Ŋgàn 3:3 - ŊWÀʼ NYÙY

³ Lá à yòʼ a yàr fó a way wíri e wò wùn, a leéy fo áwune ghán sidzə̀m. Lèm vinyo vìn vi e wò vifií, e wày e wò wùn moo vifá ve sùsù.

Ŋgàn 3:3 Iomraidhean Croise

2 Samuel 15:20

Vèn kù‑uu wiy fen, a dzə̀ é yooné yooné. A dzə̀ m biìmé ji vèn á ghan, a jan janén vèsən, a bó m yòʼ kì fo m du à? Lì wír vée, é vèn áwune wáa kfən e bàm. Nyùy Tàr kú a sham ven, a dìn ven koŋ rə́ ye ruú.»

Nsùyrì Nyùy 119:11

M mèrìr ne jí sé, sí wáa lùm e mǒ shiliv, a kìm mo fo m jáy kinyo wòsò.

Nsùyrì Nyùy 25:10

Ntò se vinyò se Nyùy Tàr foon sidzə̀m si dìn koŋ ye wù koŋ wír və́, tíy wùn áwune, a kù dzə̀ wír ve á lem *mensaŋ mvə, yii mo vinyo ve wù foon ví dzəə̀n.

Nsùyrì Nyùy 85:10

é vinyo ve Nyùy wùn à wír və́ ví nèn shèmsín, shémsinè, é wù wáa kòŋ áwune, aá wáa tiy e wun wùn. Á kù wíy a yiì vinyo ve ru ví, é wù wáa fo áwune nyaáŋ.

Ŋwàʼ Fəə 13:9

Ŋkàʼ və́ne wíy a dzə kisəəm fo vèn moo kifá ke wìr səəyin é koy, kìn ke wù kurin é yírvishi, é kí wáa kuumé ven kinyo ke Nyùy‑iì yiìn, é vèn fíʼ a remrí ntir se Nyùy Tàr, wun woo Nyùy Tàr wo wù‑uù fəərin ven fó Ejiv e vitaáví və́ ve wiy ví.

Ŋwàʼ Fəə 34:6

Nyùy Tàr shaà e Mooser mbìy, e yòŋ jii, «Mo woo Yahweh, mo woo Yahweh, Nyùy wo wù rə́r mendzən me wíri, shám áwune, a bó m yòʼ táv shwiiy kilòŋ. M din koŋ yém ye wiyí e wíri, kfə̀n yii kinyo ke m kàʼàn áwune shó.

Ŋgàn 1:9

Yéʼéy yéví dzə̀ moo tán ye yí boŋèr kitú ké, a dzə moo shàŋ wo wù boŋèr kilòŋ ké.

Ŋgàn 14:22

À lóo ba ntaŋ wo bi, bo à fəə̀ ne fo ŋwàn. Aà báʼti a dzə̀ kinyo ke juŋ ki, bo dzə̀ mo á wíy a kòŋ wò, a sham.

Ŋgàn 16:6

A wìr koŋ Nyùy Tàr, tíy e suuyrú, Nyùy Tàr wàa kòŋ wun. Wìr wáa ghvəm wun, ŋgaàŋ wàa bàʼàr yii ye bií.

Ŋgàn 20:28

A fòn rə́r mendzən, suuy suuyrú, bo kí yíi dàrìr sáʼ rə́. Wù wáa ker wíri kijuŋ, bo sáʼ rəə́ wíy dù, e jòʼsì.

Ŋgàn 6:21

Wáy vinyo vìn vi é wùn moo vifá ve sùsù, e lèm, é ví wáa dzə e wò kwàʼtì ghán sidzə̀m.

Ŋgàn 7:3

e kfə̀n lì ji kifá ke à waʼrì ghárí, a mèrìr, é yì wáa lùm e wò shiliv ghán sidzə̀m.

Jeremia 17:1

Nyùy Tàr kú a suúy jii, «Ven vee Juda, ajay véné sì ji nóliì won. Dzə̀ moo ji á toòŋé ne e věn meliv, ye bó yòʼ dzə̀ á sə̀ʼsí, e kfə̀n toòŋé e věn kor se kiy cù, kù mo wìr toòŋé kifá e tiy ye tavíné, kìn wù bùʼ e kimbùʼ ke kishà ki.

Hosea 4:1

Éè wìr veé Isray, vèn yuúrí kinyo ke Nyùy Tàr yoŋ e vèn kí. Kí dzə̀ jii, Nyùy Tàr kér nsaʼ wùn à wír veé wòŋàne, suuy jii, «Suuyrú wùn à kikoŋnìn ki mày ne fo nsay fèn, a bó wìr yòʼ kfə̀n gwarìr kinyo kee kùm Nyùy.

Malakay 2:6

Ntir se sí‑iì fəə́ fo áwuné shuù si‑iì dzə̀ sé ru sí, a kinyo kee kintéŋ ki yòʼ‑oò fəə́ fo áwuné shuù. Vé‑eè yúnin mo, ghán e mǒ mbòv ji nyaáŋ nyaáŋ, shilív shimòʼón. Á bèy, á ku nèn a bìnèr wír anín fo áwuné ajay.

Matio 23:23

«Yìiy, wír ve á duŋrì nsər Nyùy wùn à wír Farasi, abìnbìnteʼnsə́m, ŋgeʼ dzə̀ yéen. Vèn lo, á lì mefarìn me á kéŋ, náŋsin nyóo shó, e kfə̀n ŋèvtì kirə́ʼ e ghvə̀m, e bóo fo kee kimòʼón ji ké Nyùy. Vèn yii bèy, nèn maʼày kinyo ke kí tíy e shií e Nyùy nsər ji á wáa yiì. A kí dzə̀ jii, bó vèn yòʼ yii kinyo kee réŋ e wìr, a bó yòʼ dzə̀ vèn shàm wír gheéy, a bó vèn yòʼ wáy sa shilív a dzə̀ e Nyùy wùn. Á vinyo vìn ve kì dzə̀ vèn wàa yiì, e bó a yiì sa menyorìn mèy.

2 Korin 3:3

yén kiránén ji vèn dzə̀ ŋwàʼ, a sàŋ á Jesus Kristu, e bóo tum ver shó. A kí dzə̀ jii, wù‑uù fò ven Kiyoy ke wun woo Nyùy wo wù dzəə̀n e tin, kí wáa saŋ vinyo və́ e věn meliv. A bó ŋwàʼ və̀ne yòʼ dzə̀ moo wo á saŋen é kiwàŋ ke tiy, aá yoŋ yòŋèn, e bó a yu. Kù dzə̀ liì wo vèn yii, a wìr dzə̀m yéné.

Efesor 5:9

A kí dzə̀ jii, vèn lóo ghan e mvə̀m ran ye Nyùy fó e vèn rən, é vèn nèn a yiì a dzə̀ vinyo ve ru ví ve ví wáa dzə kijuŋ, là kiloʼ.

Remrí 6:8

Vèn sáŋ, e sə̀ŋrí e koy ji kisəəm, e kfə̀n kùr e věn yírvishi, e fíʼ a kuumé.

Hibru 10:16

«Ghán sé mensàŋ me mvə mè si wíy shaà, é mensaŋ me m gwar vèr à wír veé Isray mè wáa dzə jii, m wíy way nsər sém aáwuné meliv, e kfə̀n way aáwuné vifii.»