Nehemia 9:4 - ŊWÀʼ NYÙY

⁴ Wír veé ram Levi ámóʼó‑oò tíy e kirə̀ʼ ke seʼtìn kí, tóŋ e Nyùy Tàr woo Nyùy wov kitávín. A vé‑eè dzə̀ jii, Jeshua wùn à Bani, à Kadmiel, à Shebania, à Bunni, à Sherebia, à wùmòʼ woo Bani, e lì Kenani.

Nehemia 9:4 Iomraidhean Croise

2 Wòŋ 20:19

Á bèy, wír veé ram Levi ve dzəə̀n kfə́ə Kohat wùn à vee kfə́ə Koràa nèn lò e yuv, a sùyrì Nyùy Tàr woo Nyùy wìr veé Isray, a nàn jí kitávín.

Nehemia 12:8

Wír veé ram Levìi wáa dzə jii, Jeshua wùn à Binnuy, à Kadmiel, à Sherebia, à Juda, à Mattania. Wír vìn wùn aàfə́r véví‑iì maʼ luŋ se nsùyrì Nyùy,

Nehemia 3:17

E wun bàm, wír veé ram Levìi nèn nàŋsín kév, aá lim e Rehum woo wan Bani sar. Hashabia wo wù‑uù sáʼ mbìv yìmòʼ fó kimbàr ke wòŋ ke dzəə̀n kee Keyla, náŋsín sá ké wùn à wír vəə́ fó ghaŋ.

Nehemia 8:4

A kí‑iì dzə̀ jii, Esra woo ŋgaà dùŋrì‑iì kòʼ, e tìím e kitaàtì ke vé‑eè fèrìn e vicí ví bìʼ ŋkàʼ vən, wír ámóʼó wáa tiy e wun ghaŋ. Ve vé‑eè tíy e wun koy yìyí‑iì dzə̀ jii, Mattitia wùn à Shema, à Anayia, à Uria, à Hilkia, e lì Ma‑Aseyia. Veé koy ŋkoòvìi wáa dzə jii, Pedayia wùn à Mishael, à Malkija, à Hashum, à Hashbaddana, à Sekariya, e lì Meshullam.

Nehemia 8:7

Áwune kú a tiy fo vé‑eè tíyí, a yuurí Ŋwàʼ Nsər, wír veé ram Levìi wáa sə áwune, a toʼtí nsàv, á wáa yu kijuŋ. A wír vìne‑eè dzə̀ Jeshua wùn à Bani, à Sherebia, à Jamin, à Akkuv, à Shabbetay, à Hodia, à Ma‑Aseyia, à Kelita, à Asaria, à Josabad, à Hanan, e lì Pelayia.

Nehemia 9:5

Wír veé ram Levi vee ji Jeshua wùn à Kadmiel, à Bani, à Hashavneya, à Sherebia, à Hodia, à Shebania, e lì Petahia, á nèn yòŋ jii, «Vèn lo lèn, a burí Nyùy Tàr woo Nyùy won, wun wo wù‑uù siìn, a wù kù wíy a dzə ghán sidzə̀m. Á kú a burí yír rə́ ye yí kùʼùn, e shaà mo a dzə̀ wìr kwà, e kfə̀n shòŋrì.»

Nsùyrì Nyùy 130:1

Éè Nyùy Tàr, ŋgeʼ si sùm ne mo, m wáa toŋ e wò.

Nsùyrì Nyùy 3:4

M yii tóŋ e Nyùy Tàr, wù yù tóŋ yém fo wun gwan wo ranén, e sə̀ mo.

Nsùyrì Nyùy 77:1

M tóŋ kitávín e Nyùy bìʼ kíghàʼ wom, tóŋ kitávín e wun ji wù ku yù á tóŋ yém.

Yòvdìy 3:8

M tóŋ, e lòn ji wù sə́ á mo, wù tén fó yu bunrì yém.

Joon 11:43

Wù suúy bey, e yòŋ kitávín jii, «Laasaror, fəə́ fèn.»

Lim Aŋgàa Ntum 7:60

Wù nèn lò, e tsə̀m fó nsay, e tòŋ kitávín jii, «Tàr, lá à yòʼ a leéy kinyo ke bi ke wír vìne yii kìn.» Wù rəə́mé bey, e nèn kònsí, e kpù,