Dokʉ̈ Jâan 2:21 - Mbëtï Ndjapä: TÄFO MADƗ̈

²¹ Mbëtï ndə̂ më mbô rə̂ sə̈ nyê âtə, nyîâbo sə̂nə̈ pä nyë wûn-âbo sə̂ lëge pö nə̂-a, praâbalë më mbö rə̂ bëte nyë wûnsə̂ lëge pö nə̂. Nyë wûn ndjë sə̂nə̈ nə̂ pä ngâ pö yepa balë wûtuabô lə̂ lëge pö-a.

Dokʉ̈ Jâan 2:21 Iomraidhean Croise

Jâan 18:37

Käko Pïlâte tô rə̂ sə̈ tchë päkëdə̂: «Mo wätə̂ gbïɛ̈?» Jezü tô rə̂ ndə̂nə̈ sə̈ tchë päkëdə̂: «Momö kä ndə̂ âtô rə̂ pä më wätə̂ gbïɛ̈. A zɨ̈ mê ânyë më nə̂ atə̂ bêche âtə ndə̂kə̂ nyisə̂ lëge pö sə̈ azü. Akrə ndə̂ tche wâtə̂ akrə ndə̂ lëge pö, tche djë ma mê.»

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Jâke 1:19

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, äwäpä nyë wunsə̂ pö ndə̂ mê tö rə̂ âtə: Äwäpä akrə balë balë deka tü yê gasa kə̂ dje pö, kə̂ toabô pö tô gagasa-ê, kə̂ mboabô mêrâ mbô wândâ-wändä-ê.

Bïchuû Pîêre 1:12

Bëte rə̂ kä ndə̂ më nyîndə̂ kə̂ kä to tchêndə̂ pö ndə̂ arə lâme sə̈ nyê. Nyë wûnsə̂ arə lâme nə̂, ânyë kə̈ krʉ̂ la gbôgbô pâ lëge pö ndə̂ nyë gbô rə̂.

Dokʉ̈ Jâan 3:19

Käko kä ndə̂ azə̈ wun-adje sə̂nə̈ pä azə̈ də̈ azü ndə̂ lëge pö, ânyë su azə̂ wadje gii tchâtchu Ndjapä.

Jûde 1:5

Nyë wûnsə̂ apö lâme nə̂ gbɛ̂, praâbalë âkîâbo tə̂ köbo tə̂ mê ndə̂kə̂ pa më ka tô tchêndə̂ nə̈ sə̈ nyê-a. Gbölö Gbïɛ̈ tchä Isarayële, azü ndə̂ yê alême tchânə̂ azü gö ndə̂ Ejîpiti, la tchêngbâ nə̈ tche mbô rə̂ pä andjanə̈ ndə̂ andjë kôsə̂ kə̂ za su andjê sə̈ tchë tchû-î.