Nehemia 9:1 - ŊWÀʼ NYÙY

¹ Wáa dzə e kishiíy kee nshòv sikweè e mbaà, e ŋwee wo wú meen ji saàmbà və̀n, wír veé Israyi nèn kfə̀n bàʼtí ji á wàá lem á jíŋ, aá máʼ ne ndzə̀y sé mendzə̀n, e fə̀vrì vitú e kibvər ki.

Nehemia 9:1 Iomraidhean Croise

2 Samuel 1:2

Vishiíy ví lòo meé vitaár, wánlè nsùm wùmòʼ bvə́y fó, e ndzə̀y sí sisaasìn, e kibvər ki é kitu, a wù léʼ fo Saul kilaʼáy. Wù wìy bèy, e gbù e Davir si, e làʼ kitú fo nsay.

2 Wòŋ 20:3

Fòn Jehoshafat yú kinyo kìy, wúné beémé wun, wù wáy ji wun‑éè bee á Nyùy Tàr shó. Wù nèn fò sáʼ ji á lem á jíŋ woŋ Juda e dzə̀m.

2 Wòŋ 7:10

Wáa dzə e kishiíy kee ji nshòv sitaár e mbaà fó ŋwee woo ji saàmbà, Fòn Solomon siìr wíri é bàm aáwuné melaʼ, a wìr dzə̀m yú vijuŋ, shéʼri vinyo ve juŋ ve Nyùy Tàr‑iì yiìn e Davir, e yiì e Solomon, e kfə̀n yiì e wír və́ veé Israyi.

Esra 8:21

M nèn yòŋ, vèr lém jíŋ e ghaa ndzəv yee Ahava rə̀n, a neŋ e Nyùy si, a lon ji wù fó á vèr à wóné ghán ye juŋe, a kìŋsìn saa kifá kér kidzə̀m.

Esra 8:23

Vèr nen lèm jíŋ, a bùnrì ji Nyùy wor yii, é vèr ghán á kijuŋ. Wù nèn yù tóŋ yér.

Nehemia 8:2

Esra wo kfə̀n‑eè dzəə̀n taà cù ku nèn tàʼ Ŋwàʼ Nsər, e wìy sho e màŋgòŋ si, a kù‑uù dzə̀ vilum wùn à vikìy, à wàʼbìn wo yì‑iì dzə̀ wù yù kinyo, e lèm. A kishiíy kin ki kù‑uù dzə̀ ké mbìy ki e ŋwee wo wú meen ji saàmbà.

Esta 4:16

«Mordekay, dùu, e bàʼtí wír veé Juda ve á dzəə̀n é Susàa kirə́ʼ kimòʼón, é vèn áwune ku lèm jíŋ, a bùnrì fo mò. Kí dzə̀ jii, e bǎm vishiíy vitaár, e shùy wùn à vitsə́ʼə́, lá wìr yòʼ nò kifá, kìn ji wù yí ke yiín kí. Vèr à wónlě vikìy ve á lim fo mòó kù yíi a lèm sa jíŋ bèy. Kee shooy ki shaa, é m du, e yèn fon. A fə̀m dzə̀ mo nsər yoʼ biìmé ji wìr du fó, a bó á toóy tooyín, bo m kù‑úù du, a mo‑óò du kpù, é m dù kpù.»

Esta 4:3

Vishév ve wòŋ vidzə̀m ve sáʼ rə̀ne‑eè nəən shó, wír veé Judàa wáa dìy sa adzə̀m, a toŋ, a shèŋ kitú, a lèm jíŋ, a toŋ bèn, a jeetí. Kùʼùn wìr máʼ vinsàʼ ve ndzə̀y, e yòʼ kibvə́ e si, a neŋ fo nsay.

Ŋwàʼ Jov 2:12

e yiì lòo màʼ sí, e yèn Jov, aá dzə̀ə́ fo shintàm, e làa yòʼ dzə́ə kiíy wír woo shó. Á nèn waàmé a dzə̀ tóŋ, e sàtì vikúm fó wùn, a dìy, a kuúy kibvər, a waŋ e yuv,

Aysaya 22:12

Yì‑iì dzə̀ é ghan fóo fèy, Nyùy Tàr woo Taà Mànjòŋ, wun woo Taà Ndzə súŋnín, e sùúy jii: «Vèn wáa toŋnín, a dìynìn. Vèn kwaay vitú vi, e màʼ ndzə̀y sé kpu si.»

Joel 2:12

Yii bèy, Nyùy Tàr kù dzəə́ kér shíi won. Wù suuy e vèn jii: «Vèn kfə́n é bàm e mǒ wùn shilív shén shidzə̀m, a lèm jíŋ, a toŋ, a dìy.»

Cù 23:34

«Suúy e wír veé Israyi jii, lóo dzə e kishiíy kee nshòv sitàn e ghvə̀m, kù é ŋwee woo saàmbà, vèn kèʼ ŋkǎʼ Nyùy Tàr wo dzəə̀n Wó Tàv sé Ghan, e yiì kishiíy saàmbà.

Cù 23:39

«Ké *Ŋkǎʼ Tàv sé Ghan ki nén a dzə jii, lóo dzə e kishiíy kee nshòv sitàn e ghvə̀m fo ŋwee woo saàmbà, a vèn káv ne vifá fo kwaʼ, ví máy, vèn lèm ŋkǎʼ Nyùy Tàr kishiíy saàmbà. Kishiíy ké ŋkàʼ vən ké mbìy ki kù dzə̀ kishiíy ké meèmè kee jeéy kí, a ke kí meen ji waamé kí kù dzə̀ sá bèy.

Joshua 7:6

Joshua yú, e nèn saàsì ndzə̀y sə́, e gbù fo nsay, e tsə̀m sí wùn à kfə́m sé wìr veé Isray si wáa neŋ e mbìy ŋkùv mensàŋ Nyùy Tàr, e dù, e meé e ŋkuùr, aá yóʼ ne kibvər e kitu.

Ŋgaà Yen 11:3

Jì yee shooy nèn kfə̀n sùúy jii, wun wíy tsənsí wír və́ abaà ve á wíy a tunér kinyo kfə́. Aá wíy wìy, aá máʼ ndzə̀y sé kpu, é wun wáa shìy áwune, aá tiísí á ntum Nyùy kishiíy kishóv mntuùfú é ghiì baà é nsə̀kì (1,260).

Atǎr Nsaʼ 20:26

Wìr dzə̀m woó Isray nèn kfə̀n kòʼ e Nyùy Tǎr kirə̀ʼ ké cù e Betel, a dìy e wun si, e dìy bèy, e lèm jíŋ kishiíy kifur. Á lèm bèy, e cù Nyùy Tàr e cu ye tonèné, à yé kikòŋnìne.

1 Samuel 4:12

Wìr woó Benjamin wùmòʼ léʼ fó shùu rər é kishiíy fóo fèy, a dù e Shilo, a wù sátí ne ndzə̀y fó wùn, e kfə̀n yòʼ nsay e kitu.

1 Samuel 7:6

Áwune ku nèn a baʼtí e Mispa. Á báʼtí, e tù mendzə́v, e cuùrì ji cu Nyùy Tàr, e lèm jíŋ kishiíy kifur. Áwune wáa tunrí ajay vév, a suúy jii, «Vèr jày ne e Nyùy Tàr.» Nén a dzə e Mispa fèy fo Samuel‑iì fəəsin ji tàr nsaʼ wìr veé Isray.