Dokʉ̈ Jâan 2:13 - Mbëtï Ndjapä: TÄFO MADƗ̈

¹³ Nyënyê ndə̂ arabha, më mbö mbëtï âtə sə̈ nyê bëte nyë wûnsə̂ tchanə̈ ndə̂ tche wâ tâ lə̂ kêsâ nə̈ lâme nə̂. Nyënyê ndə̂ abechë-ɛ̈köchë la abechë-ɛ̈chë, më mbö mbëtï âtə sə̈ nyê bëte nyë rôpâ Ngbongbo akrə nə̂.

Dokʉ̈ Jâan 2:13 Iomraidhean Croise

Matiyə̈ 11:27

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.

Matiyə̈ 13:19

Azü ndə̂ andjë dje pö ndə̂ Gbölö gö-gbïɛ̈ ndə̂ tchêlafô ânyë kə̂ djeabô tchə̂lə̂ nə̈ djê, andjë wä batə̂ tchô ndroma köbo ndə̂ ndjî rəgʉ tu tâ. Ngbongbo akrə nə̂, ânyë kə̈ krʉ̂a rə ndə̂ a lû rə̂ lə̂ su azü nə̈.

Matiyə̈ 13:38

Kɨ̈ndɨ̈ nə̈ wätə̂ tchêbêche âtə. Atchôtchô ndjî rəgʉ nə̈ də̈ azü ndə̂ Gbölö gö-gbïɛ̈ ndə̂ Ndjapä. Angbongbo bë nə̈ wätə̂ azü ndə̂ Ngbongbo akrə.

Matiyə̈ 5:37

Âdə nyë âsə̈ to pö, äwäpä pö ma nyê wa kütû balë: ‹Ɛn-ɛn, pö nə̈ kä›, âdəndjë ‹ɛ̂n-ɛ̈n, pö nə̈ də̂âbo rə̂ lâme-a.› Pö gbɛ̂ ndə̂ nyê to rə̂ pâ anə̈ lâme, ätö dəndə̂ Ngbongbo akrə.»

Lûke 10:22

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.»

Jâan 14:7

Âdə nyê âwunsə̂ mê, nyê wun-adje ndjë sə̈ Bha mê. Ätö tə̂ tchô angêta, nyë wûnsə̂ yê nə̂, kə̈ wûn ndjë tchë nə̂.»

Jâan 14:9

Jezü tô rə̂ sə̈ tchë päkëdə̂: «Fïlîpe, ndə̂ mê gû lə̂ gûtə̂ nyê nə̂, mo wûn-âbo sə̂ mê dämba? Akrə ndə̂ tche wûn mê, dëkë tche wûn Bha mê nə̂. Bëte giamâ mo yû mê päkëdə̂: ‹Amö nyisə̂ Bha sə̈ ârâ›?

Jâan 16:3

Andjë mbö tâ käko bëte andjë wûn-âbo sə̂ Bha mê âdəndjë mëmê-a.

Jâan 16:33

Më tö pö lâme gbɛ̂ sə̈ nyê ndə̂kə̂ pa nyë wa la zɨtɨ su lə̂ köbosə̂ nə̈ ndə̂ nyë wâ balë la mê. Nyê wun-adje yûkü pâ cho âtə, praâbalë äwäpä nyë gbo gbôgbô tə̂ su nyê! Më rô tchêbêche âtə la gbôgbô nə̂!»

Jâan 17:21

Më tö pö sə̈ mö ndə̂kə̂ pa andjë wa balë. Bha mê, mo kä balë la mê, më wâ ndjë balë la mö. Äwäpä andjë wa balë la azə̂, ndə̂kə̂ pa azü tchêbêche gamba rə̂ pä momö kä ndə̂ âwân mê.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Jâan 8:19

Käko afarizïɛ̈n nə̈ yû tchë päkëdə̂: «Bha zə̈ nə̈ sə̈ bhâ tchêbâ?» Jezü tô rə̂ ndə̂nə̈ päkëdə̂: «Nyë wûn-âbo sə̂ mê âdəndjë Bha mê-a. Âdə nyê âwunsə̂ mê dëkë nyê wun-adje ndjë sə̂ Bha mê.»

Bïchuû Körɛ̂nte 4:6

Ndjapä tö rə̂ päkëdə̂: «Äwäpä ngbänga tcho lə̂ bübü tchô.» Tchetchë la tə̂ yê kä âkə̂ tcho bhâlə̂ su azə̂ ndə̂kə̂ pa la azə̂ vro ânyë azə̈ wunsə̂ ngbänga ndə̂ yê ndə̂ âtcho pâ la Krîsiti.

Dokʉ̈ Timotë 5:1

Amö gbɨtɨabô tü akrə ndə̂ tche dû gbɨ̂tɨ la gbôgbô-ê, praâbalë äwäpä mo za wängö sə̈ tchë batə̂ bha zə̈. Amö za wängö sə̈ abechë-ɛ̈köchë batə̂ arə̂mâ ndə̂ zə̈,

Tîte 2:6

Äwä ndjë pä mo za wängö sə̈ abechë-ɛ̈köchë ndə̂kə̂ pa andjë to pö la köbo nə̈

Dokʉ̈ Jâan 1:1

Rə ndə̂ âwâ tâ alême lə̂ kêsâ nə̈, ârâ djë rə̂, kə̈ wûn rə̂ la lala ârâ, kə̈ chêko rə̂, kə̈ grʉ̂ rə̂ la könô ârâ: Rə nə̈ də̈ Pö ndə̂ âza tchîsûwu sə̈ azü.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 2:12

Nyënyê ndə̂ abechë ndə̂ mê, më mbö mbëtï âtə sə̈ nyê bëte Ndjapä kô pö lə̂ küma nyê nə̂ lə̂ köbosə̂ rə̈ Jezü.

Dokʉ̈ Jâan 2:14

Nyënyê ndə̂ abechë ndə̂ mê, më mbö mbëtï âtə sə̈ nyê bëte nyë wûnsə̂ Bha nə̂. Nyënyê ndə̂ arabha, më mbö mbëtï âtə sə̈ nyê bëte nyë wûnsə̂ tchanə̈ ndə̂ tche wâ tâ lə̂ kêsâ nə̈ lâme nə̂. Nyënyê ndə̂ abechë-ɛ̈köchë la abechë-ɛ̈chë, më mbö mbëtï âtə sə̈ nyê bëte nyë kpôkpo tə̂ nyê nə̂, pö Ndjapä kä lə̂ su nyê, ânyë nyë rôpâ Ngbongbo akrə nə̂.

Dokʉ̈ Jâan 3:12

Azə̈ mböäbô rə mbô batə̂ Käyîne, ndə̂ tche wâtə̂ akrə ndə̂ Ngbongbo akrə, ânyë kə̈ wôn yîngâ yê lâme. Tche wön tchë bëte giamâ? Bëte kua ndə̂ Käyîne wätə̂ ngbongbo nə̈, ânyë andə̂ yîngâ yê wâtə̂ djîrə̂ nə̈.

Dokʉ̈ Jâan 4:4

Nyënyê ndə̂ abechë ndə̂ mê, nyë wätə̂ azü ndə̂ Ndjapä. Nyë rô a-earə̂ ndə̂ma Ndjapä ndə̂ yepa lâme la gbôgbô nə̂. Bëte tchanə̈ ndə̂ tche wâ lə̂ nyê lâme, tche wä gbölö kə̈ rô tchanə̈ ndə̂ tche wâ pâ cho âtə.

Dokʉ̈ Jâan 5:18

Azə̈ wûnsə̂ nə̈ nə̂ pä ngâ bechë ndə̂ Ndjapä balë sə̂âbo kpô tə̂kə̂ mbo ngbongbo rə-a, bëte Modô ndə̂ Ndjapä kä lakə̂ bata tchë, ânyë Ngbongbo akrə wâbo ndə̂kə̂ mbo ngâ rə tə̂ yê-a.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.

Apökälîbïchi 12:11

Praâbalë arə̂mâ ndə̂ azə̂ röpâ yê lə̂ köbosə̂ jï Ngbavö Ɛ̈bro-ngbaga, ndjë lə̂ köbosə̂ pö ndə̂ andjë wûnsə̂ nə̈ ânyë kə̈ mû rə̂, andjë wûn tchîsûwu ndə̂ andjê tə̂ mbämbä rə, kə̈ wâ tchêtchêtchê ndə̂kə̂ tchu.

Apökälîbïchi 2:7

«Akrə ndə̂ tche wâ la tü, äwäpä tche dje pö ndə̂ Yingö tô rə̂ sə̈ a-Egilîze! «Akrə ndə̂ tche rô lə̂ arə gbɛ̂ la gbôgbô, mê kʉadje alêlê yö ndə̂ âza tchîsûwu sə̈ akrə sə̈ tchë, ndə̂kə̂ pa tche zɨ rə̂. Alêlê yö nə̈ lâme wä bhâlə̂ paradï ndə̂ Ndjapä.»