Dokʉ̈ Jâan 2:12 - Mbëtï Ndjapä: TÄFO MADƗ̈

¹² Nyënyê ndə̂ abechë ndə̂ mê, më mbö mbëtï âtə sə̈ nyê bëte Ndjapä kô pö lə̂ küma nyê nə̂ lə̂ köbosə̂ rə̈ Jezü.

Dokʉ̈ Jâan 2:12 Iomraidhean Croise

Lûke 24:47

Äwäpä a mu pö la rə̈ yê katchôgbɛ̂, ätö bhâ Jerûzalêmo ndjoa ëtə̂ azü tchêbêche gbɛ̂, ndə̂kə̂ pa andjë gbotə̂ bəndɨ kə̂ mbo rə ndə̂ andjê, ânyë Ndjapä ko pö lə̂ küma andjê.

Lûke 5:20

Ndə̂ Jezü wûn rə̂ ndə̂ andjë zâ su andjê gbɛ̂ sə̈ tchë, tche tô rə̂ sə̈ köchë ndə̂ tche ngêwele lâme päkëdə̂: «Köchë, a kô pö lə̂ küma zə̈ nə̂.»

Abadjângele 10:43

A-earə̂ ndə̂ma Ndjapä gbɛ̂ tö pö pâ yê päkëdə̂: Akrə ndə̂ tche zâ su yê sə̈ tchë, lə̂ köbosə̂ rə̈ yê, Ndjapä âko pö lə̂ küma yê.»

Abadjângele 13:38

Arə̂mä, äwäpä nyë wunsə̂ nə̈ päkëdə̂: Lə̂ köbosə̂ Jezü kä ndə̂ Ndjapä tô pö ndə̂kə̂ ko pö lə̂ küma akrə, praâbalë nyë gbôâbo rə̂ lə̂ ndïɛ̈ ndə̂ Möyîze-a.

Abadjângele 4:12

«Akrə wâbo ndə̂kə̂ tcha lə̂ kuzü lə̂ köbosə̂ ngâ rə̈ ngbî-a, bëte pâ cho gbɛ̂ ngâ rə̈ ngbî ndə̂ Ndjapä zâ rə̂ sə̈ azü ndə̂kə̂ pa andjë tcha lə̂ köbosə̂ nə̈ wâbo balë-a.»

Dokʉ̈ Körɛ̂nte 6:11

Angâ azü lə̂ gbâtə̂ nyê wä alême käko. Praâbalë Ndjapä kô pö lə̂ küma nyê nə̂, kə̈ kʉ̂ nyê ngbî ânyë nyë dâka gbɛ̂ bëte tchë, kə̈ mbô rə̂ pä nyë wa djîrə̂ lə̂ la yê la rə̈ Gbölö Gbïɛ̈ Jezü Krîsiti ndjë la Kpɨ̂ki Yingö ndə̂ azə̂.

Ëfêze 1:7

Lə̂ köbosə̂ nə̈ ndə̂ azə̈ wâ balë la Krîsiti, a jï azə̂ lə̂ ngbongbo rə lə̂ köbosə̂ jï yê, kə̈ kô pö lə̂ küma azə̂, lə̂ köbosə̂ tchôtchô rə ndə̂ tchôtchô su yê.

Ëfêze 4:32

Nyë mbö tchôtchô rə lə̂ gbâtə̂ nyê, kə̂ wun nyonyo angâ nyê, nyë kö pö lə̂ küma angâ nyê lə̂ gbâtə̂ nyê, batə̂ rə̂ ndə̂ Ndjapä kô pö lə̂ küma nyê lə̂ köbosə̂ Krîsiti.

Kölôse 1:14

Lə̂ köbosə̂ Modô ndə̂ yê, tche jï azə̂ lə̂ angbongbo rə, kə̈ kô pö lə̂ küma azə̂ gbɛ̂.

Dokʉ̈ Jâan 1:4

Ârâ mbö mbëtï âtə sə̈ nyê ndə̂kə̂ pa mômô ndə̂ ârâ watə̂ gbölösə̂nə̈.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Dokʉ̈ Jâan 1:9

Praâbalë âdə azə̂ ânyisə̂ angbongbo rə ndə̂ azə̂ ësûwu, Ndjapä wä djîrə̂, kə̈ mbô rə gundə̂sə̂ pö ma yê: Tchê koadje apö lə̂ küma azə̂, kə̂ jiadje azə̂ lə̂ angbongbo rə gbɛ̂.

Dokʉ̈ Jâan 2:1

Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 2:21

Mbëtï ndə̂ më mbô rə̂ sə̈ nyê âtə, nyîâbo sə̂nə̈ pä nyë wûn-âbo sə̂ lëge pö nə̂-a, praâbalë më mbö rə̂ bëte nyë wûnsə̂ lëge pö nə̂. Nyë wûn ndjë sə̂nə̈ nə̂ pä ngâ pö yepa balë wûtuabô lə̂ lëge pö-a.

Dokʉ̈ Jâan 2:7

Arə̂mâ ndə̂ mê ndə̂ më nyîndə̂ nyê tə̂ gbölösə̂nə̈, ndïɛ̈ ndə̂ më mbô rə̂ lə̂ mbëtï sə̈ nyê âtə wâbo tə̂ täfo ndïɛ̈-a, ädə̈ ngâ bəndɨ ndïɛ̈ ndə̂ nyë gbô rə̂ lə̂ kêsâ nə̈. Bəndɨ ndïɛ̈ nə̈ lâme wätə̂ pö ndə̂ nyë djê rə̂ dokʉ̈tchê.