Dokʉ̈ Jâan 2:17 - Mbëtï Ndjapä: TÄFO MADƗ̈

¹⁷ Tchêbêche âtə âro më rö la arə gbɛ̂ ndə̂ su azü nyîndə̂ nə̈. Praâbalë akrə ndə̂ tche mbô rə ndə̂ su Ndjapä nyîndə̂ nə̈, tchîsûwu ndə̂ yê âwa pïï etə̂.

Dokʉ̈ Jâan 2:17 Iomraidhean Croise

Matiyə̈ 21:31

Jezü yû andjê päkëdə̂: «Tchabâ lə̂ gbâtə̂ amodô bïchuû lâme kä ndə̂ âmbô rə ndə̂ bha nə̈ nyîndə̂ nə̈?» Andjë tô rə̂ ndə̂nə̈ sə̈ tchë päkëdə̂: «Dokʉ̈ modô nə̈.» Jezü tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê, a-earə̂ kə̂ pala makətche-lapöo, la aɛ̈chë ndə̂ kua ndə̂ andjê wâ ndə̂kə̂ pu aköchë lâme, andjê wutuadje dokʉ̈tchê tə̂ nyê bhâlə̂ Gbölö gö-gbïɛ̈ ndə̂ Ndjapä.

Matiyə̈ 24:35

Tchêlafô la tchêbêche âroadje, praâbalë apö ndə̂ mê roabô tee-a.»

Matiyə̈ 7:21

«Âdə̂âbo azü gbɛ̂ ndə̂ andjë to rə̂ sə̈ mê päkëdə̂: ‹Gbölö Gbïɛ̈, Gbölö Gbïɛ̈›, kä ndə̂ âli lə̂ Gbölö gö-gbïɛ̈ ndə̂ tchêlafô-a. Praâbalë kütû andjanə̈ ndə̂ andjë mbô rə ndə̂ âfû tə̂ su Bha mê ndə̂ tche sə̂ bhâ lafô.

Mâreke 3:35

Bëte akrə ndə̂ tche mbô rə ndə̂ su Ndjapä nyîndə̂ nə̈, akrə nə̈ lâme də̈ yîngâ mê, nyînə̂ mê la anyï mê.»

Jâan 4:14

Praâbalë akrə ndə̂ tche ndjô ngû ndə̂ mê zadje rə̂ sə̈ tchë, gʉ ngû âkä nyu bata tchë tee-a. Ngû ndə̂ mê zadje rə̂ sə̈ tchë wadje lə̂ yê batə̂ küma ngû, ndə̂ tchîsûwu ndə̂ logbɛ̂ logbɛ̂ wutu lə̂nə̈.»

Jâan 6:58

Mâpa ndə̂ âtô bhâ lafô ânyë kə̈ jrê kä âtə. Âwâbo batə̂ anə̈ ndə̂ araâta nyê zɨ̂ rə̂ alême ânyë kə̈ tchû lâme-a. Akrə ndə̂ tche zɨ̂ mâpa âtə, tche âwa la tchîsûwu ndə̂ logbɛ̂ logbɛ̂.»

Jâan 7:17

Akrə ndə̂ tche nyîndə̂ kə̂ mbo rə ndə̂ su Ndjapä nyîndə̂ nə̈, tchê wun-adje sə̂nə̈ pä rə ndə̂ mê nyisə̂ nə̈, tö bhândə̂ Ndjapä, âdəndjë rə̂ ndə̂ mëmê kä ndə̂ âto pö ndə̂ mê la tə̂ mê.

Rômo 12:2

Äwäpä kə̂ sə ndə̂ nyê wabô wâ batə̂ andə̂ azü pâ cho âtə-ê. Praâbalë nyë gbötə̂ köbo sə̈ Ndjapä, tche mbo täfo rə lə̂kə̂ sə ndə̂ nyê, kə̂ za täfo kə̂ wunsə̂ rə sə̈ nyê. Käko nyê wun-adje sə̂ rə ndə̂ tche nyîndə̂ nə̈: Rə ndə̂ âwatə̂ tchôtchô nə̈, rə ndə̂ âfû tə̂ yê, rə ndə̂ âdâka gbɛ̂.

Dokʉ̈ Körɛ̂nte 7:31

Azü ndə̂ andjë gbo arə tchêbêche âtə, äwäpä andjë sə âwûntî pä andjë gbôâbo rə-a, bëte arə tchêbêche âtə âro me rö.

Kölôse 1:9

Bëte rə̂ kä ndə̂, kə̂ to tə̂ lo nə̈ ndə̂ ârâ djê pö lâme, ârâ gbôâbo tə̂kə̂ to pö sə̈ Ndjapä bëte nyê-a. Ârâ yükû nə̈ sə̈ Ndjapä ndə̂kə̂ pa tche mbo rə̂ ânyë nyë wunsə̂ apö gbɛ̂ ndə̂ su yê nyîndə̂ nə̈, kə̂ wunsə̂ rə gbɛ̂ lakə̂ wunsə̂ dju arə ndə̂ Yingö ndə̂ yê kʉ rə̂ sə̈ azü.

Kölôse 4:12

Ëpäfrâse, ngâ akrə ndə̂ nyê, pô ndə̂ nyê nə̂, tche də̈ earə̂ kua ndə̂ Jezü Krîsiti, gbô tche kä lakə̂ mbo kʉ̈ʉ̈ tə̂ pö ndə̂ nyê. Tche kä lakə̂ yukû nə̈ sə̈ Ndjapä ndə̂kə̂ pa nyë krʉ ndjii-ï, kə̂ kpökpo tə̂ nyê, kə̂ daka gbɛ̂ lə̂ köbosə̂ Yingö ânyë kə̂ sə tchêtchêtchê logbɛ̂, ndə̂kə̂ mbo rə ndə̂ su Ndjapä nyîndə̂ nə̈.

Dokʉ̈ Tësälönîke 4:3

Rə ndə̂ Ndjapä nyîndə̂ nə̈ wä ndə̂kə̂ pa nyë zatə̂ nyê ngbî bëte tchë, kə̂ puabô aɛ̈chë âdəndjë aköchë pû katchôgbɛ̂.

Dokʉ̈ Tësälönîke 5:18

Nyë zä ayîabâ sə̈ Ndjapä lə̂ arə gbɛ̂, bëte rə ndə̂ tche nyîndə̂ nə̈ tə̂ nyê kä lâme, nyënyê ndə̂ nyë wâ balë la Jezü Krîsiti.

Aheborö 10:36

Äwäpä nyë rʉatə̂ su nyê, ânyë kə̂ mbo rə ndə̂ su Ndjapä nyîndə̂ nə̈, käko ânyë nyê gbo arə ndə̂ tche zâ bâlâ nə̈ lâme.

Jâke 4:14

Nyë wûn-âbo sə̂ rə ndə̂ âwutu lə̂ tchîsûwu ndə̂ nyê ndə̂ tchêlâmbo-a. Bëte nyë wä batə̂ ndrö ndə̂ âwutu la ngû ânyë kpro la tchêngbâ nə̈ âyu-ê.

Dokʉ̈ Pîêre 1:5

Ndjapä âbatadje nyê la gbôgbô ndə̂ yê, lə̂ köbosə̂ kə̂ za su nyê sə̈ tchë, zoo ndə̂kə̂ pa nyë tcha lə̂ kuzü ndə̂ âwâ tchêtchêtchê ndə̂kə̂ mâtə̂ yê lə̂ adɨ̂ alö ndə̂kə̂ krʉ ndə̂ tchêbêche.

Dokʉ̈ Pîêre 4:2

Käko lə̂ adɨ̂ alö ndə̂ âwâ ngbânə̈ tchâtchu nyê ndə̂kə̂ sə pâ cho âtə, nyë mböämbô rə mbô gundə̂sə̂ ngbongbo gʉ su nyê-ê, praâbalë nyë mbö rə lə̂ köbosə̂ nə̈ ndə̂ Ndjapä nyîndə̂ nə̈.