Ŋgàn 7:3 - ŊWÀʼ NYÙY

³ e kfə̀n lì ji kifá ke à waʼrì ghárí, a mèrìr, é yì wáa lùm e wò shiliv ghán sidzə̀m.

Ŋgàn 7:3 Iomraidhean Croise

Ŋgàn 3:3

Lá à yòʼ a yàr fó a way wíri e wò wùn, a leéy fo áwune ghán sidzə̀m. Lèm vinyo vìn vi e wò vifií, e wày e wò wùn moo vifá ve sùsù.

Ŋgàn 4:21

Lá à yòʼ màʼày jí sém. Ku lèm, a yen fo sí fəə́ fo wò kitu,

Ŋgàn 6:21

Wáy vinyo vìn vi é wùn moo vifá ve sùsù, e lèm, é ví wáa dzə e wò kwàʼtì ghán sidzə̀m.

Ŋgàn 7:4

Ghár vifií ve ví tiimen ne vi moo jemèr yè bèy, a suusín vèn à kiíyi moo ŋkar yè tìm,

Aysaya 30:8

Nyùy Tàr wáa suúy e mò woo Aysaya jii, «Ké lèn ki, dù, e yèn wír vìyi, e sàŋ vinyo ve m yooyin ví é kiwàŋ ke tiy, aáwune yéné. Sáŋ sá e vàv ŋwàʼ ye dzə̀ á kaàrí. Ku sàŋ, e lèm, é kí wáa dzə fo ji kisəəm ke kí gòʼòn kàŋ mòʼón.»

Aysaya 59:21

Nyùy Tàr kfə́n a kàʼ aáwune jii, «Fo kém kí, m wíy gwàr *mensaŋ vèsən jii, Kiyoy kém ke kí dzəə̀n e věn meliv kí kù wíy a dzə vèn áwune, e dù, e jòʼsì, é vèn kú a ruvtí jí sém se m yeʼeyin ven shó. Wón véné yòʼ wíy a yàr fó a ruvtí, à wón won véné shó. Á yòʼ wíy a yàr fó a rə̀tì sho, e kèʼ fo lèn, e dù, e jòʼsì.»

Jeremia 17:1

Nyùy Tàr kú a suúy jii, «Ven vee Juda, ajay véné sì ji nóliì won. Dzə̀ moo ji á toòŋé ne e věn meliv, ye bó yòʼ dzə̀ á sə̀ʼsí, e kfə̀n toòŋé e věn kor se kiy cù, kù mo wìr toòŋé kifá e tiy ye tavíné, kìn wù bùʼ e kimbùʼ ke kishà ki.

Jeremia 31:33

«Yii bèy, a mensaŋ me m wíy gwàr vèr à wír veé Isray, a me mvə mè seéy ne mè dzə̀ jii, m wíy way nsər sém aáwuné vifii, e saŋ aáwuné meliv. M wíy a dzə Nyùy wov, aáwune wáa dzə wír vém. Suuy mo woo Nyùy Tàr.

2 Korin 3:3

yén kiránén ji vèn dzə̀ ŋwàʼ, a sàŋ á Jesus Kristu, e bóo tum ver shó. A kí dzə̀ jii, wù‑uù fò ven Kiyoy ke wun woo Nyùy wo wù dzəə̀n e tin, kí wáa saŋ vinyo və́ e věn meliv. A bó ŋwàʼ və̀ne yòʼ dzə̀ moo wo á saŋen é kiwàŋ ke tiy, aá yoŋ yòŋèn, e bó a yu. Kù dzə̀ liì wo vèn yii, a wìr dzə̀m yéné.