Ŋgàn 26:4 - ŊWÀʼ NYÙY

⁴ Kiyúŋ kí maʼ lám, lá à yòʼ bìnèr, fóo yiì kfən moo wun.

Ŋgàn 26:4 Iomraidhean Croise

1 Afòn 12:14

Wù kù‑uù jùmrì ntir a dzə̀ ye awàʼ və́, e sùúy e wíri jii, «Tàr wor‑iì fó ven kibeʼèy, a kí gháʼ ven, a m kfə̀n lo, e dzə̀sì dzə̀sìn. Tàr wor‑iì wív ven áàŋkoó, a m lo, a dzə̀v ven a dzə̀ e ŋgwàn nyari.»

1 Afòn 12:16

Wír veé Isray adzə̀me yén ji fòn yoʼ biìmé a kinyo kév, e nèn sùúy e fòn jii: «Vèr kér ka e Davir mvə̀m kfəə? Vèr yòʼ kér kilíŋ e wàn Jessi mvəm. Éè wìr veé Isray, wír a e wun kibàn. Kfə́ə Daviri wáa leey rì fo rə́ə yee lav.» Á bèy, wír veé Isray veé mbìv yee kuyi nèn kfə̀nkír aáwuné melaʼ.

Ŋgàn 17:14

Kinyam ki keʼè, kí wàa dzə moo lav ye yì shémé, kí ghèén ji á táv, e sə̀r fo melaà mè nəə́ shó.

Ŋgàn 23:9

Lá à yòʼ a suŋnín e kiyúŋ kí, wò moo fií, bìʼ fo wù kù yíi a ŋway jí sé ŋwáyín.

Ŋgàn 26:5

Ku kòrìr kiyúŋ kí kórisin, fo wù wáa yen kitú kfə́ ji fií.

Ŋgàn 29:9

A fiì lò, a bìʼ mbìʼ wùn à kiyúŋ kí, bo kiyúŋ kí kù yíi a shwiíy a dzə̀ kilòŋ, a sheʼ wun shéʼén, a bó kinyo kee réŋ kí yòʼ yíi fəə.

Aysaya 36:21

Yii bèy, wíri ku gòʼ gòʼòn kisə́sə, la wìr yòʼ bìnèr kinyo e mfòómé woó Assiriya və̀y, bìʼ fo Fòn Hesekiya kì shìvtìn ne ji wìr wáa yen a fó yìi mvə̀ʼ shuu.

Matio 7:6

«A bó kí yoʼ fə̀m ghèén ji vèn li kifá ke á cuùn Nyùy sho, e màʼ e jwí si, fo sí kfə́r, e kfə̀n bìnkìr, a nyàv ven e sóŋé. A bó yòʼ dzə̀ sá, á lì *síbaŋ, e fò e kǔnnyàm, wù wàa tay e kishàʼàr.

1 Pita 3:9

Wìr fə́m yii kinyo ke bi kí e wìr, lá ŋgaàŋ yòʼ siìr kinyo kee shooy. Wìr kuu wír, lá ŋgaàŋ yòʼ siìr. Kinyo ke dzə̀ vèn wàa yiì ki dzə̀ jii, wìr kuu wír, wù kù a lon cáʼ ji Nyùy shám ŋgaàŋ. Vèn wáa kuumé ji Nyùy‑iì lì ven ji və́ vee wír bèy, ji wun fiʼ shàm ven.

Ŋwàʼ Jud 1:9

A bó yòʼ fə̀m dzə̀ Mayker wo dzəə̀n taà nshìylav Nyùy wù mùm bey. Yì‑iì dzə̀ é ghan se wùn Satan‑eè táŋ dzə́n Mooser, wù yòʼ‑oò lo mùm ji wun tín á kàʼ Satan. Wù kù‑uù suuy cáʼ jii, kù wíy saʼ Nyùy a wun.