Ŋgàn 15:7 - ŊWÀʼ NYÙY

⁷ Fiì fó yéʼéy, yí tìr wíri. Njìʼ lo kfə́, wù mèŋ yéʼéy.

Ŋgàn 15:7 Iomraidhean Croise

Matio 12:34

Vèn dzə̀ rám abúv. Bó yòʼ dzə̀ aŋgàa vinyò ve bi ví moo ven ben, á sùúy kinyo ke dzəə̀n ke juŋ ki, bìʼ fo wìr kù yii suuy kinyo a dzə̀ ke kí runen e wùn shiliv.

Jeem 3:6

A kiliímé ki kù dzə̀ moo və́y vən. Vinyo ve bi veé ndzə vidzə̀m vi tàtí, a tiy a dzə̀ é kiliimé, e nèn ràm fo fo, e bìvír wún wìr e dzə̀m. Dzəʼə̀m wìri lo, yí bìr e dzə̀m mo ŋgaàŋ shwì a dzə̀ é və̀y. A kù sə̀ʼ kiliímé və́y woo shooy, a kí lì a dzə̀ fo Satan kiy.

Efesor 4:29

Vèn wáa yen fo wìr wáa suŋnín lám wo bií. Vèn wáa suúy a dzə̀ kinyo ke kí wáa tir wír tirín, wíri lóo yu, aá wáa yu a dzə̀ vijuŋ.

Maak 16:15

Wù nèn sùúy aáwune jii, «Vèn du virə́ʼ vidzə̀m, a fìʼtì sáʼka Nyùy wo juŋ e wír veé kitu ke nsayi adzə̀m.

Matio 10:27

Kinyo ke m tír ven shó lèn e bǎm lav, vèn wáa fìʼtì a dzə̀ é maàndzə. Ke m səmrì e vèn sə́mrin, vèn wáa ghan, a jàŋ jàŋèn.

Yòv Viŋgér 4:11

Yeè lav wòm, m nyóŋ shuu wó, wàa dzə mo shèm vilu e mǒ shuù. À lóo suŋnín, jí sé si wàa nyòm moo vilu, a nyòm moo vín nàʼ. Kirəm ke kí kóʼ fo wò ndzə̀y kí rəʼtìn moo ké vici vé *sidar veé Lebanon.

Nsùyrì Nyùy 119:13

Vinyo ve à tinen fo wò shuù, e wày ji nsər, m kù yoŋ, rúvti vidzə̀m.

Nsùyrì Nyùy 45:2

Nyàr, á dzə̀ á wánlè nsùm, aá tò á sí. Á kì á kisúŋnìn feyì feyì. Nyùy bùʼ a ne wun e kisəəvì kee là may ki.

Nsùyrì Nyùy 37:30

Wír ve á yúnin Nyùyi yii yoŋ kinyo a dzə̀ ke kí kér vifií. Áwune kù yii yoŋ kinyo a dzə̀ ke kí dzəə̀n là kiloʼ.

2 Timoti 2:2

Kú a kuumé kinyo ke wò‑oò yú, a m fiʼtì, a wíri tíy, yú anín ki. Ku lì kinyo kee shooy ki lèn, e wày e wír ámóʼó wo ve à kiìn ji dzə̀ wír vee jwáʼ, aá wáa yeʼéy sa wíri shó.

Ŋgàn 15:2

Fiì súŋninè, wìr dzə̀m kù yèʼéy kinyo. Kiyúŋ kí mvəʼ shuu, kù a fəə kiyúŋsì.

Ŋgàn 15:6

Wìr yú Nyùy, wù wàa ker bùʼ e gháʼán e wun kitàv. Wìr méŋ Nyùy, lòné nə̀ə́ e wun keŋ.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Ŋgàn 5:2

áà bóo fíʼ kiíy mó a kìŋsìn kitú ké, a kiíy jeéyjeéy fó vinyò, é vinyo ve ví fəə́ fo wò shuù vi wáa dzə ve ví kér vifií.

Ŋgàn 16:23

Fiì lo, wù wàa səʼə́m, e bó a suúy kinyo, jí sə́ se juŋ si wàa bìnèr vifií vé wíri.

Ŋgaà Tàrvìnyò 10:2

Fiì kù yii tíy kfə́ é yiì yee tìítiy, a kiyúŋ kí tíy e yee kintéŋe.