Dokʉ̈ Jâan 2:18 - Mbëtï Ndjapä: TÄFO MADƗ̈

¹⁸ Abechë ndə̂ mê, tchêbêche ndô tə̂kə̂ krʉ nə̂. Nyë djê rə̂ alême nə̂ pä Earə̂ kə̂ kosə̂ Krîsiti âwutuadje. Dëkë angaâtə angbängbä azü ndə̂ andjë kôsə̂ Krîsiti wûtu nə̂. Käko azə̈ wûnsə̂ nə̈ nə̂ pä tchêbêche ndô tə̂kə̂ krʉ nə̂.

Dokʉ̈ Jâan 2:18 Iomraidhean Croise

Matiyə̈ 24:11

Akpûlû a-earə̂ ndə̂ma Ndjapä ndə̂ yepa ânəadje ndə̂kə̂ bolo azü tə̂ gbölösə̂nə̈.

Matiyə̈ 24:24

Bëte angâ amesï ndə̂ yepa la a-earə̂ ndə̂ma Ndjapä ndə̂ yepa nəadje. Andjê mboadje asɨ̂nyî rə la arə ndə̂ âropâ küma azü, ndə̂kə̂ bolo azü, âdə köbo âwa, andjë bolo ndjë azü ndə̂ Ndjapä dɨ̂ andjê.

Matiyə̈ 24:5

Bëte angbängbä azü ânəadje la rə̈ mê lakə̂ to rə̂ päkëdə̂: ‹Mëmê kä ndə̂ âdə Krîsiti!› Ânyë andjê boloadje azü tə̂ gbölösə̂nə̈.

Mâreke 13:6

Angbängbä azü ânəadje la rə̈ mê kə̂ toadje rə̂ päkëdə̂: ‹Më də̈ Mesï!› Andjê boloadje azü tə̂ gbölösə̂nə̈.

Jâan 21:5

Tche tô rə̂ sə̈ andjê päkëdə̂: «Abechë, nyë kä la ngâ rə ndə̂kə̂ zɨ rə̂?» Andjë tô rə̂ sə̈ tchë päkëdə̂: «Ɛ̂n-ɛ̈n.»

Rômo 13:11

Nyë wûnsə̂ lo nə̈ ndə̂ azə̈ sə̂ la rə̂ âtə nə̂. Lo ndə̂kə̂ pa nyë jo lə̂ lô kä. Lo nə̈ ndə̂kə̂ pa Ndjapä tcha azə̂ lə̂ kuzü ndô nə̂, lo nə̈ ndô nə̂ kə̈ rô anə̈ ndə̂ azə̈ zâ su azə̂ alême sə̈ Krîsiti.

Rômo 13:12

Tchô bü alême gasa-ë, tchô ndô tə̂kə̂ kra nə̂. Käko azə̈ gbötə̂ köbo kə̂ mbo ngbongbo rə ndə̂ tchə̂lə̂ bütchî. Azə̈ kʉ̈ arə kʉ̈ʉ̈ ndə̂ a mbo rə̂ la kua la tchêdalo.

Aheborö 1:2

Praâbalë lə̂ adɨ̂ alö ndə̂ tchô angaâtə, tche tö pö sə̈ azə̂ lə̂ köbosə̂ Modô ndə̂ yê. Ndjapä mbö arə gbɛ̂ lə̂ köbosə̂ yê, tchetchë kä ndə̂ Ndjapä gbôtə̂ arə gbɛ̂ ëtchânə̂ yê ndə̂kə̂ watə̂ andə̂ ye nə̈.

Dokʉ̈ Pîêre 1:20

Ndjapä dɨ̈ Krîsiti dokʉ̈tchê ndə̂kə̂ pa a mbo arə gbɛ̂. Tche mä Krîsiti ësûwu bëte nyê lə̂ adɨ̂ alö.

Dokʉ̈ Pîêre 1:5

Ndjapä âbatadje nyê la gbôgbô ndə̂ yê, lə̂ köbosə̂ kə̂ za su nyê sə̈ tchë, zoo ndə̂kə̂ pa nyë tcha lə̂ kuzü ndə̂ âwâ tchêtchêtchê ndə̂kə̂ mâtə̂ yê lə̂ adɨ̂ alö ndə̂kə̂ krʉ ndə̂ tchêbêche.

Dokʉ̈ Pîêre 4:7

Ma arə gbɛ̂ ndô tə̂kə̂ krʉ nə̂. Käko äwäpä nyë mbo rə batə̂ azü ndə̂ küma andjê wâ lanə̈, nyë zɨ̈äbô rə zɨ̂ lakə̂ ndjo rə âro masə̂nə̈-ê, ânyë kə̂ gbo köbo ndə̂kə̂ to pö sə̈ Ndjapä.

Bïchuû Pîêre 2:1

Dokʉ̈tchê alême a-earə̂ ndə̂ma Ndjapä ndə̂ yepa sə̈ lə̂ gbâtə̂ azü gö ndə̂ Isarayële; ârə̂ âwa ndjë me käko, angâ a-earə̂ kə̂ nyisə̂ rə ndə̂ yepa liadje lə̂ küwû nə̈ lə̂ gbâtə̂ nyê, kə̂ nyiadje sə̂ rə ndə̂ âwâ ngbî tə̂ pö Ndjapä, âmbo andjê ndə̂kə̂ e la andjê pu kuzü. Andjë âzro azü nə̈ zoo andjë kosə̂ Earə̂ kə̂ nyisə̂ rə ndə̂ tche tchâ andjê. Âchiabô tee ndə̂kə̂ pa Ndjapä won andjê-a.

Bïchuû Pîêre 3:3

Äwäpä nyë wunsə̂ nə̈ dokʉ̈tchê pä, lə̂ adɨ̂ alö, angâ azü ânəadje kə̂ səadje lakə̂ mbo rə gundə̂sə̂ ngbongbo gʉ su andjê la tə̂ andjê. Andjê moadje nyê,

Dokʉ̈ Jâan 2:22

Tchabâ kä ndə̂ âwâtə̂ earə̂ yepa? Tche də̈ akrə ndə̂ tche tô rə̂ pä Jezü wâbo tə̂ Krîsiti-a, tchanə̈ lâme kä ndə̂ âwâtə̂ Earə̂ kə̂ kosə̂ Krîsiti: Tche kôsə̂ Bha la Modô nə̈ nə̂.

Dokʉ̈ Jâan 4:1

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, nyë gämbabô pö ndə̂ azü ndə̂ andjë to rə̂ pä anyë kä la yingö lâme gâmba-ê. Praâbalë äwäpä nyë wun kə̂ sə ndə̂ andjê, lakə̂ mbo rə ndə̂ andjê. Käko nyê wunsə̂ nə̈ pä yingö ndə̂ âwâ lə̂ andjê lâme tö bhândə̂ Ndjapä, bëte angbängbä a-earə̂ ndə̂ma Ndjapä ndə̂ yepa zâ tchêbêche nə̂ gbɛ̂.

Dokʉ̈ Jâan 4:3

Praâbalë yingö gbɛ̂ ndə̂ âkôsə̂ kə̂ wûnsə̂ Jezü, tôâbo bhândə̂ Ndjapä-a. Yingö lâme wätə̂ andə̂ akrə ndə̂ tche kôsə̂ Krîsiti. Tchanə̈ lâme kä ndə̂ nyë djê pö ndə̂ yê alême pä tchê wutuadje, dëkë tche wûtu angaâtə nə̂ pâ cho âtə.

Bïchuû Jâan 1:7

A-earə̂ yepa zâ tchêpâ cho nə̂ gbɛ̂: Andjë kösə̂ nə̈ pä Jezü Krîsiti nə̂âbo atə̂ bêche âtə batə̂ lëge akrə-a. Akrə ndə̂ tche tô pö käko, dëkë tche wätə̂ earə̂ yepa, kə̈ wâ ndjë tə̂ earə̂ kə̂ kosə̂ Krîsiti.

Jûde 1:18

Andjë tö rə̂ sə̈ nyê alême päkëdə̂: «Lə̂ adɨ̂ alö ndə̂kə̂ ka ndə̂ tchîsûwu, azü âwadje tə̂ a-earə̂ kə̂ mo tchô, ânyë kə̂ nəadje gundə̂sə̂ ngbongbo gʉ su andjê.»