Dokʉ̈ Jâan 2:20 - Mbëtï Ndjapä: TÄFO MADƗ̈

²⁰ Âdə andə̂ nye nə̈, nyë gbô Kpɨ̂ki Yingö ndə̂ Krîsiti zâ tchë sə̈ nyê nə̂, ânyë nyënyê gbɛ̂, nyë wûnsə̂ lëge pö nə̂.

Dokʉ̈ Jâan 2:20 Iomraidhean Croise

Matiyə̈ 13:11

Tche tô rə̂ ndə̂nə̈ sə̈ andjê päkëdə̂: «Andə̂ nye nə̈, Ndjapä zä rə̂ sə̈ nyê ndə̂kə̂ wunsə̂ alëge pö ndə̂ Gbölö gö-gbïɛ̈ ndə̂ tchêlafô ndə̂ âwâ wü. Andə̂ andjë nə̈, Ndjapä zâbo rə̂ sə̈ andjê ndə̂kə̂ wunsə̂ nə̈-a.

Mâreke 1:24

«Giamâ mo nyîndə̂ nə̈ tə̂ ârâ, Jezü akrə gö ndə̂ Näzärête, mo nə̈ ndə̂kə̂ won ârâ wön? Më wûnsə̂ zə̈ nə̂ gbɛ̂: Mo wä ngbî kə̈ dâka gbɛ̂, ndə̂ Ndjapä wân mö.»

Lûke 4:18

«Yingö ndə̂ Gbölö Gbïɛ̈ kä pâ mê, tche sü kâdâ lə̂ küma mê ndə̂kə̂ nə la Tchôtchô Pö sə̈ a-earə̂ yûkü. Tche wän mê ndə̂kə̂ to rə̂ sə̈ a-earə̂ kânga pä a jî andjê nə̂, ndə̂kə̂ za kə̂ wun tchô sə̈ a-earə̂ föla. Tche wän mê ndə̂kə̂ ji azü ndə̂ a yuku andjê,

Lûke 4:34

«Êe! Giamâ mo nyîndə̂ nə̈ tə̂ ârâ, Jezü akrə gö ndə̂ Näzärête, mo nə̈ ndə̂kə̂ won ârâ wön? Më wûnsə̂ zə̈ nə̂ gbɛ̂: Mo wä ngbî kə̈ dâka gbɛ̂, ndə̂ Ndjapä wân mö!»

Jâan 14:26

Praâbalë earə̂ kə̂ za könô sə̈ nyê, ndə̂ tche də̂ Kpɨ̂ki Yingö ndə̂ Bha wan-adje tchë la rə̈ mê, tchê nyiadje sə̂ arə gbɛ̂ sə̈ nyê, ânyë kə̂ mboadje rə̂ pä arə gbɛ̂ ndə̂ më nyîsə̂ nə̈ alême sə̈ nyê sə̂nə̈ te lə̂ nyê.

Jâan 16:13

Âdə Yingö ndə̂ lëge pö nə̈ âwutu, tchê nyiadje sə̂ alëge pö gbɛ̂ sə̈ nyê. Bëte tchê nyiabô sə̂ pö ngbâ su yê tee-a, praâbalë tche ânyisə̂ apö gbɛ̂ ndə̂ tche djê rə̂, kə̂ toadje ndjë pö ndə̂ arə gbɛ̂ ndə̂ âwâ ndə̂kə̂ wutu sə̈ nyê.

Abadjângele 10:38

Nyë wûnsə̂ köbo ndə̂ Ndjapä zâ gbôgbô lə̂ köbosə̂ Kpɨ̂ki Yingö pâ Jezü akrə gö ndə̂ Näzärête nə̂. Jezü nə̈ lə̂ agö katchôgbɛ̂ lakə̂ mbo tchôtchô rə. Tche jï azü gbɛ̂ ndə̂ andjë sə̂ tchâtchâ gbôgbô ndə̂ Jâbolo, bëte Ndjapä kä la tchë.

Abadjângele 3:14

Nyë kösə̂ akrə ndə̂ tche wâ ngbî bëte Ndjapä, kə̈ wätə̂ djîrə̂ akrə, ânyë kə̈ yûkû nə̈ sə̈ Pïlâte ndə̂kə̂ pa tche ji ngâ earə̂ kə̂ won azü.

Dokʉ̈ Körɛ̂nte 2:15

Akrə ndə̂ tche wâ la Kpɨ̂ki Yingö, tche wünsə̂ kə̂ krʉ tchə̂lə̂ tchôtchô rə la ngbongbo rə gbɛ̂, praâbalë ngâ akrə balë ndə̂ tche wâ ndə̂kə̂ to ngâ pö pâ yê wâbo-a.

Aheborö 1:9

Mö nyï kütû ndə̂ adjîrə̂ rə ânyë kə̈ kôsə̂ ngbongbo rə. Bëte rə̂ kä Ndjapä, Ndjapä ndə̂ zə̈ sû kâdâ lə̂ küma mê lə̂ gbâtə̂ agbïɛ̈, ânyë kə̈ sû kâdâ ndə̂ kpülü pâ küma zə̈.»

Aheborö 8:11

Ngâ akrə kä nyiabô sə̂kə̂ wunsə̂ rə sə̈ ngâ akrə gö ndə̂ yê âdəndjë ngâ yê balë tee-a, bëte azü gbɛ̂ wun-adje sə̂ mê, ätö tə̂ abechë ndjoa ëtə̂ anênegbe azü.

Dokʉ̈ Jâan 2:27

Âdə andə̂ nye nə̈, Kpɨ̂ki Yingö ndə̂ Krîsiti zâ rə̂ sə̈ nyê lâme kä lə̂ su nyê. Äkä wâbo ndə̂kə̂ pa ngâ akrə kä ndə̂ ânyisə̂ rə sə̈ nyê-a, praâbalë Kpɨ̂ki Yingö ndə̂ yê lâme kä ndə̂ ânyisə̂ arə gbɛ̂ sə̈ nyê. Tche nyîâbo sə̂ yepa-a, praâbalë tche nyïsə̂ lëge pö. Bëte rə̂ kä ndə̂, äwäpä nyë wa balë la Krîsiti batə̂ rə̂ ndə̂ Kpɨ̂ki Yingö nyîsə̂ nə̈ sə̈ nyê.

Dokʉ̈ Jâan 4:13

Rə ndə̂ azə̈ wunsə̂ nə̈ pä azə̈ kädje balë la Ndjapä, ânyë tche kä ndjë lə̂ azə̂ wä kâkë: Tche zä Yingö ndə̂ yê sə̈ azə̂.

Jûde 1:5

Nyë wûnsə̂ apö lâme nə̂ gbɛ̂, praâbalë âkîâbo tə̂ köbo tə̂ mê ndə̂kə̂ pa më ka tô tchêndə̂ nə̈ sə̈ nyê-a. Gbölö Gbïɛ̈ tchä Isarayële, azü ndə̂ yê alême tchânə̂ azü gö ndə̂ Ejîpiti, la tchêngbâ nə̈ tche mbô rə̂ pä andjanə̈ ndə̂ andjë kôsə̂ kə̂ za su andjê sə̈ tchë tchû-î.

Apökälîbïchi 3:7

«Amö mbo mbëtï âtə kə̈ wân rə̂ sə̈ ânje ndə̂ Egilîze ndə̂ Filadelefï kə̂ to rə̂ lə̂nə̈ päkëdə̂: «Tchanə̈ ndə̂ tche wâ ngbî ânyë kə̈ dâka gbɛ̂, ndə̂ tche to kütû lëge pö, tchanə̈ ndə̂ tche wâ la kûlïɛ̈ ndə̂ Davîdi tchânə̂ yê, tchetchë lâme ndə̂ âdə tche âkro manda, ngâ akrə balë ndə̂ tche tchu rə̂ sə̂âbo-a, âdə tche âtchu manda, ngâ akrə balë ndə̂ tche kro rə̂ sə̂âbo-a, tche tö rə̂ kâkë:

Apökälîbïchi 4:8

Arə ndə̂ âwâ la tʉ̈rʉ̂ la andjê lâme balë balë gbɛ̂ kä la mbrö andjê tâ mïndûu manə̈ balë. La ndə̂kə̂ wun tchô la rə̂ täkpa ndə̂ mbrö andjê nə̈ gbɛ̂, angânə̈ dəpânə̈, ânyë angânə̈ dələ̂nə̈. Andjë sə̈ lakə̂ pa düwü dalobiî päkëdə̂: «Gbölö Gbïɛ̈ Ndjapä ndə̂ tche wâ la gbôgbô gbɛ̂, tche wä ngbî kə̈ dâka gbɛ̂, tche wä ngbî kə̈ dâka gbɛ̂, tche wä ngbî kə̈ dâka gbɛ̂! Tche wä alême tâ, kə̈ wâ angêta, tchê nəadje.»