Dokʉ̈ Jâan 2:15 - Mbëtï Ndjapä: TÄFO MADƗ̈

¹⁵ Nyë nyïäbô nyîndə̂ tchêbêche âtə-ê, âdəndjë ngâ rə balë ndə̂ âwâtə̂ rə tchêbêche-ê. Âdə ngâ akrə ânyîndə̂ tchêbêche âtə, dëkë tche nyîâbo ndə̂ Bha-a.

Dokʉ̈ Jâan 2:15 Iomraidhean Croise

Matiyə̈ 4:8

Jâbolo kä ê la tchë bhâlə̂ ngâ gbölö küma aga, kə̈ nyîsə̂ agö-gbïɛ̈ ndə̂ tchêbêche gbɛ̂ sə̈ tchë lakə̂ fu ndə̂nə̈,

Matiyə̈ 6:24

«Akrə balë wâbo ndə̂kə̂ mbo kua sə̈ agbölö azü bïchuû-a. Bëte tchê koadje sə̂ ngânə̈ balë ânyë kə̂ nyiadje ndə̂ ngânə̈ balë. Âdəndjë rə̂ tchê zadje tə̂ yê gbɛ̂ sə̈ dokʉ̈ nə̈ ânyë kə̂ koadje sə̂ bïchuû nə̈. Âwâbo pä nyë mbo kua sə̈ Ndjapä, kə̂ ngbo rə̂ la kua makətche-a.»

Lûke 16:13

«Earə̂ kua balë wâbo ndə̂kə̂ mbo kua sə̈ agbölö azü bïchuû-a. Bëte tchê koadje sə̂ ngânə̈ balë ânyë kə̂ nyiadje ndə̂ ngânə̈ balë. Âdəndjë rə̂ tchê zadje tə̂ yê gbɛ̂ sə̈ dokʉ̈ nə̈ ânyë kə̂ koadje sə̂ bïchuû nə̈. Âwâbo pä nyë mbo kua sə̈ Ndjapä, kə̂ ngbo rə̂ la kua makətche-a.»

Jâan 15:19

Âdə nyê âwa alême tə̂ azü tchêbêche âtə, tchêbêche nə̈ nyiadje ndə̂ nyê, bëte nyë wätə̂ andjandə̂ ye nə̈. Praâbalë nyë kä wâbo tə̂ azü ndə̂ yê-a, bëte më dɨ̈ nyê lə̂ gûtə̂ azü tchêbêche. Bëte rə̂ kä ndə̂ azü tchêbêche kôsə̂ nyê.

Rômo 12:2

Äwäpä kə̂ sə ndə̂ nyê wabô wâ batə̂ andə̂ azü pâ cho âtə-ê. Praâbalë nyë gbötə̂ köbo sə̈ Ndjapä, tche mbo täfo rə lə̂kə̂ sə ndə̂ nyê, kə̂ za täfo kə̂ wunsə̂ rə sə̈ nyê. Käko nyê wun-adje sə̂ rə ndə̂ tche nyîndə̂ nə̈: Rə ndə̂ âwatə̂ tchôtchô nə̈, rə ndə̂ âfû tə̂ yê, rə ndə̂ âdâka gbɛ̂.

Gälâte 1:10

Bëte angaâtə, më pü köbo ndə̂kə̂ mbo tchôtchô rə lə̂ la azü âdəndjë lə̂ la Ndjapä? Më pü köbo ndə̂kə̂ wa djîrə̂ lə̂ la azü? Âdə mê âpu köbo ndə̂kə̂ daka lə̂ la azü, dëkë mê kä wa bata tə̂ earə̂ kua ndə̂ Krîsiti tee-a.

Ëfêze 2:2

Nyë mbö rə alême batə̂ kə̂ mbo rə ndə̂ azü tchêbêche atə̂, kə̈ djê ma makündji ndə̂ angbongbo atchozö, ndə̂ tche sə̂ lə̂ gûtə̂ tchêbêche la tchêlafô, tchetchë kä âkə̂ mbo rə̂ angaâtə lə̂ su azü ndə̂ andjë kôsə̂ pö ma Ndjapä.

Dokʉ̈ Timotë 6:10

Bëte chëchë angbongbo arə balë balë gbɛ̂ də̈ kə̂ nyində̂ makətche. Angâ azü gbötə̂ köbo, kə̂ ê tʉ̂rʉ tə̂ su andjê ndə̂ andjë zâ rə̂ sə̈ Krîsiti tə̂ pö ndə̂ kə̂ nyində̂ makətche. Andjë zä nyonyo tə̂ su andjê la tə̂ andjê lə̂ köbosə̂ tchə̂lə̂ küma andjê ndə̂ âdjîngɨli.

Jâke 1:27

Tchôtchô kə̂ voga Ndjapä, ndə̂ âwâbô wâ la kâkpö ndə̂ Ndjapä Bha nyîndə̂ nə̈ wä kâkë: Kə̂ wun tchô pâ awüntə̂wün la aɛ̈chë lə̂ ndavrö lə̂ yûkü ndə̂ andjê, kə̂ bata tə̂ yê tə̂ arə tchêbêche âtə, ânyë kə̂ teabô tê lə̂ ngbongbo rə-ê.

Jâke 4:4

Nyënyê ndə̂ nyë wâ batə̂ azü ndə̂ andjë pu aɛ̈chë âdəndjë aköchë ndə̂ angâ andjê âtə! Nyë wûn-âbo sə̂nə̈ pä akrə ndə̂ tche zâ agü la tchêbêche âtə, tche wätə̂ akrə ndə̂ tche kôsə̂ Ndjapä? Akrə ndə̂ tche nyîndə̂ kə̂ za agü la tchêbêche âtə, dëkë tche wâ nə̂ tə̂ akrə ndə̂ tche kôsə̂ Ndjapä.

Dokʉ̈ Jâan 3:17

Praâbalë âdə ngâ akrə âwa la arə tchêbêche âtə tə̂ gbölösə̂nə̈, ânyë kə̈ gʉ̂â la yê tə̂ ngâ yê, ndə̂ tche wûn tchë la gʉ ngâ rə, akrə käko lâme nyïndə̂ Ndjapä tchïtchïnə̈ atöko?

Dokʉ̈ Jâan 4:5

Andjë wätə̂ azü pâ cho âtə. Bëte rə̂ kä ndə̂ andjë to pö batə̂ azü pâ cho âtə, ânyë azü pâ cho nə̈ djê andjê.

Dokʉ̈ Jâan 5:10

Käko akrə ndə̂ tche zâ su yê sə̈ Modô ndə̂ Ndjapä, pö ndə̂ Ndjapä tô rə̂ lâme kä tə̂ su yê la tə̂ yê. Praâbalë akrə ndə̂ tche zâbô su yê zâ sə̈ Ndjapä, tche mbö Ndjapä tə̂ earə̂ yepa, bëte tche gâmbabô pö ndə̂ Ndjapä tô rə̂ pâ Modô ndə̂ yê-a.