Dokʉ̈ Jâan 1:6 - Mbëtï Ndjapä: TÄFO MADƗ̈

⁶ Âdə azə̈ âto rə̂ pä azə̈ wä balë la tchë, ânyë gbô azə̂ ndə̂po lakə̂ nə lə̂ bübü tchô, dëkë azə̈ mô yepa nə̂. Azə̈ mbôâbo rə gundə̂sə̂ lëge pö-a.

Dokʉ̈ Jâan 1:6 Iomraidhean Croise

Matiyə̈ 7:22

Angbängbä azü toadje rə̂ sə̈ mê tə̂ lo nə̈ lâme päkëdə̂: ‹Gbölö Gbïɛ̈, Gbölö Gbïɛ̈, ârâ tö ndə̂ma Ndjapä la rə̈ zə̈, kə̈ grô angbongbo atchozö la rə̈ zə̈, kə̈ mbô angbängbä akpɨ̈ngbɨ̈ rə la rə̈ zə̈.›

Jâan 11:10

Praâbalë âdə ngâ akrə ânə lə̂ bütchî, tchê gʉteadje da yê bëte ngbänga tchô wâbo lə̂ yê-a.»

Jâan 12:35

Jezü tô rə̂ ndə̂nə̈ sə̈ andjê päkëdə̂: «Gbô ngbänga kä lə̂ gbâtə̂ nyê ndə̂ kpîɛ̂kpîɛ̂ lö. Äwäpä nyë nə ndə̂sə̂ nə̈, ndə̂ gbô rə̂ wâ ndrotə̂ nyê lâme, ndə̂kə̂ pa bübü tchô troabô nyê trô-ê. Bëte akrə ndə̂ tche nə lə̂ bübü tchô, tche wûn-âbo sə̂ tchô ndə̂ tche e tâ-a.

Jâan 12:46

Më wätə̂ ngbänga, më nə̈ atə̂ bêche ndə̂kə̂ pa akrə ndə̂ tche zâ su yê sə̈ mê, səabô sə̂ lə̂ bübü tchô-ê.

Jâan 8:12

Jezü kâ tô rə̂ sə̈ kpûlû azü lâme päkëdə̂: «Më wätə̂ ngbänga ndə̂ tchêbêche âtə. Akrə ndə̂ tche zâ tchêngbâ mê, tchê nə bata lə̂ bübü tchô balë tee-a, praâbalë tchê gboadje ngbänga ndə̂ âza tchîsûwu sə̈ tchë.»

Jâan 8:55

Nyë wûn-âbo sə̂ yê-a, mëmê kä ndə̂ âwûnsə̂ yê. Âdə mê âto rə̂ pä më wûn-âbo sə̂ yê-a, dëkë mê wadje tə̂ earə̂ yepa batə̂ nyê. Praâbalë më wûnsə̂ yê nə̂, ânyë kə̈ bâta pö ndə̂ yê.

Dokʉ̈ Timotë 4:2

Azü nə̈ lâme tchadje köbo sə̂nə̈ ngbâ azü ndə̂kə̂ mbo rə ndə̂ andjê wâ ngbî tə̂ pö ma andjê, ndə̂ andjë wâtə̂ a-earə̂ yepa. Kə̂ rɨ tchə̂lə̂ su andjê wä batə̂ wɛ̂n ndə̂ a zâ rə̂ lə̂ wo ânyë âdrô gboo.

Jâke 2:14

Arə̂mä ndə̂ mê, âdə ngâ akrə âto rə̂ päkëdə̂: «Anyë zâ su anyê sə̈ Krîsiti nə̂», ânyë kə̈ nyîâbô sə̂nə̈ nyî lə̂ kua nə̈-ê, kə̂ za su yê sə̈ Krîsiti nə̈ lâme âmboadje ngâ rə tə̂ yê? Kə̂ za su yê sə̈ Krîsiti nə̈ lâme tchadje tchë lə̂ kuzü?

Jâke 2:16

ânyë ngâ akrə lə̂ gbâtə̂ nyê tô rə̂ sə̈ tchë päkëdə̂: «Amö gu la zɨtɨ su, kə̂ sə ndro wo tə̂ zə̈ wo, mo zɨ kɨ̈zɨ̂ tchə̂lə̂ zə̈ sɨ», ânyë rə ndə̂ âwâ ndə̂kə̂ mbo dâkâ tə̂ yê âme, nyë zâbô rə̂ zâ sə̈ tchë-ê, kə̂ mbotə̂ rə käko lâme âmbotə̂ nyê atöko?

Jâke 2:18

Praâbalë ngâ akrə toadje rə̂ päkëdə̂: «Mo zâ su zə̈ sə̈ Krîsiti nə̂, mëmê ndjë gbɛ̂, më kä lakə̂ mbo kua nə̈». Mê toadje rə̂ ndə̂nə̈ päkëdə̂: «Amö nyisə̂ kə̂ za su zə̈ sə̈ Krîsiti ndə̂ âwâbô wâ la kua nə̈ lâme sə̈ mê, ânyë mëmê ndə̂ me nə̈, mê ânyisə̂ kua ndə̂ mê lə̂ köbosə̂ su mê ndə̂ më zâ rə̂ sə̈ Krîsiti lâme.»

Dokʉ̈ Jâan 1:10

Âdə azə̂ âto rə̂ pä azə̈ mbôâbo ngbongbo rə, dëkë azə̈ mbö rə̂ pä Ndjapä watə̂ earə̂ yepa, pö ndə̂ yê wâbo lə̂ su azə̂-a.

Dokʉ̈ Jâan 1:3

Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Dokʉ̈ Jâan 1:8

Âdə azə̂ âto rə̂ pä ngbongbo rə wâbo lə̂ azə̂-a, dëkë azə̈ bölotə̂ azə̂ la tə̂ azə̂, lëge pö wâbo lə̂ azə̂-a.

Dokʉ̈ Jâan 2:4

Âdə ngâ akrə âto rə̂ päkëdə̂: «Më wûnsə̂ Ndjapä nə̂», ânyë kə̈ mbôâbô rə mbô gundə̂sə̂ andïɛ̈ ndə̂ yê-ê, dëkë tche wätə̂ earə̂ yepa. Lëge pö wâbo lə̂ yê-a.

Dokʉ̈ Jâan 4:20

Âdə ngâ akrə âto rə̂ päkëdə̂: «Më nyïndə̂ Ndjapä», ânyë kə̈ kôsə̂ ngâ yê, dëkë tche də̈ earə̂ yepa. Bëte âdə ngâ yê ndə̂ tche wun tchë, ânyë kə̂ nyîâbô nyîndə̂ yê, tche wâbo ndə̂kə̂ nyində̂ Ndjapä ndə̂ tche wûn-âbô tchë wûn lâme-a.