Ŋgàn 10:3 - ŊWÀʼ NYÙY

³ Wìr yúnin Nyùy Tàr, la wù yòʼ màʼtì wun e jìŋ, wìr méŋ Nyùy, wù wàa sətí dzə́ə sə́.

Ŋgàn 10:3 Iomraidhean Croise

Ŋwàʼ Jov 15:23

Wù ghán ján janén, ji wun sà‑áà koóy kifá ke yi a, a wù kì jii, aá yèe le, e yèe le, bo kpúu kù sì á e wun vilòŋ.

Ŋwàʼ Jov 20:28

Bùʼ woo wun lav e dzə̀m wíy səʼsí, kilòŋ kí shwiiy Nyùy e kishiíy fó, é kéŋ rəə́ léŋ e dzə̀m.

Ŋwàʼ Jov 5:20

Jìŋ koó, é wù táŋ wò fo kpúu. Rə́r sí lóo màʼ, é wù kiŋsin wò fo á gwar.

Nsùyrì Nyùy 10:14

Yii bèy Nyùy, aà kù yén, kfə̀n səəm wír ve á yén ŋgeʼ, dzə́ e mendzə̀n, aà dzə̀ kibáʼtín ghán sidzə̀m móo sə áwune. Áwune kù kiʼ a dzə̀ wò, aá yòʼ kér wír wùmòʼ wóo beè. Kù dzə̀ wò wo à yii sə́ wón tsə̀.

Nsùyrì Nyùy 112:10

Wír ve á méŋ Nyùyi yéné, wúné wàa kìn áwune. Á kù wíy a ŋeytí sóŋ, a kpukír kpukín. Vinyo ve áwune yii, tiir vifií shó vi kù wíy a bvəərí bvəərín.

Nsùyrì Nyùy 33:19

Wù boyìr áwune fó kpu, lem áwune atin e ghan sé jiŋ.

Nsùyrì Nyùy 37:19

Ghán sí fə̀m bírí, la áwune yòʼ a dzə e kighiy. Jìŋ koó, áwune kù a ker viyíkìr nyanyày.

Nsùyrì Nyùy 37:25

Kèʼ fo meterí, e meé lèn wo m dzə̀nèn ne, m yòʼ‑oò yiì ne yèn, a Nyùy máʼáy wír ve á yúnin wun. M yòʼ‑oò ghàn ne yèn, a wón véví lón vifá ve yi.

Nsùyrì Nyùy 37:3

Wáy shilív shí e Nyùy Tǎr wùn, a yiì vinyo ve ru ví. À lóo yiì, áà nèn a dzə e nsay kijuŋ, là kinyo ké a fàn.

Ŋgàn 13:25

Wìr lóo yu Nyùy, wù wàa yikír, a kur. Wìr méŋ Nyùy, wù kpù jíŋ.

Ŋgàn 14:32

Vinyo ve bi ve wìr wo wù méŋ Nyùy yii vi yíi màʼ wun, a liì wo juŋ wo wìr wo wù yú Nyùy yii, kù kiŋsìn kitú kfə́ kíŋsin.

Ŋgàn 28:25

Bòŋáyimo kù yii taʼ kfə́ a dzə̀ melaà, a vikuʼùy ví kù yii nəə wír wo wù wayin shilív e Nyùy Tǎr wùn nəə́n.

Ŋgàn 28:9

A wìr tèn fó a yunín nsər, bo Nyùy yòʼ yíi a kòŋ, e yu bunrì rə́.

Aysaya 33:16

Kfə́ə wìr vee béne kù wíy a dzə akiŋsìn, a dzə ji nyaáŋ moo wír wo wù lìrìn é kirə̀ʼ ke tavín kí, é mvə̀m vilála. Á wíy a fo viyíkìr vév foón, a tu mendzə́v mev tuún, é bo á wáa no.

Tsəfaniya 1:18

Wíy lòo dzə e kishiíy kin ke Nyùy Tàr maʼ ŋgeʼ e wírí kitu, a wìr fə̀m kér káv e le, bo yòʼ dzə̀ wú tìn ŋgaàŋ. Nyùy Tàr wíy shwiíy kilòŋ, e tòn kitú ke nsay e və́yí. Wù wíy sàsìn, e laàr wir dzə̀m wo wù dzəə̀n é kitu ke nsay.

Ŋwàʼ Luk 12:31

Vèn ku nèn a tiír vifií a dzə̀ e Nyùy saʼ, é Nyùy nèn a fo ven vifá vìn vidzə̀m.