Nehemia 9:2 - ŊWÀʼ NYÙY

² Wír ve yì‑iì dzəə̀n naaŋkàntì rám Israyi bàr wún fo vitúm vi, e nèn tìím, a tuuné ajay vév wùn à vinyo ve atàr véví‑iì bùʼtìn ví.

Nehemia 9:2 Iomraidhean Croise

1 Afòn 8:47

aáwune dù e wòŋ foo fèy, e màʼtì jay wov, e bìnèr melív mev, a toŋ e wò, a suúy jii, ‹Vèr jày ne, vèr yiì ne yii ye bií,›

Esra 10:11

Bo kí dzə̀ lèn ji vèn tuúné á vitú vén e Nyùy Tàr woo Nyùy atàr vén, a yiì mo wù taʼà, e jàvsìn vitú vén fo vitúm vee věn ghaŋ vi wùn à fo vikìy vee vitúme.»

Esra 6:21

Wír veé Isray ve vé‑eè kfənen é bàmé nèn yì ŋkàʼ vən wùn à wìr dzə̀m wo wù‑uù màʼtìn liì joònè, e tàtí áwune ji á fíʼ a cù a dzə̀ Nyùy Tàr woo Nyùy woó Isray.

Esra 9:1

Vinyo vìn vi‑iì shaà, vilìmbìy ve kfəə si ví nèn wìy wìy, e yèn mo, e sùúy jii, «Wír veé Isray, e lì atàá cù, à wír veé ram Levìi yoʼ jàvsìn a ŋgoo yee wùn à vitúm vímóʼ ví. Áwune kù biʼnìn a liì wo koʼoyín wo dzəə̀n wo wìr veé Kanan wùn à veé Hiti, à veé Perisi, à veé Jebusi, à veé Ammone, à veé Moavi, à veé Ejivi, e lì veé Amor.

Esra 9:15

Éè Nyùy Tàr woo Nyùy woó Isray, à dzə̀ là kiloʼ. Vèr dzə̀ lán a dzə̀ kibér ke wìr. Leéy ri e yèn, vèr tíy e wò si vèr aàjay vérí, a bó vèr yoʼ ghèén a tiy bìʼ ajay vee shoon.»

Esra 9:2

Áwune tàʼ ne vitúm vìn a ji vikìy vév, e lì sa vé won vév fó fo, e nèn bvə̀yrì ŋgoo yee jeéy rə̀n e vitúm vìn vi. A wír ve á tíy mbìy e liì joònè fene dzə̀ á vilìmbìy wùn à vé saʼa.»

Nehemia 1:6

Ku mvə̀ʼ vituʼùr vé vi. Ku lèéy mo, a yuurí tóŋ ye ŋgaà lìm wò tóŋ e shùy, tóŋ vitsə́ʼə́, bìʼ aŋgàa lìm vé vee wír veé Isray. M tuúne ajay ve vèr à wír veé Israyi jayin e wò. Vèr à rám atàr vérí jày ne.

Nehemia 10:28

Kibér ke wìr kee jii, atàá cù wùn à wír veé ram Levìi, à wír ve á leey lav cùu, à vé yòvi, à vé lìm veé lav cùu, à wìr dzə̀m wo wù fəən ne fo wír veé wòŋ see fó ghaŋ si, e ghàr a dzə̀ Nsər Nyùy, e lì sa vikìy vév wùn à wón vee vilume, à vee vikìyí, à wìr dzə̀m wo yì‑iì dzə̀ wù kìíy kinyo, e kfə̀n səə̀m.

Nehemia 10:29

Áwune nèn tàtí afə́r vév ve dzəə̀n vilìmbìy, e yiì kilìʼ. Wùn áwune líʼ ji á yíi a yu vinyo a dzə̀ á fo Ŋwàʼ Nsər wo Nyùy‑iì foon aáwune, e shaà fo Mooser woo ŋgaà lìm və, a ghar a nsər se wun woo Nyùy Tàr woo tàr wov, a yu vinyo ve wù‑uù tinen, wùn à sáʼ rəə́, a yiì a mo yí dzəə̀n. Kí búŋ fo bèy, é lǒn Nyùyi shóv aáwune.

Nehemia 13:3

Wír veé Israyi yú nsər rə̀n, e nèn fə̀ə́r wir kitum e dzə̀m fo áwuné mvəm.

Nehemia 13:30

Á bèy, m nèn kfə̀mrí áwune fó vinyò ve bvəyrìn ví, e nèn naàrì lim atàá cù wùn à yé wìr veé ram Levìi. Wìr nén a tiy e wun shùu lìm.

Nsùyrì Nyùy 144:11

Sə́ mo fo aŋgàa vibàn vémé wo, wír, aá yii kinyo là mendzən. Fəə́r mo fo vitúm ví wo, wír, aá kù fəər a dzə̀ kimboʼtì fo shuù, lo, á wàa boʼtí kimboʼtì, a lìʼ ji dzə̀ á suuyrú.

Nsùyrì Nyùy 144:7

Ràmsì kóy wóo fó yuv, e fə̀ə́r mo fó mvə̀m ŋgeʼ se sí ghíʼ mo. Bòyìr mo fo vitúm ví wo,

Ŋgàn 28:13

Wìr lóo lìtì ajay və́ lítin, bo bó yòʼ dzə̀ wù kùy. Wìr tuúne ajay və́, bin ndzə̀m shó, Nyùy shàm mendzən mvə.

Aysaya 2:6

Rúrú, Nyùy Tàr, à màʼày ne wír vé. À màʼày ne wír vé vee rám Jakov, bìʼ fo á bìʼnìn ne liì vitum veé mbìv yee fo shùy yii tó. Áwune sì moo vé fù veé Filistia, suúsin a dzə̀ wùn à vitúm vi, jumrì liì wov.

Jeremia 14:20

Éè Nyùy Tàr, vèr jày ne e wò, a vèr sí tuúne ajay vee shoon wùn à vé atàr vérí.

Jeremia 3:13

Ku biìmé a dzə̀ liì kisaŋ wo wò‑oò yiìn. Wò‑oò táv kitú vèn Nyùy Tàr woo Nyùy wò, ghvə́m anyùy a dzə̀ vé vitum, du, cu e sar se vici ve rəŋsìn ví vidzə̀m, e làa yòʼ a yunín mo gheéy. Suuy mo woo Nyùy Tàr.

Daniel 9:20

M ku nèn a suŋnín e mvə̀m bùnrì, a tuuné ajay vém, e kfə̀n a tuuné vé wìr veé Isray, a neèr vinyo ve m lóné e Nyùy Tǎr si, wun woo Nyùy wom, e kù a lon feyì bìʼ lav rə cù ye ranén.

Hosea 5:7

Áwune shwèy ne Nyùy Tàr, e dù a yen a dzə̀ anyùy ve səné, a wón ve á kéríi yòʼ dzə̀ vé Nyùy. Bìʼ bey, ŋkàʼ se á lem e kitu ke ŋwee ji sé Nyùy si ló, e bìnkìr, e laàr áwune láarin, à nsay yev shó.