Dokʉ̈ Jâan 1:7 - Mbëtï Ndjapä: TÄFO MADƗ̈

⁷ Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.

Dokʉ̈ Jâan 1:7 Iomraidhean Croise

Matiyə̈ 6:12

amö ko pö lə̂ küma ârâ, batə̂ rə̂ ndə̂ ârâ ko ndjë pö lə̂ küma azü ndə̂ andjë mbo ngbongbo rə tə̂ ârâ.

Jâan 1:29

Ndə̂ tchô krâ pânə̈, Jâan wûn Jezü ndə̂ tche nə pu tchë, kə̈ tô rə̂ päkëdə̂: «Wunsa Ngbavö Ɛ̈bro-ngbaga ndə̂ Ndjapä ndə̂ tche ji angbongbo rə ndə̂ azü tchêbêche âtə.

Jâan 12:35

Jezü tô rə̂ ndə̂nə̈ sə̈ andjê päkëdə̂: «Gbô ngbänga kä lə̂ gbâtə̂ nyê ndə̂ kpîɛ̂kpîɛ̂ lö. Äwäpä nyë nə ndə̂sə̂ nə̈, ndə̂ gbô rə̂ wâ ndrotə̂ nyê lâme, ndə̂kə̂ pa bübü tchô troabô nyê trô-ê. Bëte akrə ndə̂ tche nə lə̂ bübü tchô, tche wûn-âbo sə̂ tchô ndə̂ tche e tâ-a.

Jâan 5:4

Bëte ngâ ânje ndə̂ Gbölö Gbïɛ̈ jrë tə̂ngâlo lə̂ ngû nə̈ ndə̂kə̂ mbo rə̂ pä ngû nə̈ tro. Dokʉ̈ earə̂ tə̂kömbô nə̈ ndə̂ tche jre lə̂ ngû nə̈ pânə̈ ndə̂ âtrô lâme, tə̂kömbô ndə̂ yê nə̈ âmbo tchë atöko, tche tcha-ê.]

Rômo 13:12

Tchô bü alême gasa-ë, tchô ndô tə̂kə̂ kra nə̂. Käko azə̈ gbötə̂ köbo kə̂ mbo ngbongbo rə ndə̂ tchə̂lə̂ bütchî. Azə̈ kʉ̈ arə kʉ̈ʉ̈ ndə̂ a mbo rə̂ la kua la tchêdalo.

Dokʉ̈ Körɛ̂nte 6:11

Angâ azü lə̂ gbâtə̂ nyê wä alême käko. Praâbalë Ndjapä kô pö lə̂ küma nyê nə̂, kə̈ kʉ̂ nyê ngbî ânyë nyë dâka gbɛ̂ bëte tchë, kə̈ mbô rə̂ pä nyë wa djîrə̂ lə̂ la yê la rə̈ Gbölö Gbïɛ̈ Jezü Krîsiti ndjë la Kpɨ̂ki Yingö ndə̂ azə̂.

Ëfêze 1:7

Lə̂ köbosə̂ nə̈ ndə̂ azə̈ wâ balë la Krîsiti, a jï azə̂ lə̂ ngbongbo rə lə̂ köbosə̂ jï yê, kə̈ kô pö lə̂ küma azə̂, lə̂ köbosə̂ tchôtchô rə ndə̂ tchôtchô su yê.

Ëfêze 5:8

Dokʉ̈tchê alême, nyë sə̈ lə̂ bübü nə̈. Praâbalë angaâtə, nyë kä lə̂ ngbänga lə̂ köbosə̂ nə̈ ndə̂ nyë wâ balë la Gbölö Gbïɛ̈. Nyë mbö rə batə̂ azü ndə̂ andjë sə̂ lə̂ ngbänga.

Dokʉ̈ Timotë 6:16

Tchetchë balë kä ndə̂ âwâbô wâ ndə̂kə̂ tchu-î, ndə̂ tche sə̂ lə̂ ngbänga, ndə̂ ngâ akrə ndə̂kə̂ ndo la sə̂nə̈ sə̂âbo-a. Ngâ akrə balë ndə̂ tche wûn Ndjapä sə̂âbo-a, ânyë ngâ akrə balë ndə̂ tche kʉ̂sə̂ kə̂ wun tchë sə̂âbo-a. Kə̂ lusə̂tə̂ la gbôgbô wätə̂ andə̂ ye nə̈ tə̂ logbɛ̂ logbɛ̂! Amin.

Tîte 2:14

Tche zätə̂ yê la tə̂ yê sə̈ kuzü bëte azə̂, ndə̂kə̂ ji azə̂ lə̂ angbongbo rə gbɛ̂, kə̂ djutu azə̂ ânyë azə̈ gro ndə̂kə̂ watə̂ azü ndə̂ yê. Ndə̂kə̂ pa azə̈ watə̂ azü ndə̂ tchə̂lə̂ su andjê sɨ̂sɨ̈ la gʉ ndə̂kə̂ mbo atchôtchô kua.

Aheborö 9:14

Âdə rə nə̈ âwa käko, jï Krîsiti âwa la gbôgbô tə̂ gbölösə̂nə̈ ndə̂kə̂ mbo kua kə̂ ro adɨ̂ arə lâme gbɛ̂! Lə̂ köbosə̂ Kpɨ̂ki Yingö ndə̂ âwâ logbɛ̂ logbɛ̂, Krîsiti zâtə̂ yê batə̂ ngela ndə̂ âdâka gbɛ̂. Jï yê djutuadje kə̂ rɨ tchə̂lə̂ su azə̂ ndə̂ âwâ la kâkpö ânyë kə̂ ka la azə̂ pu kuzü lâme. Käko azə̂ mboadje rə̂ la Ndjapä ndə̂ tche wâ la tʉ̈rʉ̂ la yê.

Jâke 1:17

Arə gbɛ̂ ndə̂ sə̂nə̈ lû, la akʉbala ndə̂ âdâka gbɛ̂ tö bhâ lafô, bhândə̂ Ndjapä, ndə̂ tche mbô arə ndə̂ âwâ la ngbänga yê tâ. Tche djêâbo tchə̂lə̂ tə̂ yê-a, kə̈ wâbo la tchâkrʉzrö yê tâ ndə̂ âtro-a.

Dokʉ̈ Pîêre 1:19

Praâbalë tche jï nyê lə̂ köbosə̂ jï Krîsiti ndə̂ âwâ la gbölö ngîrî. Krîsiti wä batə̂ ngbavö ɛ̈bro-ngbaga ndə̂ ngâ tchâme-tə̂ yê balë ndɨ̂âbô ndɨ̂-î, ânyë ngâ ngbongbo rə balë wâbo ndjë tə̂ yê-a.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Dokʉ̈ Jâan 1:5

Pö ndə̂ ârâ djê rə̂ lə̂ ma Jezü Krîsiti ânyë kə̈ nyîndə̂ kə̂ to tchêngbâ nə̈ sə̈ nyê wä kâkë: Ndjapä wätə̂ ngbänga, ngâ bübü tchô balë wâbo lə̂ yê-a.

Dokʉ̈ Jâan 5:6

Jezü Krîsiti nə̈ pu azə̂ lə̂ köbosə̂ ngû ndə̂ batɛ̂me ndə̂ yê, ndjë la jï kuzü yê. Tche nə̂âbo kütû lə̂ köbosə̂ ngû-a, praâbalë tche nə̈ lə̂ köbosə̂ ngû la jï, ânyë Kpɨ̂ki Yingö tô pö ndə̂nə̈ pä äwätə̂ lëge nə̈, bëte Yingö wätə̂ lëge pö.

Dokʉ̈ Jâan 5:8

Kpɨ̂ki Yingö la ngû la jï. Andjê vötaâ lâme, pö ndə̂ andjê wä balë.

Bïchuû Jâan 1:4

Më kä la mômô tə̂ su mê tə̂ gbölösə̂nə̈ ndə̂ më wûn rə̂ pä, angâ abechë ndə̂ zə̈ kä lakə̂ sə lə̂ lëge pö, batə̂ rə̂ ndə̂ Bha azə̂ zâma tə̂ pö ndə̂nə̈ sə̈ azə̂.

Vötaâ Jâan 1:4

Ndə̂ më djê pö ndə̂ abechë ndə̂ mê ndə̂ andjë sə̂ lə̂ lëge pö, mômô ndə̂ më wâ la rə̂ rö adɨ̂ amômô gbɛ̂.

Apökälîbïchi 1:5

Äfü pä Jezü Krîsiti kʉ arə lâme sə̈ nyê, tchetchë ndə̂ tche to tchêngbâ apö djîrə̂, tche wätə̂ dokʉ̈ Modô, kə̈ wâtə̂ dokʉ̈ akrə ndə̂ tche jô lə̂ gûtə̂ akuzü. Tche wätə̂ makündji ndə̂ agbïɛ̈ ndə̂ tchêbêche! Krîsiti nyïndə̂ azə̂, ânyë kə̈ jî azə̂ lə̂ ngbongbo rə ndə̂ azə̂ lə̂ köbosə̂ jï yê,

Apökälîbïchi 12:11

Praâbalë arə̂mâ ndə̂ azə̂ röpâ yê lə̂ köbosə̂ jï Ngbavö Ɛ̈bro-ngbaga, ndjë lə̂ köbosə̂ pö ndə̂ andjë wûnsə̂ nə̈ ânyë kə̈ mû rə̂, andjë wûn tchîsûwu ndə̂ andjê tə̂ mbämbä rə, kə̈ wâ tchêtchêtchê ndə̂kə̂ tchu.

Apökälîbïchi 7:14

Më tô rə̂ ndə̂nə̈ sə̈ tchë päkëdə̂: «Gbölö Gbïɛ̈ ndə̂ mê, mo wûnsə̂ nə̈ nə̂ gbɛ̂.» Tche tô rə̂ sə̈ mê päkëdə̂: «Andjë də̈ azü ndə̂ andjê tô lə̂ agbôgbô arə ndə̂ a mbô rə̂ tə̂ andjê. Andjë djûtu ngrɨ̈ngrɨ̈ lə̂ba ndə̂ andjê lə̂ jï Ngbavö Ɛ̈bro-ngbaga nə̂, ânyë lə̂ba nə̈ grô lâme.