Dokʉ̈ Jâan 1:2 - Mbëtï Ndjapä: TÄFO MADƗ̈

² Tchîsûwu nə̈ lâme mätə̂ yê kraâ ësûwu, ânyë ârâ wûn rə̂. Ârâ tö pö ndə̂ rə ndə̂ ârâ wûnsə̂ nə̈ pânə̈. Bëte rə̂ kä ndə̂ ârâ mû pö ndə̂ tchîsûwu ndə̂ logbɛ̂ logbɛ̂ sə̈ nyê, ndə̂ âwâ gasa alême ndrotə̂ Bha, ânyë kə̈ mâtə̂ yê sə̈ ârâ.

Dokʉ̈ Jâan 1:2 Iomraidhean Croise

Jâan 1:18

Ngâ akrə balë wûn-âbo Ndjapä nə̂-a. Praâbalë kütû gbokôngô Modô nə̈, ndə̂ tche wâtə̂ Ndjapä ânyë kə̈ sə̂ bhâ ndrotə̂ Bha, tchetchë balë kä ndə̂ ânyîsə̂ Ndjapä sə̈ azü ânyë andjë wûnsə̂ yê.

Jâan 1:4

Tchîsûwu kä lə̂ yê, tchîsûwu nə̈ lâme wätə̂ ngbänga ndə̂ âta bëte azü.

Jâan 10:28

Më zä tchîsûwu ndə̂ logbɛ̂ logbɛ̂ sə̈ andjê, andjê tchuabô balë tee-a, ânyë ngâ akrə balë krʉabô andjê tchânə̂ mê tee-a.

Jâan 14:6

Jezü tô rə̂ sə̈ tchë päkëdə̂: «Më wätə̂ köbo nə̈ la lëge pö la tchîsûwu. Ngâ akrə balë wâbo ndə̂kə̂ e pu Bha mê lə̂ ngâ köbo ngbî-a, kütû lə̂ köbosə̂ mê.

Jâan 15:27

Nyënyê ndjë gbɛ̂, nyê toadje pö ndə̂ nyë wûnsə̂ nə̈ pâ mê, bëte sə̂nə̈ ndə̂ më jêtə̂ kua ndə̂ mê alême, nyë kä tâ.»

Jâan 16:28

Më tö bhândə̂ Bha mê ânyë kə̈ nə̂ atə̂ bêche. Angaâtə, mê âgbo pâ cho âtə ndə̂kə̂ dotə̂ mê pu Bha mê.»

Jâan 17:3

Dëkë tchîsûwu ndə̂ logbɛ̂ logbɛ̂ nə̈ wä ndə̂kə̂ pa azü wunsə̂ zə̈, momö ndə̂ mo wâtə̂ lëge Ndjapä balë, ndjë la Jezü Krîsiti tchanə̈ ndə̂ mo wân tchë.

Jâan 17:5

Angaâtə, Bha mê, amö lusə̂ mê bhâ ndrotə̂ zə̈, batə̂ golowäre ndə̂ më wâ la rə̂ alême bhâ ndrotə̂ zə̈, dokʉ̈tchê ndə̂kə̂ pa a mbo tchîsûwu.

Jâan 19:35

Akrə ndə̂ tche wûn rə nə̈ la lala yê, tchetchë kä ndə̂ ânyîsə̂ tchêngbâ pö nə̈, pö ndə̂ tche tô rə̂ wätə̂ lëge pö, tche wûnsə̂ nə̈ nə̂ pä ânyë tö lëge pö. Käko ânyë nyënyê ndjë gbɛ̂, nyê za su nyê sə̈ Jezü.

Jâan 21:14

Sûsunə̈ vötaâ ndə̂kə̂ pa Jezü matə̂ yê tə̂ adjisîpili ndə̂ yê, pânə̈ ndə̂ tche jô lə̂ kuzü kä lâme.

Jâan 3:13

Ngâ akrə balë kêngabô atə̂ lafô nə̂-a, kütû Modô ndə̂ Akrə kä ndə̂ âtô bhâ lafô ânyë kə̈ jrê atə̂ bêche.

Jâan 7:29

Më wûnsə̂ yê nə̂, bëte më tö bhândə̂ yê, tchetchë kä ndə̂ âwân mê.»

Jâan 8:38

Më to pö ndə̂ arə ndə̂ më wûn rə̂ bhândə̂ Bha mê. Praâbalë nyënyê ndjë gbɛ̂, äwäpä nyë mbo rə gundə̂sə̂ apö ndə̂ nyë djê rə̂ dəndə̂ Bha mê!»

Abadjângele 1:22

ätö tə̂ batɛ̂me ndə̂ Jâan ndjoa tə̂ lo nə̈ ndə̂ a kênga la tchë atə̂ lafô. Äwäpä ngâ akrə balë lə̂ gbâtə̂ andjê sə ëtə̂ kʉ̂tê azə̂ ndə̂kə̂ pa azə̈ la tchë to pö ndə̂ arə ndə̂ azə̈ wûnsə̂ nə̈ pâ kə̂ jo ndə̂ Jezü lə̂ kuzü sə̈ azü.»

Abadjângele 10:41

Tche mâbo tə̂ yê tə̂ azü gbɛ̂-a, praâbalë tche mätə̂ yê tə̂ ârâ ndə̂ Ndjapä ê ârâ dokʉ̈tchê ndə̂kə̂ pa ârâ sə sə̂ arə ndə̂ tche mbô rə̂. Ârâ ndə̂ ârâ zɨ̂ rə, kə̈ ndjô rə la tchë la tchêngbâ nə̈ ndə̂ tche jô lə̂ kuzü.

Abadjângele 2:32

«Jezü lâme, Ndjapä jö tchë lə̂ kuzü, azə̂ gbɛ̂ wûn rə̂ la la azə̂ nə̂.

Abadjângele 3:15

Nyë wön makündji ndə̂ tche za tchîsûwu sə̈ akrə, praâbalë Ndjapä jô tchë lə̂ kuzü, azə̈ wûn rə̂ la la azə̂ nə̂ gbɛ̂.

Abadjângele 5:32

Ârâ tö pö ndə̂ arə ndə̂ ârâ wûnsə̂ nə̈ pâ arə ndə̂ âwûtu lâme, ârâ la Kpɨ̂ki Yingö ndə̂ Ndjapä zâ tchë sə̈ azü ndə̂ andjë mbo rə gundə̂sə̂ pö ma yê.»

Rômo 8:3

Ndïɛ̈ ndə̂ Möyîze wâbo ndə̂kə̂ mbo rə̂ alême-a, bëte gbôgbô ndə̂ azü wâbô wâ la rə̂ kä ndə̂ âkîtə̂ köbo tə̂ ndïɛ̈ ndə̂kə̂ mbo rə̂. Rə ndə̂ ndïɛ̈ wâbô wâ ndə̂kə̂ mbo rə̂, Ndjapä mbö rə̂: Tche mbö rə̂ käko kə̈ wân Modô ndə̂ yê la tə̂ yê ânyë tche zâ tə̂ akrə ndə̂ âwâ batə̂ tə̂ a-earə̂ ngbongbo rə. Tche jï azə̂ tchâtchâ ngbongbo rə. Käko Ndjapä wä ngbanga pâ ngbongbo rə ndə̂ âmbo rə lə̂ tə̂ azü.

Gälâte 4:4

Praâbalë lo nə̈ ndə̂ Ndjapä dɨ̂ rə̂ âsə̈ wutu, Ndjapä wân Modô ndə̂ yê. Ɛ̈chë kä ndə̂ âzɨ̂ tchë, ânyë tche sə̂ tchâtchâ ndïɛ̈,

Dokʉ̈ Timotë 3:16

Ɛn-ɛn, pö ndə̂ âwâ lə̂ küwû nə̈ pâ kə̂ zatə̂ andjê gbɛ̂ sə̈ Ndjapä, ndə̂ a wûtu la pö ndə̂nə̈ wä gbölö, ngâ akrə ndə̂kə̂ kosə̂ nə̈ sə̂âbo-a. Pö nə̈ wä kâkë: Krîsiti mätə̂ yê lə̂ tə̂ akrə, Kpɨ̂ki Yingö tô pö ndə̂ yê pä tche wä djîrə̂, aânje chêko tchë, a mu pö ndə̂ yê sə̈ azü ndə̂ andjë wâbô wâtə̂ ajuîfu, angbängbä azü pâ cho zä su andjê sə̈ tchë, Ndjapä kênga tchë lə̂ golowäre ndə̂ yê.

Bïchuû Timotë 1:10

Angaâtə, tchôtchô su nə̈ nyïsə̂ tə̂ yê lə̂ köbosə̂ kə̂ nə ndə̂ Jezü Krîsiti, Earə̂ kə̂ tcha azə̂. Tchetchë kä ndə̂ ândɨ̂ kuzü, ânyë kə̈ mbô rə̂ pä azü wa la tchîsûwu, kə̂ tchuabô tchû-î. Tchë mbö arə lâme lə̂ köbosə̂ Tchôtchô Pö.

Tîte 1:2

ndə̂kə̂ pa su andjê wa pâ tchîsûwu ndə̂ logbɛ̂ logbɛ̂, ndə̂ Ndjapä zâ bâlâ nə̈ alême, dokʉ̈tchê ndə̂kə̂ pa tche mbo arə gbɛ̂. Ndjapä ndə̂ tche tô pö lâme, tche môâbo yepa-a.

Dokʉ̈ Pîêre 5:1

Më tö pö âtə ndə̂kə̂ za gbôgbô tə̂ su akpôkpô azü ndə̂ Egilîze ndə̂ andjë sə̂ lə̂ gbâtə̂ nyê. Mëmê ndjë gbɛ̂ më də̈ kpôkpô akrə batə̂ nyê. Yûkü ndə̂ Krîsiti wûn rə̂ alême, më wûn rə̂ la lala mê nə̂. Käko mê səadje lə̂kə̂ wa gbölö ndə̂ âwutuadje lâme.

Dokʉ̈ Jâan 1:1

Rə ndə̂ âwâ tâ alême lə̂ kêsâ nə̈, ârâ djë rə̂, kə̈ wûn rə̂ la lala ârâ, kə̈ chêko rə̂, kə̈ grʉ̂ rə̂ la könô ârâ: Rə nə̈ də̈ Pö ndə̂ âza tchîsûwu sə̈ azü.

Dokʉ̈ Jâan 2:25

Bâlâ ndə̂ Krîsiti za rə̂ tə̂ azə̂ də̈ tchîsûwu ndə̂ logbɛ̂ logbɛ̂.

Dokʉ̈ Jâan 3:5

Nyë wûnsə̂ nə̈ nə̂ pä Jezü Krîsiti nə̈ ndə̂kə̂ ji angbongbo rə, ânyë ngbongbo rə wâbo lə̂ yê-a.

Dokʉ̈ Jâan 3:8

Akrə ndə̂ tche mbô ngbongbo rə, dëkë tche wätə̂ tchandə̂ Jâbolo. Bëte Jâbolo jëtə̂ kə̂ mbo ngbongbo rə gasa alême lə̂ kêsâ nə̈. Ndə̂ Modô ndə̂ Ndjapä nə̂ lâme, tche nə̈ ndə̂kə̂ ndɨ tchə̂lə̂ kua ndə̂ Jâbolo.

Dokʉ̈ Jâan 4:14

Ârâ wün rə̂, kə̈ tô pö ndə̂nə̈ pä Bha wän Modô ndə̂ yê ndə̂kə̂ pa tche watə̂ Earə̂ kə̂ tcha azü tchêbêche âtə.

Dokʉ̈ Jâan 4:2

Köbo ndə̂ nyê wunsə̂ Yingö ndə̂ Ndjapä lâme wä kâkë: Akrə ndə̂ tche wûnsə̂ nə̈ pä Jezü Krîsiti mbötə̂ yê tə̂ lëge nə̈ tə̂ akrə, tche kä la Yingö ndə̂ Ndjapä.

Dokʉ̈ Jâan 5:11

Pö ndə̂ Ndjapä tô rə̂ lâme wä kâkë: Ndjapä zä tchîsûwu ndə̂ logbɛ̂ logbɛ̂ sə̈ azə̂, tchîsûwu nə̈ lâme, azə̈ gbö rə̂ lə̂ köbosə̂ Modô ndə̂ yê.

Dokʉ̈ Jâan 5:13

Më mbö mbëtï âtə sə̈ nyê ndə̂kə̂ pa nyë wunsə̂ nə̈ pä nyë kä la tchîsûwu ndə̂ logbɛ̂ logbɛ̂, nyënyê ndə̂ nyë gâmba rə̈ Modô ndə̂ Ndjapä.

Dokʉ̈ Jâan 5:20

Azə̈ wûnsə̂ nə̈ nə̂ pä Modô ndə̂ Ndjapä nə̈, kə̈ zâ kə̂ wunsə̂ rə sə̈ azə̂ ndə̂kə̂ wunsə̂ lëge Ndjapä. Azə̈ wä balë la lëge Ndjapä lə̂ köbosə̂ Modô ndə̂ yê Jezü Krîsiti. Tchetchë kä ndə̂ âwâtə̂ lëge Ndjapä, kə̈ wâtə̂ tchîsûwu ndə̂ logbɛ̂ logbɛ̂.