Dokʉ̈ Jâan 1:9 - Mbëtï Ndjapä: TÄFO MADƗ̈

⁹ Praâbalë âdə azə̂ ânyisə̂ angbongbo rə ndə̂ azə̂ ësûwu, Ndjapä wä djîrə̂, kə̈ mbô rə gundə̂sə̂ pö ma yê: Tchê koadje apö lə̂ küma azə̂, kə̂ jiadje azə̂ lə̂ angbongbo rə gbɛ̂.

Dokʉ̈ Jâan 1:9 Iomraidhean Croise

Matiyə̈ 3:6

Andjë tösə̂ angbongbo rə ndə̂ andjê ësûwu, ânyë Jâan zâ batɛ̂me sə̈ andjê lə̂ ngû ndə̂ Jurudɛ̈n.

Mâreke 1:5

Azü lə̂ agö ndə̂ Judë gbɛ̂ la azü gö ndə̂ Jerûzalêmo gbɛ̂ nə̂ pu Jâan. Andjë tösə̂ angbongbo rə ndə̂ andjê ësûwu, ânyë Jâan zâ batɛ̂me sə̈ andjê lə̂ ngû ndə̂ Jurudɛ̈n.

Lûke 22:57

Praâbalë Pîêre tô rə̂ sə̈ ɛ̈chë lâme päkëdə̂: «Yepa kä, më wûn-âbo sə̂ yê-a.»

Jâan 17:25

Bha mê ndə̂ mo wâ djîrə̂, azü tchêbêche âtə wûn-âbo sə̂ zə̈ balë-a, praâbalë më wünsə̂ zə̈, ânyë adjisîpili ndə̂ mê wûnsə̂ nə̈ nə̂ pä momö kä ndə̂ âwân mê.

Abadjângele 19:18

Angbängbä azü lə̂ gbâtə̂ azü ndə̂ andjë zâ su andjê sə̈ Jezü nə̂, kə̈ nyîsə̂ ngbongbo rə ndə̂ andjë mbô rə̂ lə̂ la azü gbɛ̂.

Rômo 3:26

lo nə̈ lâme tche rʉ̈ätə̂ su yê ndə̂kə̂ sə bëte andjê. Angêta âtə, tche nyïsə̂ nə̈ pä tche wä djîrə̂ bëte tche nyïndə̂ kə̂ wa djîrə̂ kə̈ nyî ndjë ndə̂nə̈ pä azü ndə̂ andjë zâ su andjê sə̈ Jezü wa djîrə̂ lə̂ la yê.

Dokʉ̈ Körɛ̂nte 1:9

Ndjapä mbö rə gundə̂sə̂ pö ma yê, tchetchë ndə̂ tche ê nyê ndə̂kə̂ pa nyë wa balë la Modô ndə̂ yê Jezü Krîsiti, Gbölö Gbïɛ̈ ndə̂ azə̂.

Dokʉ̈ Körɛ̂nte 6:11

Angâ azü lə̂ gbâtə̂ nyê wä alême käko. Praâbalë Ndjapä kô pö lə̂ küma nyê nə̂, kə̈ kʉ̂ nyê ngbî ânyë nyë dâka gbɛ̂ bëte tchë, kə̈ mbô rə̂ pä nyë wa djîrə̂ lə̂ la yê la rə̈ Gbölö Gbïɛ̈ Jezü Krîsiti ndjë la Kpɨ̂ki Yingö ndə̂ azə̂.

Ëfêze 5:26

Ndə̂kə̂ pa Egilîze nə̈ wa ngbî kə̂ daka gbɛ̂, tche djutu rə̂ la ngû lə̂ köbosə̂ pö ndə̂ yê. Rə ndə̂ tche nyîndə̂ nə̈ kä lâme.

Dokʉ̈ Timotë 1:15

Pö ndə̂ mê to rə̂ âtə wä ndə̂kə̂ pa akrə za su yê pânə̈, kə̈ kʉ̂sə̂ nə̈ ndə̂kə̂ pa azü gbɛ̂ gamba rə̂, pö nə̈ wä kâkë: Jezü Krîsiti nə̈ atə̂ bêche âtə ndə̂kə̂ tcha earə̂ ngbongbo rə, ndə̂ mëmê, më wâtə̂ dokʉ̈ earə̂ ngbongbo rə nə̈.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 10:23

Äwäpä su azə̂ ndəpo pâ rə ndə̂ azə̈ krʉ̂ bëte rə̂ tchânə̂ Ndjapä, ndə̂ azə̈ mu pö ndə̂nə̈, bëte Ndjapä mbö rə gundə̂sə̂ bâlâ ndə̂ yê.

Aheborö 11:11

Lə̂ köbosə̂ kə̂ za su sə̈ Ndjapä, Sarä gbô rə lə̂ köbosə̂ nə̈ ndə̂ tche zɨ̂ bechë, ndə̂ ngû yê rô tə̂ gbölösə̂nə̈. Tche wünsə̂ nə̈ tə̂ lëge nə̈ pä âdə Ndjapä âza bâlâ tə̂ ngâ akrə, tche âbata pö ma yê.

Aheborö 6:10

Bëte Ndjapä wä djîrə̂: Käko kua ndə̂ nyë mbô rə̂, âdəndjë kə̂ nyində̂ ngâ ndə̂ nyë nyîsə̂ nə̈ tə̂ azü ndə̂ Krîsiti alême, ndjë la andjanə̈ ndə̂ tchô angêta, sə̂nə̈ yûâbo tə̂ yê-a.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Apökälîbïchi 15:3

Andjë pä düwü ndə̂ Möyîze earə̂ kua ndə̂ Ndjapä, la düwü ndə̂ Ngbavö Ɛ̈bro-ngbaga päkëdə̂: «Gbölö Gbïɛ̈ Ndjapä ndə̂ mo wâ la gbôgbô gbɛ̂, arə könô zə̈ gë tə̂ gbölösə̂nə̈, kə̈ dâka gbɛ̂! Gbïɛ̈ ndə̂ azü tchêpâ cho gbɛ̂, köbo kə̂ mbo rə ndə̂ zə̈ wä djîrə̂ kə̈ wâtə̂ lëge nə̈!