Ŋgàn 15:6 - ŊWÀʼ NYÙY

⁶ Wìr yú Nyùy, wù wàa ker bùʼ e gháʼán e wun kitàv. Wìr méŋ Nyùy, lòné nə̀ə́ e wun keŋ.

Ŋgàn 15:6 Iomraidhean Croise

Ŋgàn 8:21

M fó vikuʼùy e wír ve á koŋ moó, rúner vitáv vév e vifá ve juŋ vi.

Ŋgàn 21:20

Fiì yii kér vifá veé kilùm veé shií é lav, a kiyúŋ kí jaar kfə́ və́ jaarín.

Ŋgàn 10:22

Kisəəvì ké Nyùy Tàr kí dzə̀ vikuʼùy, a bó wù yòʼ yii bár mendzən sho.

Nsùyrì Nyùy 112:3

Bùʼ wùn à vikuʼùy ví dzə̀ e ŋgaàŋ lav, aá kù wíy a fèr liì və wo juŋ, e dù, e mày.

Hibru 11:26

Wù‑uù yén kfə́ ji ŋgeʼ se dzə̀ wun wàa yen wùn à wír véví, a shìy Mfə̀ə́r wo Nyùy‑iì kàʼàn áwune shó, si bòŋ fo wun, e shaà bùʼ woó wòŋ Ejiv e dzə̀m, bìʼ fo wù‑uù leey kfə́ a dzə̀ fó mbìy, shiy və́ vee vikuʼùy a dzə̀ ve wíy fo Nyùy.

Ŋgàn 16:8

Bòŋ e suúy suuyrú, a ker shishàr, e shaà fóo shwìv kinshwìv, a ker bùʼ.

Ŋgaà Tàrvìnyò 4:6

Kí bòŋ ji à lim ji weè, e kòóy séʼ shishàr, e shaà fóo lìm, e sòrkìr ji à koóy séʼ e kuʼùn. Sorkìr yee béne kù dzə̀ kinyo kisáŋ, a dzə̀ moo ji wìr jum shwér ji wun koó.

Ŋgàn 15:16

A sì kùʼ, e tò é ŋgeʼ, bòŋ shishàr wùn à ghvə́m Nyùyi.

Ŋgàn 13:22

Wìr wo juŋ kù yíi a ker kéŋ yée lèm ji vitsə́ʼ e rám rəə́, a bùʼ ŋgaà yiì ye bií wíy dù a dzə̀ e wír ve á yú Nyùyi.

Nsùyrì Nyùy 37:16

Bòŋ shishàr she wìr wo wù yúnin Nyùy kérí. Kí bòŋ, e shaà kikùʼ ke wìr wo wù méŋ Nyùy.

Ŋgàn 15:5

Kiyúŋ kí kù yii ŋwáy ntir tàr wov ŋwáyín, yii bèy, a wìr wo wù yú ntir dzə̀ fií.

Ŋgàn 15:7

Fiì fó yéʼéy, yí tìr wíri. Njìʼ lo kfə́, wù mèŋ yéʼéy.

Ŋgàn 3:33

Wù yii shóv melav me wìr ve á méŋ wun, buʼ me wìr ve á yúnin wun búʼun.