê gboadje arə âro masə̂nə̈ ndə̂ tchô angêta, ânyë kə̂ gboadje ndjë tchîsûwu ndə̂ logbɛ̂ logbɛ̂ lə̂ tchîsûwu ndə̂ ânə.»

Jâan 10:28

Më zä tchîsûwu ndə̂ logbɛ̂ logbɛ̂ sə̈ andjê, andjê tchuabô balë tee-a, ânyë ngâ akrə balë krʉabô andjê tchânə̂ mê tee-a.

Jâan 12:50

Më wûnsə̂ nə̈ nə̂ pä kə̂ zama ndə̂ yê zä tchîsûwu ndə̂ logbɛ̂ logbɛ̂. Käko pö ndə̂ mê to rə̂, më tö rə̂ ndjë tiî batə̂ rə̂ ndə̂ Bha mê tô rə̂ sə̈ mê.»

Jâan 3:15

ânyë akrə balë balë ndə̂ tche zâ su yê sə̈ Modô ndə̂ Akrə, tche kä la tchîsûwu ndə̂ logbɛ̂ logbɛ̂.

Jâan 5:39

Nyë pü dju apö ndə̂ Ndjapä, bëte nyë wünsə̂ nə̈ pä nyë âgbo tchîsûwu ndə̂ logbɛ̂ logbɛ̂ lə̂ köbosə̂ nə̈. Dëkë apö Ndjapä lâme kä ndə̂ âto pö pâ mê.

Jâan 6:27

Nyë mböäbô kua mbô bëte kɨ̈zɨ̂ ndə̂ âwâ ndə̂kə̂ ndɨ-ê, praâbalë äwäpä nyë mbo kua bëte kɨ̈zɨ̂ ndə̂ âza tchîsûwu ndə̂ logbɛ̂ logbɛ̂ sə̈ azü. Modô ndə̂ Akrə kä ndə̂ âzadje kɨ̈zɨ̂ nə̈ lâme sə̈ nyê, bëte tchetchë kä ndə̂ Ndjapä Bha mbô ngâ nyîsɨ̂ ndə̂ gbôgbô ëtə̂ yê.»

Jâan 6:40

Bëte rə ndə̂ su Bha mê nyîndə̂ nə̈ wä ndə̂kə̂ pa akrə balë balë gbɛ̂ ndə̂ tche wûn Modô ndə̂ yê, ânyë kə̈ zâ su yê sə̈ tchë, tche wa la tchîsûwu ndə̂ logbɛ̂ logbɛ̂. Käko mê joadje tchë lə̂ kuzü lə̂ adɨ̂ alö.»

Jâan 6:47

Ɛn-ɛn, tə̂ lëge nə̈ më tö rə̂ sə̈ nyê: Akrə ndə̂ tche zâ su yê sə̈ mê, tche kä la tchîsûwu ndə̂ logbɛ̂ logbɛ̂.

Jâan 6:54

Akrə ndə̂ tche zɨ̂ mbë mê ânyë kə̈ ndjô jï mê, tche âwa la tchîsûwu ndə̂ logbɛ̂ logbɛ̂. Käko mëmê, mê joadje tchë lə̂ kuzü lə̂ adɨ̂ alö.

Jâan 6:68

Chemôn-Pîêre tô rə̂ ndə̂nə̈ sə̈ tchë päkëdə̂: «Gbölö Gbïɛ̈, ârâ âe pu tchabâ? Apö ndə̂ âza tchîsûwu ndə̂ logbɛ̂ logbɛ̂ kä lə̂ ma zə̈.

Rômo 2:7

Angâ azü rʉ̈ätə̂ su andjê lə̂ agbôgbô arə ndə̂kə̂ mbo tchôtchô rə ndə̂kə̂ pa Ndjapä voga andjê ânyë kə̂ lusə̂ andjê. Andjë pü tchîsûwu ndə̂ ândɨ̂âbô ndɨ̂-î. Ndjapä âzadje tchîsûwu ndə̂ logbɛ̂ logbɛ̂ sə̈ andjê.

Rômo 5:21

Dokʉ̈tchê alême, ngbongbo rə wä la kümändëmä ndə̂kə̂ won azü. Käko ndjë, tchôtchô su ndə̂ Ndjapä wä angaâtə la kümändëmä ndə̂kə̂ mbo rə̂ ânyë azü wa djîrə̂. Käko azə̈ wä la tchîsûwu ndə̂ logbɛ̂ logbɛ̂ lə̂ köbosə̂ Jezü Krîsiti, Gbölö Gbïɛ̈ ndə̂ azə̂.

Rômo 6:23

Tə̂ lëge nə̈, rə ndə̂ akrə gbo rə̂ ngbâ ngbongbo rə ndə̂ tchê mbo rə̂ wätə̂ kuzü. Praâbalë rə ndə̂ Ndjapä za rə̂ sə̈ azü ämbänə̈ də̈ tchîsûwu ndə̂ logbɛ̂ logbɛ̂, lə̂ köbosə̂ nə̈ ndə̂ azə̈ wâ balë la Jezü Krîsiti, Gbölö Gbïɛ̈ ndə̂ azə̈.

Gälâte 6:8

Âdə ngâ akrə âlu angbongbo arə ndə̂ gʉ su yê la tə̂ yê, ndjî rəgʉ ndə̂ tchê soadje rə̂ ngbânə̈, ädə̈ arə ndə̂ ngbongbo gʉ su yê mbô rə̂, ndə̂ ânyîndə̂ kə̂ to rə̂ pä kuzü. Praâbalë âdə tche âlu arə ndə̂ Yingö, ndjî rəgʉ ndə̂ tche soadje rə̂ ngbânə̈ ädə̈ ndjî rəgʉ ndə̂ Yingö, ndə̂ ânyîndə̂ kə̂ to rə̂ päkëdə̂: Tchîsûwu ndə̂ logbɛ̂ logbɛ̂.

Dokʉ̈ Timotë 1:16

Praâbalë ndə̂ Jezü Krîsiti wûn nyonyo mê lâme, äwä ndə̂kə̂ pa mëmê ndə̂ më də̂ dokʉ̈ earə̂ ngbongbo rə lâme, tche nyïsə̂ köbo ndə̂ tche rʉ̂âtə̂ su yê ndə̂kə̂ sə bëte mê. Tche mbö tâ käko ndə̂kə̂ sro köbo sə̈ azü ndə̂ andjê zadje su andjê sə̈ tchë, ânyë kə̂ gbo tchîsûwu ndə̂ logbɛ̂ logbɛ̂.

Dokʉ̈ Timotë 6:12

Amö mbo tchôtchô kʉ̈ʉ̈ lə̂ köbosə̂ kə̂ za su sə̈ Krîsiti. Amö za tchîsûwu ndə̂ logbɛ̂ logbɛ̂ ndə̂ a ê mö ndə̂kə̂ gbo rə̂ lâme, ndə̂ mo gâmba pö ndə̂kə̂ za su zə̈ sə̈ Krîsiti kraâ alême lə̂ la angbängbä azü ndə̂ andjë sə̂ sə̂nə̈.

Dokʉ̈ Timotë 6:19

Käko andjê paladje arə ndə̂ andjê la tə̂ andjê bhâlə̂ tchôtchô gro ndə̂ âwâtə̂ gbôgbô nə̈, bëte tchêlâmbo. Käko ânyë andjë gbo lëge tchîsûwu.

Tîte 1:2

ndə̂kə̂ pa su andjê wa pâ tchîsûwu ndə̂ logbɛ̂ logbɛ̂, ndə̂ Ndjapä zâ bâlâ nə̈ alême, dokʉ̈tchê ndə̂kə̂ pa tche mbo arə gbɛ̂. Ndjapä ndə̂ tche tô pö lâme, tche môâbo yepa-a.

Tîte 3:7

Tche mbö tâ käko ânyë lə̂ köbosə̂ tchôtchô su yê, tche dɨ̂ azə̂ tə̂ adjîrə̂ azü lə̂ la yê, ndə̂kə̂ pa azə̈ watə̂ a-earə̂ kə̂ gbo tchîsûwu ndə̂ logbɛ̂ logbɛ̂, ndə̂ su azə̂ wâ pânə̈ lâme.

Dokʉ̈ Jâan 1:2

Tchîsûwu nə̈ lâme mätə̂ yê kraâ ësûwu, ânyë ârâ wûn rə̂. Ârâ tö pö ndə̂ rə ndə̂ ârâ wûnsə̂ nə̈ pânə̈. Bëte rə̂ kä ndə̂ ârâ mû pö ndə̂ tchîsûwu ndə̂ logbɛ̂ logbɛ̂ sə̈ nyê, ndə̂ âwâ gasa alême ndrotə̂ Bha, ânyë kə̈ mâtə̂ yê sə̈ ârâ.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.

Jûde 1:21

Nyë ndə̈po lə̂kə̂ nyində̂ nyê ndə̂ Ndjapä nyîndə̂ nyê lâme. Nyë sə̈ bëte tchîsûwu ndə̂ logbɛ̂ logbɛ̂ ndə̂ Gbölö Gbïɛ̈ ndə̂ azə̂ Jezü Krîsiti zadje rə̂ sə̈ nyê lə̂ köbosə̂ dâkâ ndə̂ yê.