Dokʉ̈ Jâan 2:2 - Mbëtï Ndjapä: TÄFO MADƗ̈

² Tche zätə̂ yê la tə̂ yê la ngela, ndə̂kə̂ pa Ndjapä ko pö lə̂ küma azə̂. Âdə̂âbo kütû angbongbo rə ndə̂ azə̂ la kütû azə̂-a, praâbalë andə̂ azü ndə̂ tchêbêche ndjë gbɛ̂.

Dokʉ̈ Jâan 2:2 Iomraidhean Croise

Lûke 14:22

Pânə̈ earə̂ kua nə̈ kângbâ yê, kə̈ tô rə̂ päkëdə̂: ‹Gbölö akrə, ârâ mbô rə gbɛ̂ ndə̂ mo tô pö ndə̂nə̈ lâme nə̂, gbô adɨ̂ tchô kä po.›

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Jâan 12:32

Andə̂ me nə̈, âdə a âkenga la mê bhâ lafô nə̂, mê djeadje la azü gbɛ̂ pu mê.»

Jâan 4:42

Azü nə̈ tô rə̂ sə̈ ɛ̈chë lâme päkëdə̂: «Âdə̂âbo kütû bëte pö lə̂ ma zə̈ kä ndə̂ ârâ zâ su ârâ sə̈ Jezü-a, praâbalë ârâ djë rə̂ la tü ârâ, kə̈ wûnsə̂ nə̈ pä tche wätə̂ lëge earə̂ kə̂ tcha azü tchêbêche âtə.»

Aheborö 2:17

Bëte rə̂ kä, äwäpä tche wa batə̂ angâ yê lə̂ arə gbɛ̂, ndə̂kə̂ watə̂ gbölö earə̂ kə̂ wa ngela ndə̂ dâkâ sɨ̂sɨ̈ lə̂ yê ânyë kə̂ mbo kua Ndjapä djîrə̂, ndə̂kə̂ pa tche djutu ngbongbo rə ndə̂ azü gö.

Dokʉ̈ Pîêre 2:24

Tchetchë la tə̂ yê tche zä ngbongbo rə ndə̂ azə̂ lə̂ tə̂ yê pâ yö ndə̂ gba, ndə̂kə̂ pa azə̈ tchu ndə̂kə̂ gbotə̂ ngbongbo rə, kə̂ sə la tʉ̈rʉ̂ la azə̂ ndə̂kə̂ mbo djîrə̂ rə. Lə̂ köbosə̂ aku ndə̂ yê kä ndə̂ nyê tchâ lə̂ tə̂kömbô.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Dokʉ̈ Jâan 4:10

Kə̂ nyində̂ ngâ wä kâkë: Âdə̂âbô azə̂ kä ndə̂ ânyîndə̂ Ndjapä-a, praâbalë Ndjapä kä ndə̂ ânyîndə̂ azə̂ ânyë kə̈ wân Modô ndə̂ yê, tche zätə̂ yê la ngela ndə̂kə̂ pa Ndjapä ko pö lə̂ küma azə̂.

Dokʉ̈ Jâan 4:14

Ârâ wün rə̂, kə̈ tô pö ndə̂nə̈ pä Bha wän Modô ndə̂ yê ndə̂kə̂ pa tche watə̂ Earə̂ kə̂ tcha azü tchêbêche âtə.

Dokʉ̈ Jâan 5:19

Azə̈ wûnsə̂ nə̈ nə̂ pä azə̈ wätə̂ azü ndə̂ Ndjapä, ânyë tchêbêche âtə gbɛ̂ wä tchâtchâ gbôgbô ndə̂ Ngbongbo akrə.

Apökälîbïchi 12:9

A yî gbölö gia ndə̂ tche wâ batə̂ mbölëngä lâme atə̂ bêche. Tchetchë kä ndə̂ âwâtə̂ bəndɨ ɛ̈krʉ̂ ndə̂ a ê rə̂ tə̂ yê pä Jâbolo, Satäa earə̂ kə̂ bolo azü pâ cho gbɛ̂. A yî tchë atə̂ bêche, tchetchë la aânje ndə̂ yê.