Ŋgàn 15:8 - ŊWÀʼ NYÙY

⁸ Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Ŋgàn 15:8 Iomraidhean Croise

Ŋgàn 15:29

Nyùy Tàr kù yii yú bunrì wìr ve á yú wun, bin ndzə̀m e wír ve á méŋ wune.

Ŋgàn 21:27

Nyùy ban cu wìr ve á méŋ wun, bo taaka ye wìr yii wùn à kwaʼtì ye bií.

1 Wòŋ 29:17

Nyùy wom, m kì ji à yii tar melív me wíri, yén she shí tíy tìítiy, à wàa yu vijuŋ. M fò vifá vìn e wò là kiloʼ, a m fò vèr à shilív she juŋ shi. M kfə̀n yèn sá mo wír vé ve á baʼtin fene fó vifá e wò e shilív she juŋ shi, shéʼri.

Jeremia 6:20

Áwune wiy e kiláy kee *frankinsen ki fó Sheba ji m yée shó? Á kfə̀n wiy e meŋgvə́r me kinjoʼ mè fo ndzəywoŋ ji m yée shó? Bó m yòʼ yíi səəsí cu sév se tonèn sí. Bó m yòʼ kér shií é nyàm se áwune seéri ji cu si.

Ŋgàn 28:9

A wìr tèn fó a yunín nsər, bo Nyùy yòʼ yíi a kòŋ, e yu bunrì rə́.

Aysaya 61:8

Kí wíy a dzə bèy, bìʼ fo Nyùy Tàr suuy jii, «M koŋ kém ji á kú a yiì kinyo e wìr dzə̀m là kiloʼ. Rúrú, m bàn vishóŋ, e bàn jay woo jáy e kúmé. Wíri wíy lòo ghan e mǒ mbòv, é m laámé áwune, kù mo m yii yii vinyo vém tìítiy. M wíy gwàr *mensaŋ vèr áwune, me mè wíy a tiy fo, e dù, e jòʼsì.

Joon 4:24

Nyùy dzə̀ Kiyoy, a wír ve á bunrì wune kér fó a yu a dzə̀ fo Kiyoy ke Nyùy ki, e bó a bùnrì wun e dzəə yee rú.»

Ŋgaà Tàrvìnyò 5:1

À lóo nəə́ e lav cù, à wàa səʼə́m, a dzə kibáʼtín móo yunín. Kee shooy ki bòŋ, e shaà cu ye viyúŋ ví yii, aá yòʼ fə̀m kì ji á yii a dzə̀ á kinyo kee kintéŋ.

Aysaya 66:3

Yii bèy, ké wìr wo wù ŋwáy mo kí dzə̀ kfə́ jii, wù cu mo e mbòŋ, m kù a lì kém wun moo ŋgaà kinjuyrì. Wù cu mo e wàn njiì, m kù lèéy kém wun moo wír wo wù cu mo e jwi. Wù cu mo e viyíkìr vi, m lì kém wun moo wír wo wù cu mo e mensə́ me kǔnnyàm mè. Ŋgaàŋ lóo tòn kiláy kee *frankinsen ji m wáa kuumé wun, m wàa yen kém woo shooy moo wír wo wù mbaa a dzə̀ anyùy. Rúrú, kfə́ə wìr vee béne ŋwày ne mo, e kù a yiì a dzə̀ vinyo ve ví gheen áwune. Á kù sí yú vijuŋ, a dzə̀ e vinyo ve kisaŋ ve m yòʼ tíy sho vi.

Yòv Viŋgér 2:14

Ŋkar yem tìm, à làynìn ne fo mǒ si, à làynìn moo kibìŋ ke kí dzəə̀n é nsàn kilan, e làynìn moo kibìŋ ke kí nəən é mbvə̀ʼ. Ku yiì, é m yén wò. Ku sùŋnín, é m yú. Ji yè nyòm e ŋàŋ, aà kfə̀n tókir bèn kijuŋ.

Nsùyrì Nyùy 17:1

Éè Nyùy Tàr, yú kinyo ke m tóŋ ji à tínén é nsànloŋ ki, Ku yù tóŋ yémé, yú bunrì ye m yii là kiloʼo.

Cù 7:18

A kifá ki bèr fó nyàm cu kikòŋnìn, e meé e kishiíy kee taár, wìr yí, bo wìr wo wù kì yii cu lày ne, a bó Nyùy yoʼ səə̀sí cu rə́. Bo sì lor, wìr wo wù yiin lí lòn fó fo.

Ŋgàn 10:24

Kinyo ke wìr wo wù méŋ Nyùy, fanè, kí kù yíi koóy wun, a ké wìr wo wù yúnin Nyùy ki dzə̀, a wù kù yíi a ker ke shilív sə́ shí tíy sho.

Ŋgàn 15:7

Fiì fó yéʼéy, yí tìr wíri. Njìʼ lo kfə́, wù mèŋ yéʼéy.

Ŋgàn 21:3

Yii yee réŋé wùn à kinyo kee tínén é nsànloŋ, kí boŋ fo Nyùy Tàr, e shaà cu.

Mayka 6:7

A m lòo dzə, e fò viyáʼ ansə̀kì ansə̀kì, e fò mbìʼ sé meŋgvə̀r, a dzə̀ kí bòŋ rú Nyùy Tàr á? A dzə̀ m fò rú wán wom mbìy woo lumèn ji m táŋrí vinyo vém ve bi ví shó a? A dzə̀ rú m fò run yém mbìyi ji m táŋrí kiyoy kém shó a?

Hagay 2:14

Á bèy, Hagay nèn bìnèr ji Nyùy Tàr suuy a jii, «Bo kù dzə̀ kíwun ke m yén, a kí dzə̀ é kitum fèn, à vifá ve á kavin fó kwaʼ vi shó. Vifá ve áwune cu mo shó vi kù sì vé kifàn ví fo mò.

2 Samuel 15:12

Wù dù, e lòo yiì cu, e tùm wír e Gilo, wù dù, e wìy e Ahitofel wo yì‑iì dzəə̀n taà ntoʼ Davir. Menàŋ me Absalom mè nèn kù a kuy kuyín, ŋgoo rə wáa kùʼ kùʼùn.

1 Afòn 3:10

Kí‑iì ghèén Nyùy Tàr féyì ji Solomon lòn a dzə̀ á vifií.

Nsùyrì Nyùy 141:2

Ku səə̀sí bunrì yém rə́ne ji kiláy ke á ton e wò, e səə̀sí wó ye m nan e yuv rə́ne ji cu yee ŋkuùr.

Daniel 9:23

À kì kèʼ, e lòo lon vifá ve à kì lón e mvə̀m bùnrì, Nyùy nen kù tsə̀nsí binèr, a m wìy ne ji m naari e wò, bìʼ fo Nyùy kòŋèn wò e ŋàŋ. Yuúrí binèr ye Nyùy fooné kijuŋ, a mùm ji à kiíy á jeéyjeéy fó vinyò ve Nyùy ghemen ndzə, e dìn e wò.

Mayka 6:6

Éè mò, m fèn yíi lòo wìy ji m suyrì Nyùy Tàr woó yuv, a wìy e ka kí vèné? M fèn yíi lòo tsəm e wun woo Taà Ndzə si, a tsəm vèr à ka kí? A dzə̀ rú m lòo koʼtí e wun si, m yiì a dzə̀ cu ye tonèné, mo a dzə̀ m wàa wìy a dzə̀ e wón nyàm vee kiyá kiyáa á?

Malakay 1:10

Wù yoŋ feyì jii, «Ke m taʼ ki dzə̀ ji wìr fo věn mvəm ku sə̀tí shúu lav cùu sə́tín, fo vèn kfən tòn və́y é kiy cù. M yòʼ kér shií won, a bó m yòʼ yíi səəsí cu yén. Á ke yòŋèn mo woo Nyùy Tàr woo Taà Mànjòŋ.