Ŋgàn 15:2 - ŊWÀʼ NYÙY

² Fiì súŋninè, wìr dzə̀m kù yèʼéy kinyo. Kiyúŋ kí mvəʼ shuu, kù a fəə kiyúŋsì.

Ŋgàn 15:2 Iomraidhean Croise

Nsùyrì Nyùy 45:1

Jí se juŋ si rùn ne shilív shém, kù mo m fer yòv wo á yíi a yòv, a burí fon sho. Kiliímé kém kí sì kibáʼtín, kibáʼtín moo kicí ké saŋ ke ŋgaà saŋ, ŋgaà saŋ wo wù kiìn sáŋ kijuŋ.

Nsùyrì Nyùy 59:7

Áwune vísə, mo á nyamnìnè. Á shuʼ vinyo ve beemén ví fó shuù, kwaʼtì jii, «A dzə̀ yù la kinyo ke vèr suuyì?»

Ŋgàn 12:23

Fiì yòʼ yii din kiíy, a kiyúŋ kí kù din kiyúŋsì kfə́.

Ŋgàn 13:16

Fiì yii kinyo moo fií, a kiyúŋ kí kù din kfə́ kiyúŋsì kfə́ dínen.

Ŋgàn 15:23

Wìr binèr kinyo, kí shémsinè, wù wàa yu vijuŋ. Jì ye yì fəən é ghan bòŋ, e shaàsìn.

Ŋgàn 15:28

Wìr yú Nyùy, wù wàa bìnèr kinyo, a mèy shintíy. Wìr wo wù méŋ Nyùy mvəʼ kfə́ shuu, kù a fəə vinyo ve bi ví.

Ŋgàn 15:7

Fiì fó yéʼéy, yí tìr wíri. Njìʼ lo kfə́, wù mèŋ yéʼéy.

Ŋgàn 16:23

Fiì lo, wù wàa səʼə́m, e bó a suúy kinyo, jí sə́ se juŋ si wàa bìnèr vifií vé wíri.

Ŋgàn 5:2

áà bóo fíʼ kiíy mó a kìŋsìn kitú ké, a kiíy jeéyjeéy fó vinyò, é vinyo ve ví fəə́ fo wò shuù vi wáa dzə ve ví kér vifií.

Ŋgaà Tàrvìnyò 10:14

Yii bèy, kiyúŋ kí kù a suŋnín, a tonén. Bó wìr yòʼ dzə̀ wo wù kiìn kinyo ke kí bvəə́shi, e koóy. A dzə̀ yòŋ la kinyo ke wìr wíy kpu, é kí wáa dzə.

Ŋgaà Tàrvìnyò 5:3

Wìr lóo yaŋyáŋ e ŋàŋ, njèm se bi sí wàa shi wun, lóo suŋnín e ŋàŋ, wù wàa suŋnín kiyúŋ kiyúŋ.

Aysaya 50:4

Kù yèʼéy Nyùy Tàr woo Taà Ndzə mo, é bo m wáa fèr kinyo kiránén. Wù yiì bèy, ji m lóo suúy kinyo ke m suuyì, é kí wáa tavír wír ve kibeʼèy kí yúy áwune. Nyùy Tàr yim mo kijàvndzə kidzə̀m, yii, a m yár jiŋ kinyò ke wù suuyì, kù moo wánlè wo wù fó vituʼùr e ŋgaà yèʼéy və.