Ŋgàn 26:5 - ŊWÀʼ NYÙY

⁵ Ku kòrìr kiyúŋ kí kórisin, fo wù wáa yen kitú kfə́ ji fií.

Ŋgàn 26:5 Iomraidhean Croise

Ŋgàn 26:12

A sì ji wìr wáa yen kitú kfə́ ji fií, a bó wù yòʼ kì kifá, bo bòŋ kiyúŋ kee kiyúŋ.

Ŋgàn 26:4

Kiyúŋ kí maʼ lám, lá à yòʼ bìnèr, fóo yiì kfən moo wun.

Ŋgàn 26:6

Aà tùm kiyúŋ, bo ntum yè nò ndzəʼ.

Ŋgàn 28:11

Ŋgaà mbàm kù yii yén kitú kfə́ ji fií, a ŋgaà kitàn wo wù kiiy jeéyjeéy fo vinyò yíi toʼ kinyè kfə́.

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Aysaya 5:21

Lòné dzə̀ wó wìr ve á kwaʼ ji á fìír, wír, aá kù yén a dzə̀ vitú vév ji afií.

Joon 8:7

Á ku nèn a tiy fo, a soòsì. Wù yiì lò, e nàn kitú, e bìnèr jii, «Vèn li ri, a yuyrí e tíyí, é ku yòʼ tòmbìy tsə̀m wír wo bó wù yòʼ‑oò yiì ne yiì kinyo ke bi kí.»

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

Ŋwàʼ woó Rom 12:16

Vèn wáa sham wir dzə̀m réŋréŋ. Lá vèn yòʼ a koʼór wún. Vèn kú a koo viŋkar vèn à wír vee fó tèri. Lá wìr yòʼ a dìn ji kù kì wun vinyo.

Titur 1:13

Wù‑uù suuy bèy, a dzə̀ rú. Ku nèn a kàntì vintatì vi kitávín, aá fíʼ a yu a dzə̀ kinyo ke Nyùy,