Nehemia 9:8 - ŊWÀʼ NYÙY

⁸ Wò‑oò yèn, a wù wáy shilív e wò wùn, à nèn gwàr *mensaŋ vèn wun ji à wíy fo a nsay e rám rəə́, a nsay rə̀n‑eè dzə̀ ye wìr veé Kanan wùn à ye wìr veé Hit, à ye veé Amor, à ye veé Peris, à ye veé Jebus, e lì ye wìr veé Girgash. À lèm ne ŋkàʼme wò, kù mo à yii yii vinyo vé tìítiy.

Nehemia 9:8 Iomraidhean Croise

Kèʼlo 12:7

Nyùy Tàr nèn lò, e wìy fo Abram wùn, e sùúy sho jii, «M yíi fo woŋ və̀n e rám yée.» Mo Nyùy Tàr‑iì wìyìn fo wun wùn é kirə̀ʼ fóo fèy, wù nèn bòm *kíy cù Nyùy Tàr fó.

Kèʼlo 15:6

Abram biímé kinyo ke Nyùy Tàr, Nyùy Tàr nèn lì wun ji wír woo là jay bìʼ shilív she wù‑uù wayin e wun wùn.

Kèʼlo 22:12

Wù suúy shó jii, «Lá à yòʼ màʼ kiwó ké e wǎn kitu. Lá à yòʼ yiì kinyo e wun. M kìíy ne lèn ji à fan a Nyùy, bìʼ fo à yoʼ lò kìm wan wò, màyshó wan wò, fo mò woo Nyùy.»

2 Samuel 22:31

«Nyùy wor və̀n dzə̀, a wù yii vinyo vidzə̀m tìítiy. Ŋkàʼme Nyùy Tàr kù yii tíy fo. Nyùy Tàr dzə̀ ŋkeè wìr dzə̀m wo wù tiir wun fo mbìy.

1 Wòŋ 1:14

Vitúm vímóʼ ví nen kfə̀n ràm sa fo Kanan, a ví dzə̀ jii, wír veé Jebus, veé Amor, veé Girgash,

1 Wòŋ 16:16

Kù dzə̀ mensaŋ me wù‑uù gwàrìn wùn Abraham, ŋkàʼmé wo wù‑uù kàʼàn Aysi sho, e lìʼ,

Esra 9:15

Éè Nyùy Tàr woo Nyùy woó Isray, à dzə̀ là kiloʼ. Vèr dzə̀ lán a dzə̀ kibér ke wìr. Leéy ri e yèn, vèr tíy e wò si vèr aàjay vérí, a bó vèr yoʼ ghèén a tiy bìʼ ajay vee shoon.»

Nehemia 9:33

Kinyo kidzə̀m ke kí‑iì kooyin ver kí dzə̀, a wò‑oò yiì réŋ. À kù‑uù yii kijuŋ e vèr, fə̀m mo vèr‑iì yii kibí e wò.

Nsùyrì Nyùy 116:5

Nyùy Tàr dzə̀ ŋgaà shammèndzə̀n, kér wíri kijuŋ, rə́r mendzən mev.

Ŋwàʼ Fəə 3:17

Wù nen kàʼ ji wun yíi fəə́r a áwune fó ŋgeʼ yeé Ejiv, e dù sho e nsay ye vín nàʼ wùn à vilu vi tsəətìn sho, a dzə̀ fo wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́.

Ŋwàʼ Fəə 3:8

Á bèy, m nen sə̀y ji m boyir á áwune fo wír veé Ejiví wo, e fəə́r fo nsay foo fèy, e dù sho e nsay ye juŋ, nsay ye vín nàʼ wùn à vilu vi tsəətìn sho. A dzə̀ nsay ye wír veé Kanan wùn à veé Hiti, à veé Amori, à veé Perisi, à veé Hivi, à veé Jebusi dzə́ sho.

Esiker 33:24

«Wàn wìr msòŋ, wír ve á berin é vifə̀m veé Israyi kù goʼ jii, ‹Abraham‑eè dzə́ wùn mòʼón, yii bèy, a Nyùy‑iì fò nsay sho ji rə́ə, vèr wáa dzə wír nyanyày, bo nsay rə̀n kù‑uù sì yéer.›

Kintaŋ 13:29

Wír veé Amaleki dzə́ e nsay Negev, a veé Hit wùn à veé Jebus, à veé Amori dzə́ kév é wòŋ agwan, a veé Kanane dzə́ e ŋguùŋè rìbà ndzə̀v, e kfə̀n a dzə e ghaŋ se ndzəv yee Jordan.»

Kintaŋ 23:19

Nyùy yòʼ dzə̀ wir msòŋ, e bó a boʼtí kimboʼtì. Wù yòʼ dzə̀ wan wìr msòŋ, e bó a kuvsín kwaʼtì rə́. Wù‑uù yiì ne sùúy kinyo, e làa yòʼ wìy yiì a? Wù‑uù yiì ne kàʼ kinyo, e làa yòʼ wiy yiì kíwun a?

Lim Aŋgàa Ntum 13:22

Nyùy sù wun, e kòʼór Davir ji Fon wov. A Nyùy‑iì sùúy kùm Davir və̀n jii, ‹M yèn ji Davir woo wan Jessi dzə̀ kfə́ə wìr wo wù gheenen mo. Wù wíy a yiì kinyo ke m suuy kidzə̀m.›

Remrí 26:3

Wìr du sho, é wù yén taà cù wo wù lim e ghan fó, e yòŋ sho jii, ‹M tuúne e Nyùy wóm si e kishiíy ké lán ki jii, m nə̀ə́ ne e nsay ye Nyùy Tàr‑iì kàʼàn atàr vér ji wun wíy fo e vèr.›

Remrí 32:4

Nyùy Tàr dzə̀ Kilán, a lim rəə́ dzə̀ là kiloʼ. Dzə́ə sə́ sidzə̀m si kér suuyrú. Dzə̀ Nyùy, a yii rəə́ yii dzə́ yee tìítiy, dzə́ là jay. Yii rəə́ dzə̀, a kù dzə̀ ye ruú, e kfə̀n a dzə yee réŋé.

Remrí 7:1

Mooser shaà fo mbìy, a suúy jii, «Nyùy Tàr woo Nyùy won wíy lì ven, e dù sho e nsay ye vèn du, e nəə́ sho ji vèn yov, é wù tsəʼ vitúm fo fo vinín fo věn mbìy, a kù dzə̀ mo vèn wíy a nəə́, a dù. Wù wíy tsə̀ʼ wír veé Hit wùn à veé Girgashi, à veé Amori, à veé Kanane, à veé Perisi, à veé Hivi, à veé Jebusi. Dzə̀ vitúm saàmbà, a ví kùʼkìr, e kfə̀n tàvkír, e shaà ven.

Remrí 9:5

Bó yòʼ dzə̀ ji vèn kér a yii ye réŋé, kìn ji melív men mè tíy a tìítiy, é bo Nyùy Tàr yii ji vèn nəə́ aáwuné nsay, e yòv. Kù dzə̀ bìʼ yíi kisaŋ vitum vee fó, é bo Nyùy Tàr woo Nyùy won wáa jùm áwune fo věn mbìy. Kí kfə́n a dzə sa bèy, ji wun fiʼ sə̀ntì kinyo ke wù‑uù lìʼìn wùn aàtàr véné vee Abraham wùn à Aysi, à Jakov.

Titur 1:2

Aá kfə́n a shìy dzəʼə̀m yee là may ye Nyùy‑iì kàʼàn áwune shó fo ŋgùʼ. Nyùy, wo bó wù yòʼ yii bóʼti kimboʼtì.

Hibru 11:17

Mo Abraham kù‑uù sí wáy shilív a dzə̀ e Nyùy wùn, Nyùy wìy lò, e mùm wun, wù ku nèn biìmé. Wun woo Abraham wo Nyùy‑iì kàʼàn ji wù wíy a ker rám nèn lì wán və woo Aysi ji wun sí cu a Nyùy sho.

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

Joshua 11:23

Á mo Joshua‑aà səən nsay e dzə̀m, kù réŋréŋ mo Nyùy Tàr‑iì suuyin e Mooser ji á kù wíy yiì. Joshua nèn fò ji vitsə́ʼ vé wìr veé Isray, e jàvtì aáwune mo kfə́ə sév sí dzə̀kìn. Dzə̀ é ghan sin se wír veé Israyi‑iì meèmèn fó rər.

Joshua 11:3

Wù kfən bì sá wír veé Kanan adzə̀m, veé mbìv Jordan yeé koy yìyí wùn à yeé koy ŋkoòvì, e bì wír veé Amor, à veé Hiti, à veé Perisi, à veé Jebusi e wòŋ agwan, à veé Hiv vé a kfənér e sar Gwan Hermon e ŋgvən yeé Mispàa.

Joshua 23:14

«Lèn, vèn yuúrí, e yù, m sí reŋ, mayì, a m sí kfə́n e bàm mo kifá kidzə̀m ki kù kfə́né. Ven adzə̀m, vèn kì kijuŋ, a melív men mè bínsi sa jii, fo vinyò vidzə̀m ve Nyùy Tàr‑iì kàʼàn ven shó, bó kinyo kimòʼón ki yoʼ gòʼ la wù yii.

Joshua 9:1

Afon vee lò fó Jordan, a kfənér e mbìv yee fo shùy yii nə́ə nèn yù mo wír veé Israyi tònèn vitúm. Veé agwane yú, veé mboʼ seé ghaa rìbà ndzə̀ví yú, e dù meé e Lebanon. Á yú bey, e nèn tàr shuu, e bàʼtí shúu wóv rər e mòʼón ji á funen á Joshua wùn à wír veé Israyi, aàfon vìne dzə̀ jii, fon woó Hit, woó Amor, woó Kanan, woó Peris, woó Hiv, e bóo lì woó Jebus.

1 Joon 1:9

Yii bèy, a wìr tuúne vinyo ve wù jayin, Nyùy kù nèn làysìn, e sù njò rə, wù wàa dzə là jay, bìʼ fo dzəə̀n kinyo ke wù‑uù kàʼàn, a wù kù yii yii vinyo və́ réŋ.