Dokʉ̈ Jâan 2:14 - Mbëtï Ndjapä: TÄFO MADƗ̈

¹⁴ Nyënyê ndə̂ abechë ndə̂ mê, më mbö mbëtï âtə sə̈ nyê bëte nyë wûnsə̂ Bha nə̂. Nyënyê ndə̂ arabha, më mbö mbëtï âtə sə̈ nyê bëte nyë wûnsə̂ tchanə̈ ndə̂ tche wâ tâ lə̂ kêsâ nə̈ lâme nə̂. Nyënyê ndə̂ abechë-ɛ̈köchë la abechë-ɛ̈chë, më mbö mbëtï âtə sə̈ nyê bëte nyë kpôkpo tə̂ nyê nə̂, pö Ndjapä kä lə̂ su nyê, ânyë nyë rôpâ Ngbongbo akrə nə̂.

Dokʉ̈ Jâan 2:14 Iomraidhean Croise

Jâan 15:7

Âdə nyë âwa balë la mê, ânyë apö ndə̂ mê wâ lə̂ nyê, nyë âyukû arə gbɛ̂ ndə̂ nyë nyîndə̂ nə̈, nyê gboadje rə̂.

Jâan 5:38

Pö ndə̂ yê wâbo tə̂ su nyê-a, bëte nyë zâbo su nyê sə̈ akrə ndə̂ tche wân tchë lâme-a.

Jâan 8:31

Käko Jezü tô rə̂ sə̈ ajuîfu ndə̂ andjë zâ su andjê sə̈ tchë päkëdə̂: «Âdə nyê âsə lə̂ pö ndə̂ mê, dëkë tə̂ lëge nə̈ nyë wätə̂ adjisîpili ndə̂ mê.

Jâan 8:37

Më wûnsə̂ nə̈ nə̂ pä nyë wätə̂ azü pâ mawo ndə̂ Abrahâmo. Praâbalë nyë kä lakə̂ pu köbo ndə̂kə̂ won mê, bëte pö ndə̂ mê gbôâbo tchô bhâlə̂ su nyê-a.

Ëfêze 6:10

Ndə̂kə̂ ka pö lâme, nyë kpökpo tə̂ nyê lə̂ Gbölö Gbïɛ̈, lə̂ gbölö gbôgbô ndə̂ yê.

Fïlîpe 4:13

Më wä ndə̂kə̂ mbo arə lâme gbɛ̂ bëte Krîsiti kä ndə̂ âzâ gbôgbô sə̈ mê.

Kölôse 1:11

Ndjapä mboadje rə̂ ndə̂kə̂ pa nyë kpokpo tə̂ nyê tə̂ gbölösə̂nə̈ lə̂ köbosə̂ gbôgbô ndə̂ yê ndə̂ ânyîsə̂ gbölö ndə̂ yê. Käko lə̂ agbôgbô arə, nyë wä la gbôgbô, kə̂ rʉatə̂ su nyê ndə̂kə̂ krʉ bëte tchë.

Kölôse 3:16

Äwäpä Tchôtchô Pö ndə̂ Krîsiti ndə̂ atchôtchô arə sɨ̂sɨ̈ lə̂nə̈ wa lə̂ tchîsûwu ndə̂ nyê. Nyë nyisə̂ rə, kə̂ to tchôtchô pö sə̈ angâ nyê lə̂ gbâtə̂ nyê, lə̂ köbosə̂ küma ndə̂ âwâ lanə̈ gbɛ̂. Nyë pä düwü sə̈ Ndjapä la su nyê gbɛ̂ ndə̂kə̂ za ayîabâ sə̈ tchë, nyë pä adüwü ndə̂ Mbëtï Ndjapä, adüwü ndə̂kə̂ dɨ tchə̂lə̂ ma sə̈ Ndjapä, ndə̂ Yingö kʉ rə̂ sə̈ nyê.

Bïchuû Timotë 2:1

Andə̂ zə nə̈, bechë ndə̂ mê, amö kpokpo tə̂ zə̈ lə̂ köbosə̂ tchôtchô su ndə̂ âwâ lə̂ Jezü Krîsiti.

Aheborö 8:10

Gbölö Gbïɛ̈ tö rə̂ päkëdə̂: Madɨ̈ ndə̂ mëmê la azü gö ndə̂ Isarayële drô rə̂ la tchêngbâ alö nə̈ lâme kä âtə: Mê mboadje andïɛ̈ ndə̂ mê bhâlə̂ kə̂ za küma andjê, ânyë kə̂ mboadje rə̂ bhâlə̂ su andjê. Mê wadje tə̂ Ndjapä ndə̂ andjê, ânyë andjê wadje tə̂ azü gö ndə̂ mê.

Dokʉ̈ Jâan 1:1

Rə ndə̂ âwâ tâ alême lə̂ kêsâ nə̈, ârâ djë rə̂, kə̈ wûn rə̂ la lala ârâ, kə̈ chêko rə̂, kə̈ grʉ̂ rə̂ la könô ârâ: Rə nə̈ də̈ Pö ndə̂ âza tchîsûwu sə̈ azü.

Dokʉ̈ Jâan 1:10

Âdə azə̂ âto rə̂ pä azə̈ mbôâbo ngbongbo rə, dëkë azə̈ mbö rə̂ pä Ndjapä watə̂ earə̂ yepa, pö ndə̂ yê wâbo lə̂ su azə̂-a.

Dokʉ̈ Jâan 2:13

Nyënyê ndə̂ arabha, më mbö mbëtï âtə sə̈ nyê bëte nyë wûnsə̂ tchanə̈ ndə̂ tche wâ tâ lə̂ kêsâ nə̈ lâme nə̂. Nyënyê ndə̂ abechë-ɛ̈köchë la abechë-ɛ̈chë, më mbö mbëtï âtə sə̈ nyê bëte nyë rôpâ Ngbongbo akrə nə̂.

Bïchuû Jâan 1:2

Më nyïndə̂ nyê, bëte lëge pö kä lə̂ azə̂, ânyë lëge pö nə̈ wadje lə̂ azə̂ tə̂ logbɛ̂.

Vötaâ Jâan 1:3

Më wä la mômô tə̂ su mê tə̂ gbölösə̂nə̈, bëte angâ arə̂mâ lə̂ Krîsiti nə̈, kə̈ tô pö ndə̂ lëge pö ndə̂ âwâ lə̂ zə̈, ndjë la köbosə̂ nə̈ ndə̂ mo sə̂ lə̂ lëge pö.

Apökälîbïchi 2:3

Mo wünsə̂ kə̂ rʉatə̂ su zə̈, mo wün yûkü bëte rə̈ mê, kə̈ zôgoabô-a.

Apökälîbïchi 2:7

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê kʉadje alêlê yö ndə̂ âza tchîsûwu sə̈ akrə sə̈ tchë, ndə̂kə̂ pa tche zɨ rə̂. Alêlê yö nə̈ lâme wä bhâlə̂ paradï ndə̂ Ndjapä.»