Ŋgàn 26:1 - ŊWÀʼ NYÙY

¹ Ghvə́m yé a ghvəm kiyúŋé, kù dzə̀ moo kintòn ke kí koó e bìŋ, a dzə moo wuú ye yí ló e lùm.

Ŋgàn 26:1 Iomraidhean Croise

Esta 4:6

Hatak ku nèn fəə̀, e dù, e yèn Mordekay e maàndzə ye yì dzəə̀n é ŋkìʼnìn shùu kibùʼ.

Esta 4:9

Hatak nèn kfə̀n é bàm, e fìʼtì kinyo kidzə̀m ke Mordekay kì suuyin e Esta.

Nsùyrì Nyùy 12:8

Wír ve bií sí ghánen virə́ʼ vidzə̀m, a wìr msòŋ kù bínsi a dzə̀ liì kisaŋ.

Nsùyrì Nyùy 15:4

Dzə̀ wír wo wù taʼ kinyè ké wìr ve Nyùy meŋen ne ntéŋ, ghvə́m wír ve á fan Nyùy Tàr, tíy e kinyò ke wù kànèn yír Nyùy sho, a fə̀m dzə̀ ka.

Nsùyrì Nyùy 52:1

Ntav və̀n, à buʼtì vinyo, dzəv nsaŋ bèn a dzə̀ ka? Nyùy kù tíy wùn à wír vəə́ kishiíy kidzə̀m, kiŋsìn áwune.

Ŋgàn 17:7

Kiyúŋ kí yòʼ yii tíy e ntir, a bó ŋgaà saʼ yòʼ yii tíy sa e kimboʼtì.

Ŋgàn 19:10

Kí yoʼ ghèén ji kiyúŋ kí wáa dzə dzəʼə̀m vé mbàme, tìtìka, é bo kwàné wáa saʼ wón ntoʼ.

Ŋgàn 26:3

Mo ké nyàmŋkoʼ ki kù dzəə̀n sháŋ, a ké kimbèʼbìy kí dzə̀ ŋgwàn, bo kù dzə̀ mo ké kiyuŋ kí dzəə̀n ŋkoó.

Ŋgàn 26:8

Aà ghvə́m kiyúŋ, bo à dzə̀ moo wír wo wù liìn tíy, e kùr kúrín é kiŋkoʼ.

Ŋgàn 28:16

Ŋgaà saʼ wo wù tan vifií lo, wù kfə̀n ji gáʼ e wírí kitu, a wo wù ban seʼ mbóʼmé dzə̀ wo wù wíy bonén, e saʼ ntàmda.

Atǎr Nsaʼ 9:20

Yii bèy, a dzə̀, a bó vèn yòʼ‑oò lo yiì a dzə̀ e shilív she juŋ shi, və́yí kù fəə̀ fo Abimelek wùn, e sə̀ʼsí wír veé Shekem wùn à veé Bet‑Millòo, é wú kfən fəə̀ sá fo wír veé Shekeme wùn à fo veé Bet‑Millòo, e nèn laàr Abimelek.»

Atǎr Nsaʼ 9:7

Jotam yiì yù, e nèn kòʼ, e tìím e kitu ke Gwan Gerisim, e bùʼ shirəə́, a jàŋ, a suúy jii, «Vilum veé Shekem, vèn yuúrí kinyo kém kí, é Nyùy fiʼ yiì yuùrí sa kén.