Ŋgàn 17:3 - ŊWÀʼ NYÙY

³ Á yii sheŋrì *kisha ke mbàm ke fəvír kí, à ke baar kí e və́yí, a kù dzə̀ mo Nyùy Tàr tar melív me wíri.

Ŋgàn 17:3 Iomraidhean Croise

1 Wòŋ 29:17

Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.

Ŋwàʼ Jov 23:10

Ke m kiìn kí dzə̀ jii, wù kì dzə́ə ye m shoʼon, a ghan sho, a wù yíi tàr kinyo kém, é m fəə́sín moo *kisha ke mbàm ke baar kí.

Ŋwàʼ Jov 28:1

«Dzə̀ suuyrú, bií dzə̀ shó fo á yii túŋ *kisha ke mbàm ke fəvír kí, a kirə́ʼ kí dzə̀ shó fo á yii sheŋrì kisha ke mbàm ke baar kí.

Nsùyrì Nyùy 139:23

Éè Nyùy, tàr mo, e kìíy kinyo ke kí dzəə̀n e mǒ shiliv kí. Taásín mo, e kìíy kwaʼtì yémé.

Nsùyrì Nyùy 26:2

Nyùy Tàr, kàʼày mo, e sàyrì mo, sàyrì shilív shém shí wùn à vifií vém ví.

Nsùyrì Nyùy 66:10

Rúrú, Nyùy, à mùm ne ver. À mùm ne ver moo kisha ke á tònèn é və̀y, *kisha ke mbàm ke fəvír kí ke á tònèn, e shèŋrì.

Ŋgàn 15:11

Mo Nyùy yén vinyo vee aŋkfəə́ wòŋ vidzə̀m, a dzə̀ wù kfə̀n mèŋ kímóʼ kí ke kí dzəə̀n e wìr shiliv á?

Ŋgàn 16:2

A dzə̀ wìr wàa yen ji vinyo ve wun yii vi dzə̀ á tìítiy, yii bèy, a kù yén Nyùy Tàr shilív shé ŋgaàŋ.

Ŋgàn 17:2

Kwàné lóo lìm kijuŋ, wú wàa saʼ wan laʼ, lóo lìm kijuŋ, wú jàv vitsə́ʼ wùn à wón laʼa.

Ŋgàn 21:2

Wìr lo, wù wàa yen ji wun tíy kfə́ tìítiy, yii bèy, a kù tar Nyùy Tàr shilív shé wìr.

Ŋgàn 27:21

Á kù yii ton *kisha ke mbàm e və́yí, é bo á yén wúntí kíwun, kù dzə̀ mo à yii kiiy wír mo wù dzəə̀n, a dzə̀ bìʼ búrí ye á búri wun.

Aysaya 48:10

Vèn leéy, e yèn, mò‑oò sí sheŋrì ven, yii bèy, a bó m yòʼ‑oò sheŋrì a dzə̀ e və́yí, mo wìr shèŋrì kisha ke mbàm ke fəvír kí. Mò‑oò lì a dzə̀ ŋgeʼ, a shèŋrì ven shó mo á shèŋrì kisha e kǐŋ kilàm.

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Esiker 22:18

«Wàn wìr msòŋ, wír veé Israyi sì moo kisá bey fo mò. Áwune sì moo jáŋ kilàm ye yí fəə́ fo kishà ke mbàm ke fəvír kí ke á tònèn, a kisha kee *brons wùn à kee *tin ki shwír é jaŋ fèy, e lì kisha kee kiy, à kee *led ki.

Daniel 11:35

Á wíy a dzə̀ wuú vilìmbìy vee afií vin, a kí wíy shèŋrì wír Nyùy, e ranér, e yiì, aá wáa dzə là shilóm, e meé mo ghán se Nyùy lèmèn sí wíy gheén.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Remrí 8:16

Wù‑uù fò vifá ve yi vee manna e vèn é kirə̀ʼ ké woʼ kí, a dzə̀ kifá, a bó atàr véné yòʼ‑oò lo kìíy. Wù‑uù mumrì ven e ŋgeʼ si ji wun yiì lò fo bàm, e səə̀vì ven e vifá ve juŋ vi.

Remrí 8:2

Vèn ku wìy a kuumé mo Nyùy Tàr‑iì tsəənen ven é kiya kee mkweè kìn, e tòsín wóʼ shó. Wù‑uù tsəə́ne bèy, soyrì ven e ŋgeʼ si, e fíʼ sə̀r ven, e kiíy shilív shén ji sà dzə̀ vèn lèm nsər sə́, mo bó yòʼ dzə̀ á lèm á.

1 Pita 1:7

a kiíy jii, sí kooy bèy, aá fíʼ yen ji vèn wày rú shilív e Kristu wùn. Mo á kù yii mum kisha ke á fer mbàm sho e və̀y, e bó a shèŋrì, a dzə̀ kifá ke kí wíy mày, bo dzə̀ á kù mùm sa ven, é vèn fíʼ màysì, e wày shilív e Kristu wùn, wíy lóo dzə e kishiíy ke wù wíy kfən, aá wáa burí ven, a meér yír yén.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.