Ŋgàn 1:12 - ŊWÀʼ NYÙY

¹² A tàm á yiì a suúy ji bó yòʼ dzə̀ á yùyrí ntéŋ, aáwune fə̀m tàvkír moó le, a dzə̀ á kù dzəə̀mè a áwune atin, aáwune du áàŋkfəə́ wòŋ.

Ŋgàn 1:12 Iomraidhean Croise

Nsùyrì Nyùy 124:3

bo vé‑eè meyrì vèsən atin, e ghan se dòʼshwiíy‑iì kív áwune bìʼ vèsən.

Nsùyrì Nyùy 143:7

Éè Nyùy Tàr, ku tàv yù tóŋ yémé, ghíri yòʼ dzə̀ə́ e mò. Lá à yòʼ màʼày mo, fo m du áàŋkfəə́ wòŋ.

Nsùyrì Nyùy 28:1

Éè Nyùy Tàr, kirùmèn kém ké nsàm, m tóŋ e wò, ku yù tóŋ yémé. Aà gòʼ kisə́sə, bo m tàtí ne ŋgoo wìr ve á du aàŋkfəə́ wòŋ.

Nsùyrì Nyùy 35:25

Ku yiì, é la áwune yòʼ a binsí jii, «Eèhə́ə̀, kí ghèén ne mo vèr‑iì taʼà,» é la áwune yòʼ sùúy jii, «Vèr sùm ne wun.»

Nsùyrì Nyùy 5:9

Áwune bóʼti kimboʼtì, kér shilív she bi shí. Shuu wóví dzə̀ wú wày wír e sày, á laarì sí se wíri e jí sév sí.

Nsùyrì Nyùy 57:3

Wù kù yíi yu tóŋ yém é yuv, e wìy, e lùŋèr mo, e màʼ wír ve á kóʼri e mǒ kitu, aá wáa woomé. Wù yíi dìn mo wù koŋ wír və́, tíy wùn áwune.

Ŋgàn 1:13

Vèn áwune waà yíi kuúy a vifá vigháʼán, e bòm e věn melav.

Jeremia 51:34

Wír veé Jerusaleme tóŋ jii, «Fòn Nebukadnessar woó Babilon sə̀ʼsí ne ver sə́ʼsín. Wù bvə̀ʼə́y ne ver, e kànsí mo á kànsí kitém, kí wáa dzə kiyúmér. Wù koò ne ver moo kigàgǎʼsòŋ, e shòʼtí mbìv se wù koŋè, e kfə̀r, e nèn cù kibér.»

Yòvdìy 2:16

Aŋgaà vé vibàné mvə̀ʼ ne shuu, e lèm e rə́, e tàtí, a te lám e wò wùn. Áwune ŋèytí ne sóŋ, a sheʼ, a suúy jii, «Vèr laàr ne wun. Àjwè, kin ki dzə̀ kishiíy, a vèr‑iì shiyì, a kí wìy ne lèn, vèr yén.»

Yòvdìy 2:5

Nyùy Tàr kfə̀n ne ji ŋgaà vibàn, e laàr Isray láarin. Wù‑uù kèr láʼ sév se kuʼkìn sí, e bvə̀ʼə́y virə́ʼ vév ve tavkín ví vidzə̀m. Wù yiì ne, wír veé Judàa wáa rəsí, a toŋ, a dìy a dzə̀ kpú ghán sidzə̀m.

Kintaŋ 26:10

Nsay nèn mvə̀ʼə̀m, e mèy áwune wùn à Kora. Ŋgoo yev kpú, və́yí kfən laàr wír vév kishóv mtàn e ghiì baà (250). Kí koóy bey, e nèn a dzə kisəəm ji wír veé Israyi wàá wáa yen.

Ŋwàʼ woó Rom 3:13

Shuu wóví dzə̀ wú wày wír e sày, a kiliímé kév kí kù fer a dzə̀ kimboʼtì. Jí se sí fəə́ fo áwuné kilayláy sí dzə̀ ndzəʼ, ndzəʼ, wo dzə̀ wù yùyrí wír mo tè búv.