Dokʉ̈ Jâan 2:16 - Mbëtï Ndjapä: TÄFO MADƗ̈

¹⁶ Arə tchêbêche nə̈ wä kâkë: Gʉ ndə̂kə̂ mbo rə ndə̂ su akrə la tə̂ yê nyîndə̂ nə̈, âdəndjë gʉ ndə̂kə̂ gbo rə ndə̂ la azü wun rə̂, lakə̂ bhi gogo pâ arə tchêbêche. Arə lâme gbɛ̂ tôâbo bhândə̂ Bha-a, praâbalë ätö bêche âtə.

Dokʉ̈ Jâan 2:16 Iomraidhean Croise

Matiyə̈ 4:8

Jâbolo kä ê la tchë bhâlə̂ ngâ gbölö küma aga, kə̈ nyîsə̂ agö-gbïɛ̈ ndə̂ tchêbêche gbɛ̂ sə̈ tchë lakə̂ fu ndə̂nə̈,

Matiyə̈ 5:28

Mëmê ndə̂ me nə̈, më tö rə̂ sə̈ nyê päkëdə̂: Akrə ndə̂ tche wûn ɛ̈chë ndə̂ ngâ yê, ânyë kə̈ mbô gʉ yê, dëkë tche pû ɛ̈chë nə̈ bhâlə̂ su yê nə̂.

Lûke 4:5

Jâbolo kâ ê la tchë tʉ̂rʉ bhâ lafô, kə̈ nyîsə̂ agö-gbïɛ̈ ndə̂ tchêbêche gbɛ̂ sə̈ tchë,

Rômo 13:14

Praâbalë nyë zä kütû Gbölö Gbïɛ̈ Jezü Krîsiti ëtə̂ nyê batə̂ rə kʉ̈ʉ̈ ndə̂ nyê. Nyë gbö bata gbô tə̂ köbo sə̈ angbongbo gʉ su nyê ndə̂ âmbo rə̂ pä nyë mbo angbongbo rə gundə̂sə̂ nə̈ lâme-ê.

Dokʉ̈ Körɛ̂nte 10:6

Arə lâme wütu ndə̂kə̂ nyisə̂ ngâ rə sə̈ azə̂, ânyë azə̈ wabô wâ la gʉ ndə̂kə̂ mbo ngbongbo rə batə̂ rə̂ ndə̂ andjë wâ la rə̂-ê.

Gälâte 5:17

Bëte angbongbo gʉ tə̂ su akrə mbö kʉ̈ʉ̈ la Yingö, ânyë Yingö mbo kʉ̈ʉ̈ la angbongbo gʉ su akrə. Andjë djêâbo tə̂ andjê lə̂ gbâtə̂ andjê-a, käko rə ndə̂ nyë nyîndə̂ kə̂ mbo rə̂, nyê mboabô rə̂ tee-a.

Gälâte 5:24

Andjanə̈ ndə̂ andjë wâ balë la Krîsiti, andjë wôn ngbongbo gʉ su andjê la kua nə̈ pâ yö ndə̂ gba nə̂.

Ëfêze 2:3

Azə̈ gbɛ̂, azə̈ mbö ndjë rə alême batə̂ andjê: Azə̈ mbö rə alême gundə̂sə̂ gʉ su azə̂, azə̈ mbö rə ndə̂ tə̂ azə̂ yûkû nə̈, la rə ndə̂ su azə̂ nyîndə̂ nə̈. Tə̂ pö ndə̂nə̈ ndə̂ azə̈ wâ alême käko lâme, azə̈ wä ndjë alême ndə̂kə̂ gbo mêrâ ndə̂ Ndjapä batə̂ azü gbɛ̂.

Tîte 2:12

Tchôtchô su yê nə̈ lâme nyïsə̂ köbo sə̈ azə̂ ndə̂kə̂ pa azə̈ gbotə̂ kə̂ kosə̂ Ndjapä-ê, kə̂ gbotə̂ kə̂ mbo gʉ arə tchêbêche âtə-ê, ndə̂kə̂ pa, kə̂ sə ndə̂ azə̂ lə̂ alö ndə̂ azə̈ sə̂ lə̂nə̈ âtə âwa la köbo nə̈, kə̂ wa djîrə̂, ndjë ndə̂kə̂ pa azə̈ zatə̂ azə̂ gbɛ̂ sə̈ Ndjapä.

Tîte 3:3

Bëte azəzə̂ gbɛ̂, azə̈ wä ndjë alême tə̂ angbɨ̈lə̈, azü ndə̂ andjë kôsə̂ Ndjapä, azü ndə̂ köbo yû tə̂ andjê, azü ndə̂ andjë wâ alême tə̂ angbâa ndə̂ agʉ arə ngbî ngbî gbɛ̂, la arə tchêbêche ndə̂ âtcho tə̂ azü, azü ndə̂ andjë sə̂ lə̂ ngbongbo su lakə̂ mbo gʉ arə ndə̂ angâ andjê, azü kösə̂ azə̂, azə̈ kô ndjë sə̂ angâ azə̂ lə̂ gbâtə̂ azə̂.

Jâke 3:15

Ngoa küma ndə̂ âwa lanə̈ käko lâme tôâbo bhâ lafô-a, ätö kpô bêche âtə, ätö lə̂ köbosə̂ akrə, ätö bhândə̂ Jâbolo.

Jâke 4:16

Praâbalë angaâtə, tə̂ nyê krä lə̂ köbosə̂ kə̂ bhi gogo nyê. Käko ngoa kə̂ bhi gogo käko lâme wätə̂ ngbongbo rə.

Dokʉ̈ Pîêre 1:14

Nyë mbö rə batə̂ abechë ndə̂ andjë dje pö, nyë mböäbô rə mbô gundə̂sə̂ gʉ su nyê ndə̂ nyë wâ la rə̂ dokʉ̈tchê, sə̂nə̈ ndə̂ nyë wûn-âbô sə̂nə̈ wûn dämba lâme-ê.

Dokʉ̈ Pîêre 2:11

Arə̂mâ ndə̂ mê ndə̂ mê nyîndə̂ nyê tə̂ gbölösə̂nə̈, më zä wängö sə̈ nyê, nyënyê ndə̂ nyë wâ batə̂ ayirə la azü pâ köbo ndə̂kə̂ pa nyë kosə̂ angbongbo gʉ su nyê ndə̂ âmbo kʉ̈ʉ̈ la vrö nyê.

Bïchuû Pîêre 2:10

Azü ndə̂ andjë wâ la gʉ ndə̂kə̂ za tchêngbâ angbongbo gʉ su andjê la tə̂ andjê, ânyë kə̈ wûn gbôgbô ndə̂ Ndjapä batə̂ ngâ mbämbä rə lâme, tchê mboadje andjê la yûkü. A-earə̂ kə̂ nyisə̂ rə ndə̂ yepa lâme wüntə̂ andjê pä anyë âwâ tâ, kə̈ wûn tə̂ andjê gbölö, andjë wâbo la wawa ndə̂kə̂ dro ayingö ndə̂ tchêlafô ndə̂ sə̂ andjê lû lâme-a.

Bïchuû Pîêre 2:18

Apö ndə̂ andjë sə lakə̂ bhi gogo andjê lakə̂ to rə̂ wä kütû tə̂ avôvôo apö. Lə̂ köbosə̂ angbongbo gʉ su andjê la arə ganô ndə̂ andjê, andjë mbö rə̂ pä azü ndə̂ andjë wûtu anganga lə̂ gbâtə̂ a-earə̂ ngbongbo rə, te lə̂ gbânda ndə̂ andjê.