16 A sì kùʼ, e tò é ŋgeʼ, bòŋ shishàr wùn à ghvə́m Nyùyi.
Bòŋ e suúy suuyrú, a ker shishàr, e shaà fóo shwìv kinshwìv, a ker bùʼ.
Bòŋ shishàr she wìr wo wù yúnin Nyùy kérí. Kí bòŋ, e shaà kikùʼ ke wìr wo wù méŋ Nyùy.
Yii bèy, wìr wo wù kér bùʼ wo ghaʼán dzə̀ wo wù dzə́, yú a dzə̀ fo Nyùy, shéʼri kifá ke Nyùy fó e wun.
Bòŋ ŋgaà kitàn wo wù tíy e wun suuyrú, e shaà ŋgaà mbàm woo ŋgaà kiŋkùvrì.
Kisəəvì ké Nyùy Tàr kí dzə̀ vikuʼùy, a bó wù yòʼ yii bár mendzən sho.
Dzəʼə̀m aghéʼnceyí tàv é ŋàŋ. Yii bèy, a shilív shee nyaáŋ shí kù dzə́ kfə́, shéʼri shèʼrín.
Kí bòŋ ji à lim ji weè, e kòóy séʼ shishàr, e shaà fóo lìm, e sòrkìr ji à koóy séʼ e kuʼùn. Sorkìr yee béne kù dzə̀ kinyo kisáŋ, a dzə̀ moo ji wìr jum shwér ji wun koó.
Bòŋ a yi kimbéʼ ke kiban e lav nyaáŋ, e shaà ŋkàʼ wó a yi e lav kinyàm.
