Dokʉ̈ Jâan 1:3 - Mbëtï Ndjapä: TÄFO MADƗ̈

³ Rə ndə̂ ârâ wûn rə̂, ânyë kə̈ djê rə̂, ârâ mü rə̂ sə̈ nyê ndə̂kə̂ pa nyënyê ndjë gbɛ̂, su nyê wa balë la andə̂ ârâ. Käko azə̂ gbɛ̂ wa la su balë la Bha azə̂ Ndjapä ndjë la Modô ndə̂ yê Jezü Krîsiti.

Dokʉ̈ Jâan 1:3 Iomraidhean Croise

Jâan 17:11

Më kä sə̂âbo bêche âtə-a, bëte mê âgu atə̂ndə̂ zə̈, praâbalë andə̂ andjë nə̈, gbô andjê kä bêche âtə. Bha mê ndə̂ mo dâka gbɛ̂, amö bata andjê lə̂ köbosə̂ gbôgbô ndə̂ rə̈ zə̈ ndə̂ mo zâ rə̂ sə̈ mê lâme, ndə̂kə̂ pa andjë wa balë batə̂ rə̂ ndə̂ më wâ balë la mö.

Jâan 17:21

Më tö pö sə̈ mö ndə̂kə̂ pa andjë wa balë. Bha mê, mo kä balë la mê, më wâ ndjë balë la mö. Äwäpä andjë wa balë la azə̂, ndə̂kə̂ pa azü tchêbêche gamba rə̂ pä momö kä ndə̂ âwân mê.

Jâan 17:25

Bha mê ndə̂ mo wâ djîrə̂, azü tchêbêche âtə wûn-âbo sə̂ zə̈ balë-a, praâbalë më wünsə̂ zə̈, ânyë adjisîpili ndə̂ mê wûnsə̂ nə̈ nə̂ pä momö kä ndə̂ âwân mê.

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Jâan 19:35

Akrə ndə̂ tche wûn rə nə̈ la lala yê, tchetchë kä ndə̂ ânyîsə̂ tchêngbâ pö nə̈, pö ndə̂ tche tô rə̂ wätə̂ lëge pö, tche wûnsə̂ nə̈ nə̂ pä ânyë tö lëge pö. Käko ânyë nyënyê ndjë gbɛ̂, nyê za su nyê sə̈ Jezü.

Abadjângele 13:32

Ârâ ndjë gbɛ̂, ârâ mü Tchôtchô Pö lâme sə̈ nyê ndə̂ Ndjapä zâ bâlâ tə̂ pö ndə̂nə̈ sə̈ araâta azə̂.

Abadjângele 13:41

‹Nyënyê ndə̂ azü ndə̂ nyë wûn pö Ndjapä batə̂ ngbongbo rə, nyë wün rə̂! Andjë mbö wa ânyë kə̈ kpê etə̂! Tə̂ lëge nə̈, sə̂nə̈ ndə̂ gbô andjê wâ la tʉ̈rʉ̂ la andjê, mê mboadje ngâ rə, rə nə̈ lâme, âdə akrə âto tchêngbâ pö ndə̂nə̈ sə̈ nyê, nyê gambabô rə̂ balë tee-a.›»

Abadjângele 2:42

Andjë zätə̂ andjê gbɛ̂ ndə̂kə̂ dje abadjângele lakə̂ nyisə̂ rə ndə̂ andjê logbɛ̂. Andjë mända rə, kə̂ sə balë, kə̂ zɨ rə balë, kə̂ to pö sə̈ Ndjapä.

Abadjângele 20:27

Tə̂ lëge nə̈, arə ndə̂ Ndjapä nyikrə rə̂ dokʉ̈tchê, më nyîsə̂ nə̈ nə̂ gbɛ̂ sə̈ nyê, kə̈ vûâbo sə̂ ngâ rə balë-a.

Abadjângele 4:20

Andə̂ ârâ, rə ndə̂ ârâ wûn rə̂ ânyë kə̈ djê rə̂ âtə, ârâ wâbo ndə̂kə̂ ngbo ma ârâ pânə̈-a.»

Rômo 15:27

Tə̂ lëge nə̈, andjendjê la tə̂ andjê kä ndə̂ ânyîkrə rə̂ tə̂ su andjê käko-ë, rə ndə̂ âwâ pä andjë mbo rə̂ kä, bëte azü ndə̂ Ndjapä ndə̂ andjë wâtə̂ ajuîfu krʉ̈ tchə̂lə̂ rə ndə̂ Yingö ndə̂ andjê la azü ndə̂ andjë wâbô wâtə̂ ajuîfu, käko äwä ndjë ndə̂kə̂ pa azü ndə̂ andjë wâbô wâtə̂ ajuîfu kʉ arə sə̈ ajuîfu ndə̂ andjë sə̂ lə̂ nyonyo.

Dokʉ̈ Körɛ̂nte 1:30

Praâbalë tchetchë kä ndə̂ âmbô rə̂ pä nyë wa balë la Jezü Krîsiti, ânyë Jezü Krîsiti nə̈ wätə̂ küma azə̂ ndə̂ âwâ lanə̈, ndə̂ âtô bhândə̂ Ndjapä. Lə̂ köbosə̂ Krîsiti, Ndjapä mbö rə̂ pä azə̈ watə̂ adjîrə̂ azü, kə̂ watə̂ azü ndə̂ tche dɨ̂ andjê bëte tchë, ânyë kə̈ jî azə̂ tchâtchâ ngbongbo rə.

Dokʉ̈ Körɛ̂nte 1:9

Ndjapä mbö rə gundə̂sə̂ pö ma yê, tchetchë ndə̂ tche ê nyê ndə̂kə̂ pa nyë wa balë la Modô ndə̂ yê Jezü Krîsiti, Gbölö Gbïɛ̈ ndə̂ azə̂.

Dokʉ̈ Körɛ̂nte 15:1

Arə̂mä, më nyïndə̂ kə̂ kä kra tü nyê pâ Tchôtchô Pö ndə̂ më mû rə̂ sə̈ nyê alême, ndə̂ nyë gbô rə̂ ânyë gbô su nyê wâ pânə̈ lâme.

Ëfêze 3:6

Pö lə̂ küwû nə̈ wä kâkë: Lə̂ köbosə̂ Tchôtchô Pö, azü ndə̂ andjë wâbô wâtə̂ ajuîfu wä ndjë ndə̂kə̂ gbo tchôtchô rə ndə̂ Ndjapä nyîkrə rə̂ bëte azü ndə̂ yê lâme lə̂ köbo nə̈ balë la ajuîfu. Andjë wä lə̂ tə̂ balë, kə̈ wâ ndjë tə̂ azü ndə̂ Ndjapä zâ bâlâ tə̂ andjê lə̂ köbosə̂ nə̈ ndə̂ andjë wâ balë la Jezü Krîsiti.

Fïlîpe 1:7

Äwä lə̂ köbo nə̈ ndə̂kə̂ pa su mê wa pâ nyê. Pö ndə̂ nyê zä su mê tə̂ gbölösə̂nə̈, bëte nyë gbö ndjë atchôtchô arə ndə̂ Ndjapä kʉ̂ rə̂ sə̈ mê lə̂ köbosə̂ tchôtchô su yê. Ndə̂ më sə̂ angêta lə̂ nda kânga, âdəndjë rə̂ ndə̂ më sə̂âbô sə̂ lə̂ nda kânga, më kïtə̂ köbo la gbôgbô tə̂ azü ndə̂ andjë nyîâbô nyîndə̂ nə̈ pä a mu Tchôtchô Pö ndə̂ mê sə lakə̂ mu rə̂ la gbôgbô.

Fïlîpe 2:1

Ndə̂ nyë wâ balë la Krîsiti, ämbö rə̂ pä nyë kpokpo tə̂ nyê. Lə̂ köbosə̂ kə̂ nyində̂ ngâ, ämbö rə̂ pä su nyê wa la gbôgbô, nyê wa balë la Yingö ndə̂ Ndjapä, nyë kä lakə̂ nyïndə̂ angâ nyê lə̂ gbâtə̂ nyê, ndjë lakə̂ wun nyonyo azü.

Fïlîpe 3:10

Rə ndə̂ më nyîndə̂ nə̈ wä ndə̂kə̂ wunsə̂ Krîsiti, tchetchë la gbôgbô ndə̂ âjô tchë lə̂ kuzü, kə̂ wun yûkü la tchë ânyë kə̂ wa batə̂ tchë lə̂ kuzü ndə̂ yê.

Kölôse 1:13

Ndjapä jï azə̂ tchâtchâ gbôgbô ndə̂ makündji ndə̂ tchə̂lə̂ bütchî kə̈ kʉ̂ azə̂ bhâlə̂ Gbölö gö-gbïɛ̈ ndə̂ Modô ndə̂ yê ndə̂ tche nyîndə̂ yê tə̂ gbölösə̂nə̈.

Dokʉ̈ Tësälönîke 1:10

Nyë krʉ̈ ndə̂kə̂ pa Modô ndə̂ yê to bhâ lafô kə̂ ka, Jezü ndə̂ Ndjapä jô tchë lə̂ kuzü, tchetchë kä ndə̂ âji azə̂ tchâtchâ mêrâ ndə̂ Ndjapä ndə̂ ânə.

Dokʉ̈ Timotë 6:2

Angbâa ndə̂ a-earə̂ andjê wâtə̂ azü ndə̂ Krîsiti, andjë wätə̂ arə̂mâ ndə̂ andjê lə̂ Krîsiti. Âdə̂âbo anə̈ lâme kä ndə̂ âkitə̂ köbo tə̂ andjê ndə̂kə̂ lusə̂ a-earə̂ andjê nə̈-a, praâbalë äwäpä angbâa nə̈ ka mbô kua ndə̂ a-earə̂ andjê nə̈ âro anə̈ dokʉ̈tchê, bëte a-earə̂ andjê nə̈, ndə̂ andjë gbo rə ngbâ kua ndə̂ angbâa lâme, andjë wâ nə̂ tə̂ azü ndə̂ Krîsiti, kə̈ wâtə̂ arə̂mâ ndə̂ andjê, ânyë Ndjapä nyïndə̂ andjê tə̂ gbölösə̂nə̈. Rə ndə̂ âwâ pä mo nyisə̂ nə̈, kə̂ zama tə̂ pö ndə̂nə̈ kä âtə:

Aheborö 2:12

Bëte tche tö rə̂ päkëdə̂: «Mê muadje pö ndə̂ zə̈ sə̈ arə̂mä ndə̂ mê, ânyë kə̂ vogadje mö lə̂ kpûlû azü ndə̂ zə̈.»

Aheborö 3:1

Arə̂mâ ndə̂ mê, nyë wätə̂ azü ndə̂ Ndjapä ê nyê ndə̂kə̂ watə̂ azü ndə̂ yê, käko äwäpä nyë lusə̂ Jezü, tchanə̈ ndə̂ Ndjapä wân tchë ndə̂kə̂ watə̂ gbölö earə̂ kə̂ wa ngela ndə̂ su azə̂ ndə̂ azə̈ zâ rə̂ sə̈ tchë, ânyë kə̂ mu pö ndə̂nə̈.

Aheborö 3:14

Angaâtə, azə̈ la Krîsiti kä lakə̂ mbo kua balë, ndə̂ gbô azə̂ sə̂ lakə̂ za su azə̂ tâ la gbôgbô zoo âwutu ëtə̂ manə̈ batə̂ rə̂ ndə̂ azə̈ zâ su azə̂ tâ lə̂ dokʉ̈ nə̈.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Bïchuû Pîêre 1:16

Tə̂ lëge nə̈, âwâbo lə̂ köbosə̂ ndə̂ma tro, la apö ndə̂kə̂ rɨ̈ tchə̂lə̂ küma azü kä ndə̂ ârâ nyîsə̂ kə̂ ka ndə̂ Gbölö Gbïɛ̈ ndə̂ azə̂ Jezü Krîsiti la gbôgbô-a, praâbalë ârâ wün kə̂ wa gbölö ndə̂ yê la lala ârâ.

Dokʉ̈ Jâan 1:1

Rə ndə̂ âwâ tâ alême lə̂ kêsâ nə̈, ârâ djë rə̂, kə̈ wûn rə̂ la lala ârâ, kə̈ chêko rə̂, kə̈ grʉ̂ rə̂ la könô ârâ: Rə nə̈ də̈ Pö ndə̂ âza tchîsûwu sə̈ azü.

Dokʉ̈ Jâan 1:5

Pö ndə̂ ârâ djê rə̂ lə̂ ma Jezü Krîsiti ânyë kə̈ nyîndə̂ kə̂ to tchêngbâ nə̈ sə̈ nyê wä kâkë: Ndjapä wätə̂ ngbänga, ngâ bübü tchô balë wâbo lə̂ yê-a.

Dokʉ̈ Jâan 1:7

Praâbalë âdə azə̂ ânə lə̂ ngbänga, batə̂ rə̂ ndə̂ Ndjapä la tə̂ yê wâ lə̂ ngbänga, dëkë azə̈ wâ nə̂ balë la angâ azə̂, ânyë jï Jezü Modô ndə̂ yê djutu angbongbo rə ndə̂ azə̂ gbɛ̂.