Dokʉ̈ Jâan 1:1 - Mbëtï Ndjapä: TÄFO MADƗ̈

¹ Rə ndə̂ âwâ tâ alême lə̂ kêsâ nə̈, ârâ djë rə̂, kə̈ wûn rə̂ la lala ârâ, kə̈ chêko rə̂, kə̈ grʉ̂ rə̂ la könô ârâ: Rə nə̈ də̈ Pö ndə̂ âza tchîsûwu sə̈ azü.

Dokʉ̈ Jâan 1:1 Iomraidhean Croise

Lûke 1:2

Andjë tö tchêngbâ apö nə̈ sə̈ ârâ tiî batə̂ rə̂ ndə̂ azü ndə̂ andjë wûn rə̂ la lala andjê lə̂ kêsâ nə̈ ânyë kə̈ tô rə̂. Andjendjê kä ndə̂ âwâtə̂ azü ndə̂ a zâ rə̂ sə̈ andjê ndə̂kə̂ nyisə̂ pö Ndjapä.

Lûke 24:39

Nyë wünsa tchânə̂ mê la ada mê. Mëmê kä tə̂ lëge nə̈! Nyë grʉ̈ kpoto mê kə̈ wûn rə̂, ngâ tchozö wâbo la mbë yê tâ âdəndjë gbäbï batə̂ andə̂ me nə̈ âtə-a.»

Jâan 19:35

Akrə ndə̂ tche wûn rə nə̈ la lala yê, tchetchë kä ndə̂ ânyîsə̂ tchêngbâ pö nə̈, pö ndə̂ tche tô rə̂ wätə̂ lëge pö, tche wûnsə̂ nə̈ nə̂ pä ânyë tö lëge pö. Käko ânyë nyënyê ndjë gbɛ̂, nyê za su nyê sə̈ Jezü.

Jâan 20:27

Pânə̈ tche tô rə̂ sə̈ Tomä päkëdə̂: «Amö yi küma ɛ̈ könô zə̈ tchâtə, kə̈ wûn tchânə̂ mê, amö yi könô zə̈ lə̂ krabadja mê. Amö gbotə̂ kə̂ kosə̂ pö-ê, praâbalë amö gamba rə̂!»

Jâan 5:26

Käko batə̂ rə̂ ndə̂ Bha wâ la tchîsûwu lə̂ yê la tə̂ yê, käko ndjë tche zä köbo sə̈ Modô nə̈ ndə̂kə̂ wa la tchîsûwu lə̂ yê la tə̂ yê.

Jâan 8:58

Jezü tô rə̂ sə̈ andjê päkëdə̂: «Ɛn-ɛn, tə̂ lëge nə̈ më tö rə̂ sə̈ nyê: Dokʉ̈tchê ndə̂kə̂ pa a zɨ Abrahâmo, ‹Më kä tâ›.»

Abadjângele 1:3

La tchêngbâ kuzü yê, tche mätə̂ yê alême sə̈ andjê lə̂ aköbo ngbî ngbî, ânyë kə̈ nyîsə̂ nə̈ sə̈ andjê pä anyë kä la tʉ̈rʉ̂ la anyê. Lə̂ alö tə̂ azü bïchuû, tche mâtə̂ yê tə̂ andjê, ânyë kə̈ sə̂ lakə̂ to pö pâ Gbölö gö-gbïɛ̈ ndə̂ Ndjapä sə̈ andjê.

Abadjângele 4:20

Andə̂ ârâ, rə ndə̂ ârâ wûn rə̂ ânyë kə̈ djê rə̂ âtə, ârâ wâbo ndə̂kə̂ ngbo ma ârâ pânə̈-a.»

Aheborö 2:3

Käko azəzə̂ la tə̂ azə̂, atöko kä ndə̂ azə̈ kpe tə̂ ngbanga lâme, ndə̂ azə̈ wûn kə̂ tcha lə̂ kuzü batə̂ mbämbä rə lâme? Gbölö Gbïɛ̈ la tə̂ yê kä ndə̂ âjêtə̂ kə̂ mu pö ndə̂nə̈ alême dokʉ̈tchê. Pânə̈ andjanə̈ ndə̂ andjë djê pö ndə̂ tchîsûwu ndə̂ logbɛ̂ logbɛ̂ lâme, andjë tö rə̂ sə̈ ârâ pä pö nə̈ wätə̂ lëge nə̈.

Dokʉ̈ Jâan 4:14

Ârâ wün rə̂, kə̈ tô pö ndə̂nə̈ pä Bha wän Modô ndə̂ yê ndə̂kə̂ pa tche watə̂ Earə̂ kə̂ tcha azü tchêbêche âtə.

Dokʉ̈ Jâan 5:7

Andjë kä vötaâ ndə̂ andjë tô pö ndə̂nə̈, andjë də̈:

Apökälîbïchi 1:11

Tchə̂lə̂ gɨ̈ ôn nə̈ tö rə̂ päkëdə̂: «Rə ndə̂ mo wun rə̂ âtə, amö mbo rə̂ lə̂ mbëtï, kə̈ wân rə̂ sə̈ a-Egilîze mïndûu manə̈ bïchuû batə̂: Egilîze ndə̂ Ëfêze la Sïmîrine la andə̂ Pêregâme la andə̂ Tïyätîre la andə̂ Sârede la andə̂ Filadelefï la andə̂ Laodisë.»

Apökälîbïchi 1:8

Gbölö Gbïɛ̈ Ndjapä tö rə̂ päkëdə̂: «Më wä dokʉ̈tchê tə̂ arə gbɛ̂», kə̈ wâtə̂ adɨ̂ arə gbɛ̂. Më kä tâ, kə̈ wâ alême tâ, mê nəadje. Më wä la gbôgbô gbɛ̂.

Apökälîbïchi 19:13

Tche yü ngâ gbölö lə̂ba ndə̂ jï zâ kʉ̂tê nə̈ gbɛ̂. Rə̈ yê wü päkëdə̂: «Pö Ndjapä.»

Apökälîbïchi 2:8

«Amö mbo mbëtï kə̈ wân rə̂ sə̈ ânje ndə̂ Egilîze ndə̂ Sïmîrine, kə̂ to rə̂ lə̂nə̈ päkëdə̂: «Tchanə̈ ndə̂ tche wâ dokʉ̈tchê tə̂ arə gbɛ̂ ânyë kə̈ wätə̂ kə̂ ka ndə̂ arə gbɛ̂, ndə̂ tche tchû alême ânyë kə̈ kâ wâ la tʉ̈rʉ̂ la yê lâme, tche tö rə̂ päkëdə̂: