Ŋgàn 26:2 - ŊWÀʼ NYÙY

² Aà shóv wír là njò, bo kí kù‑úù tsə́y kitú, moo shinə́n she shí ján janén, à shighaà she shí féŋ feŋén, e làa yòʼ koóy ghán sée bàʼrì láʼ.

Ŋgàn 26:2 Iomraidhean Croise

2 Samuel 16:12

A tàm é Nyùy Tàr yiì yèn ŋgeʼ sém, e səə̀vì mo fó kuùrì ye wù kuurì mo lán.»

2 Samuel 16:8

Wò‑oò faàsì sáʼ fo Saul, e yùyrí wír vee wun kfəə, a Nyùy Tàr siìr ne ŋkfə́tír e wò kitu, e sə̀ sáʼ fo wò, e fò e Absalom woo wan wò. Wò woo kinjuyrìwìr, vinyo vé vi kfə̀n ne e wò kitu.»

Nehemia 13:2

bìʼ fo áwune‑eè ŋweyin vifá ve yi wùn à mendzə́v mè fo wír veé Israyi, e lò, e làʼ a dzə̀ Balaam ji wù roʼ á áwune. Yii bèy, a Nyùy wor‑iì lo bìnèr kinyo kìn ji kisəəvì.

Nsùyrì Nyùy 109:28

Áwune lóo shov mo e lòné, à kù a səə̀vì mo sə́əvin. Shoór wír ve á guutì moó, e shèʼér mo woo ŋgaà wò lìm.

Ŋgàn 27:8

Wìr maʼtì láʼ, lóo ghan ghanén, bo wù sì moo shinə́n she shí màʼtìn láʼ, a jan janén.

Aysaya 16:2

Á ku dù, e tiìsí a jii, wír veé Moavi sàm ne, aá sì é tuumé sé ndzəv yee Arnon, aá kù sì moo menə́n me á kèmèn fó laʼ, mè wáa kàtìr féŋ.

Kintaŋ 23:8

A dzə̀ m shòv wír ve Nyùy yoʼ shòv é le? A dzə̀ m mèŋ wír ve Nyùy yoʼ mèŋ é le?

1 Samuel 17:43

Goliat dzə́r e Davir jii, «M dzə̀ jwí à, é bo à wáa wìy ji à funen mo e mbàŋ?» Wù wáa kuùrì Davir aànyùy veé Filistiàá yir.