Dokʉ̈ Jâan 2:1 - Mbëtï Ndjapä: TÄFO MADƗ̈

¹ Abechë ndə̂ mê, më mbö mbëtï âtə sə̈ nyê ndə̂kə̂ pa nyë mboabô ngbongbo rə mbô-ê. Âdə ngâ akrə âmbo ngbongbo rə, azə̈ kä la ngâ earə̂ kə̂ za kokô azə̂ ndrotə̂ Bha azə̂, tche də̈ Jezü Krîsiti, ndə̂ tche wâ djîrə̂.

Dokʉ̈ Jâan 2:1 Iomraidhean Croise

Lûke 10:22

«Bha mê gbötə̂ rə gbɛ̂ ëtchânə̂ mê. Ngâ akrə balë wûn-âbo sə̂ Modô nə̈-a, kütû Bha nə̈ balë. Ngâ akrə balë wûn-âbo sə̂ Bha nə̈-a, kütû Modô nə̈ la andjanə̈ ndə̂ Modô nə̈ nyîndə̂ kə̂ nyisə̂ Bha nə̈ sə̈ andjê.»

Jâan 10:15

batə̂ rə̂ ndə̂ Bha mê wûnsə̂ mê, ânyë më wûn ndjë sə̂ Bha mê. Më gbötə̂ tchîsûwu ndə̂ mê bëte aɛ̈bro-ngbaga ndə̂ mê.

Jâan 13:33

Abechë ndə̂ mê, gbô mê kä po lə̂ gûtə̂ nyê ngbâ kpîɛ̂kpîɛ̂ lö. Nyê puadje mê. Pö ndə̂ më tô rə̂ sə̈ ajuîfu alême, më tö ndjë rə̂ sə̈ nyê gbɛ̂ päkëdə̂: ‹Sə̂ tchô ndə̂ mê e tâ, nyë wâbo ndə̂kə̂ e tâ-a.›

Jâan 14:16

Mê yuadje Bha mê ndə̂kə̂ pa tche za ngâ akrə ngbî, tche za könô sə̈ nyê ânyë kə̂ sə ndrotə̂ nyê pïï etə̂.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 21:5

Tche tô rə̂ sə̈ andjê päkëdə̂: «Abechë, nyë kä la ngâ rə ndə̂kə̂ zɨ rə̂?» Andjë tô rə̂ sə̈ tchë päkëdə̂: «Ɛ̂n-ɛ̈n.»

Jâan 5:14

La tchêngbâ nə̈ Jezü gbô tchë bhâlə̂ gbölö nda Ndjapä kə̈ tô rə̂ sə̈ tchë päkëdə̂: «Wunsaâ, tə̂ zə̈ dâka nə̂, amö ka mbôâbô ngbongbo rə mbô-ê, ânyë ngâ ngbongbo rə kä gboabô mö gbô kə̂ ro anə̈ dokʉ̈tchê lâme-ê.»

Jâan 5:36

Praâbalë angâ arə kä ndə̂ âtô pö pâ mê tə̂ gbölösə̂nə̈ kə̈ rô andə̂ Jâan. Arə nə̈ lâme də̈ akua ndə̂ mê, ndə̂ Bha mê zâ rə̂ sə̈ mê ndə̂kə̂ mbo rə̂. Akua nə̈ lâme la tə̂ yê ndə̂ mê mbo rə̂, ätö pö pâ mê, kə̈ nyîsə̂ nə̈ pä Bha kä ndə̂ âwân mê.

Jâan 6:27

Nyë mböäbô kua mbô bëte kɨ̈zɨ̂ ndə̂ âwâ ndə̂kə̂ ndɨ-ê, praâbalë äwäpä nyë mbo kua bëte kɨ̈zɨ̂ ndə̂ âza tchîsûwu ndə̂ logbɛ̂ logbɛ̂ sə̈ azü. Modô ndə̂ Akrə kä ndə̂ âzadje kɨ̈zɨ̂ nə̈ lâme sə̈ nyê, bëte tchetchë kä ndə̂ Ndjapä Bha mbô ngâ nyîsɨ̂ ndə̂ gbôgbô ëtə̂ yê.»

Jâan 8:11

Ɛ̈chë lâme tô rə̂ ndə̂nə̈ sə̈ tchë päkëdə̂: «Gbölö Gbïɛ̈, ngâ akrə balë sə̂âbo-a.» Jezü tô rə̂ päkëdə̂: «Mëmê ndjë gbɛ̂ më wâbo ngbanga lə̂ küma zə̈-a. Amö gûgü, praâbalë amö ka mbôâbô ngâ ngbongbo rə mbô-ê.»]

Abadjângele 7:52

Earə̂ ndə̂ma Ndjapä nə̈bâ kä ndə̂ araâta nyê mbôâbô gbôgbô mbô tə̂ yê? Araâta nyê wön azü ndə̂ andjë tô pö ndə̂kə̂ nə ndə̂ djîrə̂ akrə alême. Angaâtə, nyënyê kä ndə̂ âyôsə̂ djîrə̂ akrə nə̈ ânyë andjë wôn tchë!

Rômo 5:10

Ndə̂ azə̈ kôsə̂ Ndjapä alême, tche mbö rə̂ pä tchôtchô kə̂ sə kângbâ yê lə̂ gbâtə̂ azə̂ la Ndjapä lə̂ köbosə̂ kuzü Modô ndə̂ yê. Ndə̂ tchôtchô kə̂ sə kângbâ yê lə̂ gbâtə̂ azə̂ la tchë lâme, lə̂ köbosə̂ Modô ndə̂ yê ndə̂ tche wâ la tchîsûwu, ngâ rə balë wâbo ndə̂kə̂ kitə̂ köbo tə̂ yê ndə̂kə̂ tcha azə̂ lə̂ kuzü-a.

Rômo 6:15

Pö lâme nyïndə̂ kə̂ to rə̂ atöko? Ndə̂ azə̈ wûtu tchâtchâ ndïɛ̈ ânyë kə̈ wâ tchâtchâ tchôtchô su ndə̂ Ndjapä lâme, ârə̂ kä ndə̂ âzâ köbo sə̈ azə̂ ndə̂kə̂ mbo ngbongbo rə? Âdə̂âbo käko-a!

Rômo 8:34

Tchabâ kä ndə̂ âwâ ndə̂kə̂ wa ngbanga lə̂ küma andjê? Akrə balë sə̂âbo-a, bëte rə̂ ndə̂ Jezü Krîsiti tchû ânyë kə̈ jô lə̂ kuzü. Tche sə̈ ndrotə̂ Ndjapä də ndôkö könô yê ânyë kə̂ to pö sə̈ Ndjapä bëte azə̂.

Dokʉ̈ Körɛ̂nte 15:34

Nyë mbö rə batə̂ azü ndə̂ küma andjê wâ lanə̈, kə̂ mboabô ngbongbo rə mbô-ê! Bëte angâ azü lə̂ gbâtə̂ nyê wûn-abo sə̈ Ndjapä-a, më tö pö lâme bëte äwätə̂ ganô ndə̂ nyê.

Bïchuû Körɛ̂nte 5:21

Krîsiti ndə̂ tche wûn-âbô sə̂ ngbongbo rə wûn-î, Ndjapä mbô rə̂ pä ngbongbo rə ndə̂ azə̂ te pâ yê. Käko lə̂ köbosə̂ Krîsiti, azə̈ wätə̂ adjîrə̂ azü lə̂ la Ndjapä.

Gälâte 4:19

Abechë ndə̂ mê, më kä lakə̂ wun yûkü nyê tə̂ täfo nə̈ batə̂ rə̂ ndə̂ tchə̂lə̂ ɛ̈chë ka tchë la güzu tə̂ lo kə̂ zɨ ndə̂ yê, zoo Krîsiti ge lə̂ nyê.

Ëfêze 2:18

Bëte Krîsiti kä ndə̂ âmbô rə̂ pä ajuîfu la azü ndə̂ andjë wâbô wâtə̂ ajuîfu, azə̈ gitə̂ azə̂ ndola Ndjapä Bha lə̂ köbosə̂ Yingö balë.

Ëfêze 4:26

Âdə mêrâ âmbo nyê, nyë mböäbô ngbongbo rə mbô-ê, âwâbo pä lo zɨ tə̂ nyê la mêrâ lə̂ nyê-a.

Dokʉ̈ Timotë 2:5

Bëte Ndjapä wä kütû balë, akrə ndə̂ tche nə̂ la zɨtɨ su lə̂ gbâtə̂ Ndjapä la azü, tche wä ndjë balë: Tche də̈ Jezü Krîsiti ndə̂ tche wâtə̂ akrə.

Dokʉ̈ Timotë 3:14

Më mbö mbëtï âtə sə̈ mö, bëte më kä la gʉ ndə̂kə̂ e kə̂ wun mö angangaâtə.

Aheborö 9:24

Bëte Krîsiti lîâbo bhâlə̂ ngâ nda Ndjapä ndə̂ könô akrə mbô rə̂-a, ndə̂ âwâtə̂ nyîsɨ̂ lëge tchô-a. Tchetchë la tə̂ yê, tche lï bhâ lafô sə̂ tchô ndə̂ tche krʉ̂ tâ angaâtə tchâtchu Ndjapä bëte azə̂.

Jâke 1:27

Tchôtchô kə̂ voga Ndjapä, ndə̂ âwâbô wâ la kâkpö ndə̂ Ndjapä Bha nyîndə̂ nə̈ wä kâkë: Kə̂ wun tchô pâ awüntə̂wün la aɛ̈chë lə̂ ndavrö lə̂ yûkü ndə̂ andjê, kə̂ bata tə̂ yê tə̂ arə tchêbêche âtə, ânyë kə̂ teabô tê lə̂ ngbongbo rə-ê.

Jâke 3:9

Azə̈ vöga Gbölö Gbïɛ̈ ndə̂ tche wâtə̂ Bha azə̂ la tïmï lâme, praâbalë kütû tïmï balë lâme kä ndə̂ azə̈ dra ndə̂ azü la rə̂ ndə̂ Ndjapä mbô andjê batə̂ tchë.

Dokʉ̈ Pîêre 2:22

Tchetchë ndə̂ tche mbôâbô ngâ ngbongbo rə mbô-ê, tchetchë ndə̂ ngâ pö ndə̂kə̂ bolo tchô wûtuabô wûtu balë lə̂ ma yê-ê.

Dokʉ̈ Pîêre 3:18

Käko Krîsiti la tə̂ yê wün yûkü sûsunə̈ balë tratralë bëte ngbongbo rə ndə̂ azü. Tchetchë ndə̂ tche wâ djîrə̂, tche tchü bëte azü ndə̂ andjë wâbô wâ djîrə̂ ânyë kə̂ e la nyê atə̂ tchâtchu Ndjapä. Tchetchë ndə̂ azü wôn kütû tə̂ yê ndə̂ akrə, praâbalë Ndjapä kä zâ tchîsûwu ndə̂ yê ëngbânə̈ sə̈ tchë lə̂ köbosə̂ Kpɨ̂ki Yingö.

Dokʉ̈ Jâan 3:18

Abechë ndə̂ mê, nyë nyïäbô nyîndə̂ angâ nyê kütû la wünwün pö-ê, âdəndjë mbämbä pö lə̂ ma nyê-ê, praâbalë nyë nyïndə̂ angâ nyê lakə̂ mbo kua nə̈, ndjë lə̂ köbosə̂ lëge pö.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Dokʉ̈ Jâan 3:7

Abechë ndə̂ mê, ngâ akrə balë yüäbô köbo nyê yû-î. Akrə ndə̂ tche mbô djîrə̂ rə, dëkë tche wätə̂ djîrə̂ akrə batə̂ Jezü ndə̂ tche wâ djîrə̂.

Dokʉ̈ Jâan 4:4

Nyënyê ndə̂ abechë ndə̂ mê, nyë wätə̂ azü ndə̂ Ndjapä. Nyë rô a-earə̂ ndə̂ma Ndjapä ndə̂ yepa lâme la gbôgbô nə̂. Bëte tchanə̈ ndə̂ tche wâ lə̂ nyê lâme, tche wä gbölö kə̈ rô tchanə̈ ndə̂ tche wâ pâ cho âtə.

Dokʉ̈ Jâan 5:17

Kə̂ mbo arə gbɛ̂ ndə̂ âwâbô wâ djîrə̂ wätə̂ ngbongbo rə, praâbalë âdə̂âbo angbongbo arə gbɛ̂ kä âkə̂ e la azü pu kuzü-a.

Dokʉ̈ Jâan 5:21

Abechë ndə̂ mê, äwäpä nyë vogabô angakʉ̈lä vôga-ê!

Vötaâ Jâan 1:4

Ndə̂ më djê pö ndə̂ abechë ndə̂ mê ndə̂ andjë sə̂ lə̂ lëge pö, mômô ndə̂ më wâ la rə̂ rö adɨ̂ amômô gbɛ̂.