Dokʉ̈ Jâan 2:22 - Mbëtï Ndjapä: TÄFO MADƗ̈

²² Tchabâ kä ndə̂ âwâtə̂ earə̂ yepa? Tche də̈ akrə ndə̂ tche tô rə̂ pä Jezü wâbo tə̂ Krîsiti-a, tchanə̈ lâme kä ndə̂ âwâtə̂ Earə̂ kə̂ kosə̂ Krîsiti: Tche kôsə̂ Bha la Modô nə̈ nə̂.

Dokʉ̈ Jâan 2:22 Iomraidhean Croise

Matiyə̈ 24:24

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa nəadje. Andjê mboadje asɨ̂nyî rə la arə ndə̂ âropâ küma azü, ndə̂kə̂ bolo azü, âdə köbo âwa, andjë bolo ndjë azü ndə̂ Ndjapä dɨ̂ andjê.

Matiyə̈ 24:5

Bëte angbängbä azü ânəadje la rə̈ mê lakə̂ to rə̂ päkëdə̂: ‹Mëmê kä ndə̂ âdə Krîsiti!› Ânyë andjê boloadje azü tə̂ gbölösə̂nə̈.

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Dokʉ̈ Jâan 1:6

Âdə azə̈ âto rə̂ pä azə̈ wä balë la tchë, ânyë gbô azə̂ ndə̂po lakə̂ nə lə̂ bübü tchô, dëkë azə̈ mô yepa nə̂. Azə̈ mbôâbo rə gundə̂sə̂ lëge pö-a.

Dokʉ̈ Jâan 2:18

Abechë ndə̂ mê, tchêbêche ndô tə̂kə̂ krʉ nə̂. Nyë djê rə̂ alême nə̂ pä Earə̂ kə̂ kosə̂ Krîsiti âwutuadje. Dëkë angaâtə angbängbä azü ndə̂ andjë kôsə̂ Krîsiti wûtu nə̂. Käko azə̈ wûnsə̂ nə̈ nə̂ pä tchêbêche ndô tə̂kə̂ krʉ nə̂.

Dokʉ̈ Jâan 2:23

Akrə ndə̂ tche kôsə̂ Modô nə̈, dëkë tche wâbo la Bha-a; akrə ndə̂ tche wûnsə̂ Modô nə̈, dëkë tche kä ndjë la Bha.

Dokʉ̈ Jâan 2:4

Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.

Dokʉ̈ Jâan 4:3

Praâbalë yingö gbɛ̂ ndə̂ âkôsə̂ kə̂ wûnsə̂ Jezü, tôâbo bhândə̂ Ndjapä-a. Yingö lâme wätə̂ andə̂ akrə ndə̂ tche kôsə̂ Krîsiti. Tchanə̈ lâme kä ndə̂ nyë djê pö ndə̂ yê alême pä tchê wutuadje, dëkë tche wûtu angaâtə nə̂ pâ cho âtə.

Dokʉ̈ Jâan 5:1

Akrə ndə̂ tche nyîndə̂ nə̈ la su yê pä Jezü wätə̂ Krîsiti, akrə lâme də̈ bechë ndə̂ Ndjapä. Akrə ndə̂ tche nyîndə̂ ngâ bha, dëkë tche nyï ndjë ndə̂ abechë ndə̂ yê.

Bïchuû Jâan 1:7

A-earə̂ yepa zâ tchêpâ cho nə̂ gbɛ̂: Andjë kösə̂ nə̈ pä Jezü Krîsiti nə̂âbo atə̂ bêche âtə batə̂ lëge akrə-a. Akrə ndə̂ tche tô pö käko, dëkë tche wätə̂ earə̂ yepa, kə̈ wâ ndjë tə̂ earə̂ kə̂ kosə̂ Krîsiti.

Jûde 1:4

Bëte angâ angbongbo azü lï lə̂ küwû nə̈ lə̂ gbâtə̂ nyê. Andjë sə̈ lakə̂ ndɨ tchə̂lə̂ pö ndə̂ tchôtchô su ndə̂ Ndjapä ndə̂ azə̂, ânyë kə̂ gbo köbo ndə̂kə̂ mbo arə ndə̂ su andjê nyîndə̂ nə̈. Andjë kösə̂ Jezü Krîsiti ndə̂ tche də̂ kêlä Earə̂ kə̂ nyisə̂ rə la Gbölö Gbïɛ̈ ndə̂ azə̂. Mbëtï Ndjapä tô pö ndə̂ ngbanga ndə̂ a wâ rə̂ lə̂ küma andjê gasa alême nə̂.

Apökälîbïchi 3:9

Wunsaâ, azü ndə̂ andjë sə̂ lə̂ kpûlû ndə̂ azü ndə̂ Satäa, ndə̂ andjë wâtə̂ a-earə̂ yepa, ndə̂ andjë tô rə̂ pä anyë wätə̂ ajuîfu lâme, dëkë andjë wâbo tə̂ ajuîfu-a. Mê mboadje rə̂ pä andjë nə kə̂ gʉte tchâtchâ zə̈, ânyë andjë wun-adje sə̂nə̈ pä më nyîndə̂ zə̈ nə̂.