Dokʉ̈ Jâan 1:8 - Mbëtï Ndjapä: TÄFO MADƗ̈

⁸ Âdə azə̂ âto rə̂ pä ngbongbo rə wâbo lə̂ azə̂-a, dëkë azə̈ bölotə̂ azə̂ la tə̂ azə̂, lëge pö wâbo lə̂ azə̂-a.

Dokʉ̈ Jâan 1:8 Iomraidhean Croise

Jâan 8:44

Bha nyê də̈ Jâbolo, nyë nyïndə̂ kə̂ mbo arə gundə̂sə̂ arə ndə̂ su bha nyê nyîndə̂ nə̈. Tche də̈ earə̂ kə̂ won azü alême lə̂ kêsâ nə̈. Tche krʉ̂âbo balë lə̂ lëge pö-a, bëte lëge pö wâbo lə̂ yê-a. Âdə tche âmo yepa, tche tö pö la känyï ndə̂ yê la tə̂ yê, bëte tche də̈ earə̂ yepa, kə̈ wâ ndjë tə̂ bha yepa.

Rômo 3:10

Batə̂ rə̂ ndə̂ Mbëtï Ndjapä tô rə̂ päkëdə̂: «Ngâ akrə ndə̂ tche wâ djîrə̂ lə̂ la Ndjapä wâbo-a, balë wâbo ndjë-a.

Rômo 3:23

Azü gbɛ̂ mbô ngbongbo rə nə̂, andjë wâbo ndə̂kə̂ wun golowäre ndə̂ Ndjapä-a.

Dokʉ̈ Körɛ̂nte 3:18

Âwâbo pä akrə bolotə̂ yê la tə̂ yê-a. Âdə ngâ akrə lə̂ gbâtə̂ nyê âwun rə̂ pä küma anyê kä lanə̈ batə̂ azü ndə̂ tchêbêche âtə, äwäpä tche watə̂ earə̂ nyî ânyë kə̂ watə̂ djîrə̂ akrə ndə̂ küma yê wâ lanə̈.

Gälâte 6:3

Âdə ngâ akrə âwatə̂ mbämbä akrə, ânyë kə̈ wûntə̂ yê batə̂ gbölö akrə, dëkë tche bölotə̂ yê la tə̂ yê.

Dokʉ̈ Timotë 6:5

kə̂ gama lə̂ gbâtə̂ azü ndə̂ âkâbô kâ-ê. Kə̂ wunsə̂ rə ndə̂ andjê wâtə̂ ngôlê-ngölë nə̈. Lëge pö wâbo lə̂ andjê-a, bëte andjë wûntî pä kə̂ zatə̂ andjê gbɛ̂ sə̈ Ndjapä wätə̂ köbo ndə̂kə̂ gbo arə.

Bïchuû Timotë 3:13

Andə̂ angbongbo azü la andjanə̈ ndə̂ andjë bôlo angâ andjê, andjê eadje la ngbongbo rə ndə̂ andjê atə̂ tchâtchu nə̈. Andjê boloadje azü ânyë kə̂ bolo ndjë tə̂ andjê.

Jâke 1:22

Âwâbo pä nyë deka tü nyê kütû ndə̂kə̂ dje pö nə̈-a, ndə̂kə̂ bolotə̂ nyê la tə̂ nyê-a, praâbalë äwäpä nyë mbo rə gundə̂sə̂ pö ndə̂ nyë djê rə̂ lâme.

Jâke 1:26

Âdə ngâ akrə âto rə̂ pä anyë kä lakə̂ voga Ndjapä, ânyë kə̈ bâtabô ma yê bâta-ê, dëkë akrə lâme bölotə̂ yê la tə̂ yê, kə̂ voga Ndjapä ndə̂ yê nə̈ lâme wä kütû bhuu-ë.

Jâke 3:2

Bëte azə̈ gbɛ̂ mbö ngbongbo rə tə̂ gbölösə̂nə̈. Âdə ngâ akrə âtchabô ma yê tchâ lakə̂ to pö-ê, dëkë tche wätə̂ akrə ndə̂ tche dâka gbɛ̂, tche də̈ akrə ndə̂ tche kʉ̂sə̂ kə̂ bata tə̂ yê gbɛ̂.

Bïchuû Pîêre 2:13

A âmboadje andjê ngbo ngbâ ngbongbo rə ndə̂ andjë mbô rə̂. Andjë mbö arə ndə̂ ngbongbo gʉ su andjê la ngbɛ̂ngbɛ̂ lo, kə̂ wa la mômô lə̂ köbosə̂ nə̈. Kə̂ sə ndə̂ andjê lə̂ gbâtə̂ nyê wätə̂ rə ganô la rə ndə̂ âmbo rə̂ pä nyë te. Ndə̂ nyë âsə̈ zɨ kɨ̈zɨ̂ kpülü la andjê, andjë kä la mômô lə̂ köbosə̂ kə̂ bolo tchô ndə̂ andjê.

Dokʉ̈ Jâan 1:10

Âdə azə̂ âto rə̂ pä azə̈ mbôâbo ngbongbo rə, dëkë azə̈ mbö rə̂ pä Ndjapä watə̂ earə̂ yepa, pö ndə̂ yê wâbo lə̂ su azə̂-a.

Dokʉ̈ Jâan 1:6

Âdə azə̈ âto rə̂ pä azə̈ wä balë la tchë, ânyë gbô azə̂ ndə̂po lakə̂ nə lə̂ bübü tchô, dëkë azə̈ mô yepa nə̂. Azə̈ mbôâbo rə gundə̂sə̂ lëge pö-a.

Dokʉ̈ Jâan 2:4

Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.

Bïchuû Jâan 1:2

Më nyïndə̂ nyê, bëte lëge pö kä lə̂ azə̂, ânyë lëge pö nə̈ wadje lə̂ azə̂ tə̂ logbɛ̂.

Vötaâ Jâan 1:3

Më wä la mômô tə̂ su mê tə̂ gbölösə̂nə̈, bëte angâ arə̂mâ lə̂ Krîsiti nə̈, kə̈ tô pö ndə̂ lëge pö ndə̂ âwâ lə̂ zə̈, ndjë la köbosə̂ nə̈ ndə̂ mo sə̂ lə̂ lëge pö.