Dokʉ̈ Jâan 1:5 - Mbëtï Ndjapä: TÄFO MADƗ̈

⁵ Pö ndə̂ ârâ djê rə̂ lə̂ ma Jezü Krîsiti ânyë kə̈ nyîndə̂ kə̂ to tchêngbâ nə̈ sə̈ nyê wä kâkë: Ndjapä wätə̂ ngbänga, ngâ bübü tchô balë wâbo lə̂ yê-a.

Dokʉ̈ Jâan 1:5 Iomraidhean Croise

Jâan 1:19

Pö pâ Jâan wä kâkë: Agbölö azü gö ndə̂ ajuîfu ndə̂ Jerûzalêmo wän a-earə̂ kə̂ wa ngela sə̈ Ndjapä la angâ azü pâ mawo ndə̂ Levï sə̈ tchë ndə̂kə̂ yu tchë päkëdə̂: «Mo də̈ tchabâ?»

Jâan 1:4

Tchîsûwu kä lə̂ yê, tchîsûwu nə̈ lâme wätə̂ ngbänga ndə̂ âta bëte azü.

Jâan 1:9

Pö nə̈ wä alême tə̂ lëge ngbänga, ndə̂ ânə̂ atə̂ bêche ndə̂kə̂ ta pâ azü gbɛ̂.

Jâan 8:12

Jezü kâ tô rə̂ sə̈ kpûlû azü lâme päkëdə̂: «Më wätə̂ ngbänga ndə̂ tchêbêche âtə. Akrə ndə̂ tche zâ tchêngbâ mê, tchê nə bata lə̂ bübü tchô balë tee-a, praâbalë tchê gboadje ngbänga ndə̂ âza tchîsûwu sə̈ tchë.»

Jâan 9:5

Ndə̂ gbô mê ndə̂po bêche âtə, më wätə̂ ngbänga ndə̂ tchêbêche âtə.»

Dokʉ̈ Körɛ̂nte 11:23

Käko pö ndə̂ më gbô rə̂ tchânə̂ Gbölö Gbïɛ̈ ânyë kə̂ to rə̂ sə̈ nyê kä âtə: Lə̂ bütchî ndə̂ a yôsə̂ Gbölö Gbïɛ̈ Jezü, tche zâ mâpa,

Dokʉ̈ Timotë 6:16

Tchetchë balë kä ndə̂ âwâbô wâ ndə̂kə̂ tchu-î, ndə̂ tche sə̂ lə̂ ngbänga, ndə̂ ngâ akrə ndə̂kə̂ ndo la sə̂nə̈ sə̂âbo-a. Ngâ akrə balë ndə̂ tche wûn Ndjapä sə̂âbo-a, ânyë ngâ akrə balë ndə̂ tche kʉ̂sə̂ kə̂ wun tchë sə̂âbo-a. Kə̂ lusə̂tə̂ la gbôgbô wätə̂ andə̂ ye nə̈ tə̂ logbɛ̂ logbɛ̂! Amin.

Jâke 1:17

Arə gbɛ̂ ndə̂ sə̂nə̈ lû, la akʉbala ndə̂ âdâka gbɛ̂ tö bhâ lafô, bhândə̂ Ndjapä, ndə̂ tche mbô arə ndə̂ âwâ la ngbänga yê tâ. Tche djêâbo tchə̂lə̂ tə̂ yê-a, kə̈ wâbo la tchâkrʉzrö yê tâ ndə̂ âtro-a.

Dokʉ̈ Jâan 3:11

Pö ndə̂ nyë djê rə̂ alême lə̂ kêsâ nə̈ kä âtə: Äwäpä azə̈ nyində̂ angâ azə̂ lə̂ gbâtə̂ azə̂.

Apökälîbïchi 21:23

Gö nə̈ krʉ̂âbo bëte lo âdəndjë nyîpï ndə̂kə̂ ta lə̂nə̈-a, bëte golowäre ndə̂ Ndjapä kä ndə̂ âtcho lə̂nə̈, ânyë Ngbavö Ɛ̈bro-ngbaga kä ndə̂ âdə̂ lâmba nə̈.

Apökälîbïchi 22:5

Tchô kä buabô tee-a, andjê kä krʉabô bëte ngbänga lâmba âdəndjë ngbänga lo tee-a, bëte Gbölö Gbïɛ̈ Ndjapä mboadje rə̂ pä ngbänga yê tcho pâ andjê, ânyë kə̂ mboadje kümändëmä tə̂ logbɛ̂ logbɛ̂.