Ŋgàn 26:12 - ŊWÀʼ NYÙY

¹² A sì ji wìr wáa yen kitú kfə́ ji fií, a bó wù yòʼ kì kifá, bo bòŋ kiyúŋ kee kiyúŋ.

Ŋgàn 26:12 Iomraidhean Croise

Ŋgàn 12:15

Kiyúŋ kí lóo yen kfə́ ji dzə́ə sə́ sí dzə̀ tìítiy, fiì kù a yuurí kfə́ a dzə̀ ntir.

Ŋgàn 22:29

À yén wír wo wù kiìn lim rə́ á? Wù wíy a lìm a dzə̀ fo afone, wù yòʼ wíy a lìm fo wír vee víyi.

Ŋgàn 26:16

Njoó kù yii yén ji wun fìír, e shaà wír anín ve á suuy kinyo ke kí kér vifií.

Ŋgàn 26:5

Ku kòrìr kiyúŋ kí kórisin, fo wù wáa yen kitú kfə́ ji fií.

Ŋgàn 28:11

Ŋgaà mbàm kù yii yén kitú kfə́ ji fií, a ŋgaà kitàn wo wù kiiy jeéyjeéy fo vinyò yíi toʼ kinyè kfə́.

Ŋgàn 28:26

A wìr tiir vifií a dzə̀ é kinyò ke kwaʼtì wun, bo ŋgaàŋ dzə̀ kiyúŋ, yii bèy, a wìr tiir kiwuú kfə́ fiʼì, bo wù yíi bàʼàr vishí ve bi ví.

Ŋgàn 29:20

À yén wír woo súŋnín, e làa yòʼ mèy shintíy a? A dzə̀ á wàa yòy, a tiír e kiyúŋ kí wùn, e shaà wun.

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Aysaya 5:21

Lòné dzə̀ wó wìr ve á kwaʼ ji á fìír, wír, aá kù yén a dzə̀ vitú vév ji afií.

Matio 21:31

Fo wón vee abaà víne, vèn yén kén ji wo wù‑uù loòn ntum tàr wov dzə̀ vəné?» Á bìnèr jii, «Dzə̀ wo wù‑uù tenen, e kfə̀n sìíy, e dù.» Jesus nèn sùúy jii, «M suuy e vèn rú jii, wír ve wíri yii nyáŋsi ji á sov mbàm se *bàràʼ wùn aàsàkìi kòóy ne dzə́ə, a nəə́ e vijùŋ ve dzəə̀n vé saʼ Nyùy, a shaà ven vin.

Ŋwàʼ Luk 18:11

Á nəə́, wìr woó Farasi nèn kòʼtí, e tìím jeéy, a bùnrì jii, ‹Éè Nyùy, m beerì wò ji bó m yòʼ dzə̀ moo wír ámóʼó, bo taaka moo ŋgaà wo wù báʼti mbàm se bàràʼ və̀sə. Bó m yòʼ yii táŋ kifá ke wìr, bó m yòʼ yii kuvrì kiŋkùvrì, a bó m yòʼ yii li wiiy wìr.

Ŋwàʼ Luk 7:44

e bìnkìr, e lèéy wiíy və̀y, e kfə̀n yòŋ Simon jii, «Leéy wiíy və̀n, e yèn. Kèʼ mo m kì nəən e wò lav fèn, bó à yoʼ lò tàʼ mendzə́v mée sù wúu yém shó. Yii bèy, a wiíy və̀n kì sù ne wúu yém e mensíy mvə mè, e sə̀ʼsí e nə́ŋ sə́ sí.

Joon 9:41

Wù bìnèr jii, «A vèn kì dzə̀ amfìr, bo bó á yòʼ kì kér njò. Mo vèn kù táv tavín ji vèn yén virə́ʼ, bo njò yen kù dzə̀ə́ e vèn.»

Ŋwàʼ woó Rom 12:16

Vèn wáa sham wir dzə̀m réŋréŋ. Lá vèn yòʼ a koʼór wún. Vèn kú a koo viŋkar vèn à wír vee fó tèri. Lá wìr yòʼ a dìn ji kù kì wun vinyo.

Ŋgaà Yen 3:17

Wìr lo, wù wàa sevtí jii, m kùʼ ne, a ker bùʼ e ŋàŋ, a bó m yòʼ dzəə́ búŋ kifá kímóʼ kí gheéy. Vèn suuy bèy, e làa yòʼ a kiíy ji vèn dzə̀ aghéʼncey ve dzə̀ á wàa rər mendzən rə́rín fó fo. Vèn ghíy ghiyín, ghán kinshóʼ, a vèn dzə̀ amfìr e Nyùy kinyò.