Ŋgàn 7:7 - ŊWÀʼ NYÙY

⁷ e yèn wánlè nsùm wùmòʼ, a dzə̀ə́ njìʼ e kiŋkàŋ ké wàʼbìn, a bó vifií ví yóʼ ne tìím, a bó wù yòʼ sí kiiy jeéyjeéy fó vinyò.

Ŋgàn 7:7 Iomraidhean Croise

Ŋwàʼ Jov 24:15

Wìr wo wù li vikǐy wíri kù shiy kfə́ a dzə̀ meraaràŋ, shiyì, sévti ji yíi yen la mo, sévti bèy, litì sí.

Nsùyrì Nyùy 119:130

À sánri jí sé, a sí fó rán, wáy vifií áànjìʼí vitu.

Nsùyrì Nyùy 19:7

Yéʼéy Nyùy Tàrí dzə̀ e juujùŋ feyì, yí fíyir kiyoy ke wìr. Kinyo ke Nyùy Tàr foon kí kù tíy fo, yii, a wír vee fó tèri kér vifií.

Ŋgàn 1:22

Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Ŋgàn 1:32

Anjìʼi tén fóo yu ntir, á lì a dzə̀ yév yee kpú. A viyúŋ ví səŋ wún, bo ví yúyri a dzə̀ vitú vév.

Ŋgàn 1:4

Ŋgàn sìn si yíi a yeʼéy anjìʼ, aá wáa ker vifií, a mvə̀ʼtì vifií vé wàʼbìn, aá wáa kiíy mó a tàr vinyo, a shoʼ ke juŋ ki.

Ŋgàn 10:13

Á kiiy fií bìʼ kisúŋnìn. À yav lám, ŋgwàne toòmé wò.

Ŋgàn 12:11

Wìr shev súm və́ kijuŋ, wù kùʼ é viyikìr, lóo jùmrì vinyo ve vinjeenjèm, bo wù dzə̀ kfə́ kiyúŋ.

Ŋgàn 14:15

Njìʼ biíme kfə́ kinyo kidzə̀m biímén, a fiì yii kinyo, sə́ʼəmè.

Ŋgàn 14:18

Kitsə́ʼ ké anjìʼ ki dzə̀ kiyúŋsì kév, a vilaámé vé fiì ví kù dzə̀ kiíy.

Ŋgàn 19:2

Kí yoʼ bòŋ ji wìr wáa ker shilív, a buŋ vifií. Wìr girì, wù tò é kinyò ke bi kí.

Ŋgàn 19:25

Á dzəv ŋgaà jàʼ, anjìʼi yèʼéy vinyo fo fo, naarì wír wo wù kiiy jeéyjeéy fó vinyò, wù keèrí vifií.

Ŋgàn 22:3

Wìr fiirì, wù bàʼàr kileémé, kiyúŋ kí nə̀ə́ shó nəə́n, a yen ŋgeʼ.

Ŋgàn 24:30

Mò‑oò shaà e njoó ghaa súm vitiír vé *vayin. Kù dzə̀ féyì súm wìr woo là vifií.

Ŋgàn 27:12

Wìr fiirì, yén kinyo ke bi kí, wù bàʼàr, njìʼ nə̀ə́ kfə́ shó nəə́n, a yen ŋgeʼ.

Ŋgàn 5:1

Wan wòm, sə́ʼə́m, e yuùrí ntir sém sí. Fó vituʼùr ví, é m tír wò moo fií,

Ŋgàn 6:20

Wan wòm, kú a lèm nsər se tàr won sí, e làa yòʼ a ŋway yéʼéy yè won ŋwáyín.

Ŋgàn 6:32

Wìr wo wù li wiiy wìr yòʼ kér vifií, wù yii bèy, a wù kfə́r a dzə̀ kitú kfə́,

Ŋgàn 8:5

Wòn vem, vee anjìʼ, vèn yéʼéy, a ker vifií ví. Ven vee viyúŋ, vèn kfə́n áàtòŋ.

Ŋgàn 9:16

«Vèn ku wìy e mǒ lav.» Wù yén woo là vifií, wù yòŋ shó jii:

Ŋgàn 9:4

wìr woo njìʼ e dzə̀m kú a wìy a e wun lav. Á ku sùúy aàlàvìfií adzə̀me ji vifií ví suuy a jii:

Jeremia 4:22

Wír vémé dzə̀ viyúŋ, aá yòʼ kì mo. Áwune dzə̀ vinjìŋ ve won, aá yòʼ kì vinyo. Áwune dzə̀ anjàn yiì ye bií, aá dzə̀ anjìʼ yiì ye juŋe.

Matio 15:16

Jesus dzə́r shó jii, «Vifií vén ví kù dzə̀ə́ vitsə́m moo vé wìr vee shooy à?