Ŋgàn 5:12 - ŊWÀʼ NYÙY

¹² a ghay wún é kinyò ke kí‑iì yiìn, é bo à tén ntir, e tèn à naarìi shó.

Ŋgàn 5:12 Iomraidhean Croise

Kèʼlo 19:9

Áwune bìnèr jii, «Kíŋrí fó dzəə, é vèr shaa. Jwè və̀n, wò‑oò wìy fen, aà dzə̀ kiŋgwìy, à dzə̀ ké la, e bó a dìn kinyo ke a dzə̀ vèr yiì. Kóʼtí fó dzəə, fo vèr nyavri e wò, e shaà mo a kì dzə̀ vèr nyàvrì aáwune.» Á ku nèn a ghiʼ Lot bèy, a tàʼ, e kiv shúu lav.

2 Wòŋ 25:16

Kú a dzə, a ŋgaà ntum Nyùy dzəə́ súŋninè, Fòn Amatsiya nèn shèr jí rə jii, «Lèm la wò ji ŋgaà ntir fòn? Sə́tí shuu wóo, bo wò‑óò kpú.» Ŋgaà ntum Nyùy nèn sə̀sín, e bóo lò, e suúy jii, «M yèn ne ji Nyùy wày ne ji wun kù‑úù laar wò. À kì yiì ne jay, m lóo fo ntir lèn, à tén yú.»

2 Wòŋ 36:16

Nyùy Tàr‑iì tsə́nsi aŋgàa ntum və́ bey, a wír veé Judàa shéʼ áwune shéʼén, keŋ kèŋèn, nèn ŋwáy jí se wun woo Nyùy. Kù bey, e dù, e meé mo dòʼshwiiy Nyùy Tàr‑iì ŋaʼayin, e kìʼ áwune vee wír və́, a kifá ke dzə̀ kí sə̀r wun ki yòʼ dzə̀.

Nsùyrì Nyùy 50:17

Vèn ban fo á sər ven fo věn liì kisaŋ, tén fóo yiì kinyo ke m suuyin.

Nsùyrì Nyùy 73:22

mò‑oò dzə̀ kiyúŋ, méŋ dzə́ə sé meŋén, guutì wò e njà nyàm kwaʼ.

Ŋgàn 1:22

Ven vee anjìʼ, vèn wíy jìʼ bèn, e dù meé e le? Ven ve á jaʼ wíri, vèn wíy jàʼ, e dù, e meé e le? Ven vee viyúŋ, vèn wíy keerí vifií é ghàn ka?

Ŋgàn 1:25

a vèn kù ŋwáy ntir sém ŋwayín, tén naarì ye m naarì ven,

Ŋgàn 1:7

Wìr lóo ghvəm Nyùy Tàr, bo wù sí yiì a kiíy vinyo. Yii bèy, kiyúŋ kí ŋwáy kfə́ ntir, tén fó a jùmrì vifií.

Ŋgàn 10:17

Wìr yuúri ntir, wù bònen shìíy, ŋwáyí, wù bìn é dzəə ye bi.

Ŋgàn 12:1

Wìr wo wù koŋ ntir, sí koŋ kiíy, a wìr wo wù ban naarì dzə̀ kiyúŋ.

Ŋgàn 13:18

Wìr ŋwáy ntir, wù tò é kitàn, a woomé, wìr yú ntir, á wàa ghvəm wun.

Ŋgàn 15:5

Kiyúŋ kí kù yii ŋwáy ntir tàr wov ŋwáyín, yii bèy, a wìr wo wù yú ntir dzə̀ fií.

Ŋgàn 5:11

À yií lo, a yàsí réŋér ne wò, áà wáa sòv kitú, a dìy,

Ŋgàn 6:23

Nsər se tàr won sí dzə̀ kikaʼày ké, ntir yè won, rán ye yí kaʼày wuú yé, a naarì ye á naarì, kfə̀n sər wòo fó wò dzəʼə̀m.

Ŋgàn 8:36

Yii bèy, wìr tén fóo tàʼ mo, bo wù kfə́r a dzə̀ kitú kfə́. Wìr wo wù ban mo kù taʼ a dzə̀ kpú.

Jeremia 44:4

Vé‑eè yii bèy, a m kù rə́si tsə́nsi vé lìm vém vee aŋgàa ntum adzə̀m fo áwuné wùn, kán wún jii, ‹Éè mò, la vèn dzə́ə a yiì vinyo ve joònè ve vèn yii, a ví bír mo vin.›