Dokʉ̈ Jâan 2:24 - Mbëtï Ndjapä: TÄFO MADƗ̈

²⁴ Âdə andə̂ nye nə̈, äwäpä nyë bäta pö ndə̂ nyë djê rə̂ lə̂ kêsâ nə̈ lâme. Âdə nyë âbata pö ndə̂ nyë djê rə̂ lə̂ kêsâ nə̈ lâme, dëkë nyë wâ nə̂ balë la Modô nə̈, ndjë la Bha.

Dokʉ̈ Jâan 2:24 Iomraidhean Croise

Lûke 1:2

Andjë tö tchêngbâ apö nə̈ sə̈ ârâ tiî batə̂ rə̂ ndə̂ azü ndə̂ andjë wûn rə̂ la lala andjê lə̂ kêsâ nə̈ ânyë kə̈ tô rə̂. Andjendjê kä ndə̂ âwâtə̂ azü ndə̂ a zâ rə̂ sə̈ andjê ndə̂kə̂ nyisə̂ pö Ndjapä.

Lûke 9:44

«Pö ndə̂ mê to rə̂ âtə, nyë zä rə̂ lə̂ küma nyê: A âgboadje tə̂ Modô ndə̂ Akrə ëtchânə̂ azü.»

Jâan 14:23

Jezü tô rə̂ sə̈ tchë päkëdə̂: «Âdə ngâ akrə ânyində̂ mê, tchê mboadje rə gundə̂sə̂ pö ndə̂ mê. Bha mê ndjë gbɛ̂ nyiadje ndə̂ yê, mëmê la Bha mê, ârâ eadje ndə̂kə̂ sə bhândə̂ yê.

Jâan 15:7

Âdə nyë âwa balë la mê, ânyë apö ndə̂ mê wâ lə̂ nyê, nyë âyukû arə gbɛ̂ ndə̂ nyë nyîndə̂ nə̈, nyê gboadje rə̂.

Jâan 6:56

Akrə ndə̂ tche zɨ̂ mbë mê ânyë kə̈ ndjô jï mê, akrə nə̈ lâme kä balë la mê ânyë më kä ndjë balë la tchë.

Jâan 8:25

Andjë yû tchë päkëdə̂: «Mo də̈ tchabâ?» Jezü tô rə̂ sə̈ andjê päkëdə̂: «Tchanə̈ ndə̂ më tô pö ndə̂ yê sə̈ nyê lə̂ kêsâ nə̈ lâme.

Fïlîpe 4:15

Nyënyê ndə̂ azü lə̂ Egilîze ndə̂ Fïlîpe, nyënyê la tə̂ nyê, nyë wûnsə̂ nə̈ nə̂ pä, sə̂nə̈ ndə̂ a jêtə̂ kə̂ mu Tchôtchô Pö kä ndə̂ më gbô bhâ Mäsëdöâne. Ngâ Egilîze balë zâbo ngâ rə balë sə̈ mê ngbâ rə ndə̂ më zâ rə̂ sə̈ tchë lâme-a, kütû Egilîze ndə̂ nyê kä ndə̂ âzâ könô sə̈ mê.

Kölôse 3:16

Äwäpä Tchôtchô Pö ndə̂ Krîsiti ndə̂ atchôtchô arə sɨ̂sɨ̈ lə̂nə̈ wa lə̂ tchîsûwu ndə̂ nyê. Nyë nyisə̂ rə, kə̂ to tchôtchô pö sə̈ angâ nyê lə̂ gbâtə̂ nyê, lə̂ köbosə̂ küma ndə̂ âwâ lanə̈ gbɛ̂. Nyë pä düwü sə̈ Ndjapä la su nyê gbɛ̂ ndə̂kə̂ za ayîabâ sə̈ tchë, nyë pä adüwü ndə̂ Mbëtï Ndjapä, adüwü ndə̂kə̂ dɨ tchə̂lə̂ ma sə̈ Ndjapä, ndə̂ Yingö kʉ rə̂ sə̈ nyê.

Aheborö 2:1

Bëte rə̂ kä, äwäpä la azə̂ gbo pâ apö gbɛ̂ ndə̂ azə̈ djê rə̂, ânyë kə̂ gboabô gbôtâ lə̂ köbo-ê.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Dokʉ̈ Jâan 2:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndïɛ̈ ndə̂ më mbô rə̂ lə̂ mbëtï sə̈ nyê âtə wâbo tə̂ täfo ndïɛ̈-a, ädə̈ ngâ bəndɨ ndïɛ̈ ndə̂ nyë gbô rə̂ lə̂ kêsâ nə̈. Bəndɨ ndïɛ̈ nə̈ lâme wätə̂ pö ndə̂ nyë djê rə̂ dokʉ̈tchê.

Dokʉ̈ Jâan 3:24

Akrə ndə̂ tche bâta ndïɛ̈ ndə̂ Ndjapä, dëkë tche kä balë la tchë, ânyë Ndjapä wâ nə̂ balë la tchë. Käko kä ndə̂ azə̈ wunsə̂ nə̈ pä Ndjapä wâ nə̂ balë la azə̂ lə̂ köbosə̂ Kpɨ̂ki Yingö ndə̂ tche zâ rə̂ sə̈ azə̂.

Dokʉ̈ Jâan 4:13

Rə ndə̂ azə̈ wunsə̂ nə̈ pä azə̈ kädje balë la Ndjapä, ânyë tche kä ndjë lə̂ azə̂ wä kâkë: Tche zä Yingö ndə̂ yê sə̈ azə̂.

Dokʉ̈ Jâan 4:15

Âdə ngâ akrə âto rə̂ kraâ pä Jezü də̈ Modô ndə̂ Ndjapä, dëkë Ndjapä kä balë la tchë, tche kä ndjë balë la Ndjapä.

Dokʉ̈ Jâan 4:16

Andə̂ azə̈ nə̈, azə̈ wûnsə̂ nə̈ nə̂ pä Ndjapä nyïndə̂ azə̂. Ndjapä wätə̂ kə̂ nyində̂ ngâ, akrə ndə̂ tche sə̂ lə̂kə̂ nyində̂ ngâ, tche kä balë la Ndjapä, ânyë Ndjapä kä balë la tchë.

Bïchuû Jâan 1:2

Më nyïndə̂ nyê, bëte lëge pö kä lə̂ azə̂, ânyë lëge pö nə̈ wadje lə̂ azə̂ tə̂ logbɛ̂.

Bïchuû Jâan 1:9

Akrə balë balë gbɛ̂ ndə̂ tche sə̂âbô sə̂ lə̂kə̂ nyisə̂ rə ndə̂ Krîsiti, ânyë kə̈ wân tâ ngbî, dëkë tche wâbo balë la Ndjapä-a. Akrə ndə̂ tche sə̂ lə̂kə̂ nyisə̂ rə ndə̂ Krîsiti, akrə nə̈ lâme kä balë la Bha azə̂ la Modô ndə̂ yê.

Vötaâ Jâan 1:3

Më wä la mômô tə̂ su mê tə̂ gbölösə̂nə̈, bëte angâ arə̂mâ lə̂ Krîsiti nə̈, kə̈ tô pö ndə̂ lëge pö ndə̂ âwâ lə̂ zə̈, ndjë la köbosə̂ nə̈ ndə̂ mo sə̂ lə̂ lëge pö.

Apökälîbïchi 3:11

Mê ânə angaâtə. Rə ndə̂ mo wâ la rə̂ lâme, amö za rə̂ kperə̂, ânyë ngâ akrə balë krʉabô kurône ndə̂ zə̈ krʉ̂â-ê.

Apökälîbïchi 3:3

Rə ndə̂ a nyîsə̂ nə̈ sə̈ mö la rə ndə̂ mo djê rə̂ alême, äwäpä sə̂nə̈ te lê zə̈, mo bata rə̂, kə̂ gbotə̂ bəndɨ kə̂ mbo rə ndə̂ zə̈-ê. Âdə mo âjoabô jô-ê, mê ânə pu mö batə̂ ngâ earə̂ ngbä, ânyë mô wun-abô sə̂ dalo ndə̂ mê tro mö la rə̂ tee-a.